Mga Bilang 15:3 - Marahay na Bareta Biblia

³ Pwede sindang magdolot sa Kagurangnan nin sarong torong baka o sarong lalaking karnero o sarong kordero o sarong kanding bilang tinutong na atang, o dolot sa pag-otob nin sarong panuga, o boluntad na dolot, o dolot kun panahon nin pyesta; an parong kan mga dolot na pagkakan na ini nakakawili sa Kagurangnan.

Mga Bilang 15:3 ပူးပေါင်းရင်းမြစ်များ

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

Esdras 7:17

“An kwartang ini gamiton mo sana para sa pagbakal nin mga torong baka, mga karnero, mga kordero, trigo, saka arak, dangan idolot mo sa altar kan Templo sa Jerusalem.

Salmo 54:6

Sa maogmang boot maatang ako saimo, Kagurangnan; magpapasalamat ako saimo huli ta ika marahay.

Exodo 29:18

tutongon mo an bilog na karnero sa ibabaw kan altar bilang sarong tinutong na atang. An parong kan dolot na ini nawiwilihan ko.

Exodo 29:25

Dangan kuahon mo iyan sa sainda asin tutongon mo sa altar, sa ibabaw kan tinutong na atang, bilang sarong dolot na pagkakan sako. An parong kan dolot na ini nawiwilihan ko.

Exodo 29:41

An ikaduwang kordero idolot nindo pagkabanggi asin ibahan nindo nin arina, lana nin oliba saka arak na pareho kadakul kan sa pagkaagang dolot. Ini sarong dolot na pagkakan para sa sako asin an parong kaini nawiwilihan ko.

Levitico 10:13

Kakakanon nindo iyan sa sarong banal na lugar, huli ta iyo iyan an kahirasan nindo asin kan saindong mga aki hale sa idinolot sa Kagurangnan. Iyo iyan an ipinagboot sako nin Kagurangnan.

Levitico 27:2

an minasunod na pagsusundon para sa banwaan nin Israel. Kun an sarong tawo idinusay sa Kagurangnan bilang panuga, magigin talingkas an tawong iyan sa paagi nin pagbayad kan maninigong kantidad,

Levitico 7:16

Alagad kun an dolot para sa katoninongan idolot niya bilang pag-otob nin sarong panuga o bilang sarong boluntad na dolot, dai kaipuhan na uboson iyan sa laog kan aldaw na idinolot iyan; an matada pwedeng kakanon sa masunod na aldaw.

Mga Bilang 28:27

Magdolot kamo nin tinutong na atang, sarong parong na nakakawili sa Kagurangnan: duwang torilyong baka, sarong lalaking karnero, asin pitong lalaking kordero na manangtaon an edad, na gabos mayo nin ano man na kaninan.

Mga Bilang 29:8

Magdolot kamo nin tinutong na atang, sarong parong na nakakawili sa Kagurangnan: sarong torilyong baka, sarong lalaking karnero, asin pitong lalaking kordero na manangtaon an edad, na gabos mayo nin ano man na kaninan.

Mga Bilang 6:15

Laen pa kaiyan, madolot siya nin sarong basket nin tinapay na mayo nin lebadura: mahihibog na tinapay na gibo sa arinang sinalakan nin lana nin oliba, asin maninipis na biskwit na linahidan nin lana nin oliba, kaiba an dolot na pagkakan asin dolot na inomon.

Mateo 3:17

Dangan may tingog hale sa langit na nagsabi, “Ini an namomotan kong Aki na sakong ikinakaogma.”

2 Corinto 2:15

Huli ta kami an mahamot na insenso na idinolot ni Cristo sa Dios, na napaparong kan mga iliniligtas asin kan mga napapahamak.

2 Corinto 2:16

Para sa mga napapahamak, iyan sarong parong na nakakagadan; alagad para sa mga iliniligtas, iyan sarong mahamot na parong na nagtatao nin buhay. May makakagibo daw kaini?

Efeso 5:2

Maglakaw kamo sa pagkamoot, siring na si Cristo namoot sato. Idinusay niya an saiyang buhay para sato, bilang mahamot na dolot asin sakripisyo sa Dios.

Deuteronomio 12:11

Mapili an Kagurangnan nin saro sanang lugar na pagsasambahan saiya asin duman nindo dadarahon an gabos na ipinagboot ko saindo: an saindong mga tinutong na atang asin iba pang mga sakripisyo, an saindong mga himoloan saka mga dolot, asin an saindong mga panugang regalo sa Kagurangnan.

Deuteronomio 12:17

Dai nindo pagkakanon sa saindong mga pinag-eerokan an ano man na idinolot nindo sa Kagurangnan, siring man an mga himoloan kan saindong ani, kan saindong arak o kan saindong lana, an mga matua kan saindong mga baka saka mga karnero, an saindong mga panugang regalo sa Kagurangnan, an saindong mga boluntad na dolot sagkod an iba pa nindong mga sakripisyo.

Deuteronomio 12:6

Duman nindo idodolot an saindong mga tinutong na atang asin an iba pang mga sakripisyo, an saindong mga himoloan saka mga dolot, an saindong mga panugang regalo, an saindong mga boluntad na dolot sagkod an mga matua kan saindong mga baka asin mga karnero.

Filipos 4:18

Uya an patotoo na an gabos inako ko na saindo; sobra pa ngani an inako ko orog na ngunyan na dinara na ni Epaprodito an saindong mga regalo. Ini sarong mahamot na dolot sa Dios, sarong atang na ikinakaogma niyang akoon.