Mga Bilang 15:29 - Marahay na Bareta Biblia

²⁹ Igwa nin parehong pagsusundon para sa dai tuyong nagkasala, Israelita man o nakikihimanwa na dayuhan.

Mga Bilang 15:29 ပူးပေါင်းရင်းမြစ်များ

1 Mga Hade 8:41

“Kun an sarong dayuhan na nag-eerok sa harayong lugar makadangog kan saimong dakulang ngaran asin kan saimong makangangalas na mga gibo para sa saimong banwaan, dangan magdigdi tanganing magsamba saka mamibi sa Templong ini,

Exodo 12:49

Sakop kan mga pagboot na ini an gabos na Israelita asin an mga dayuhan na nakikihimanwa saindo.”

Levitico 16:29

An mga minasunod iyo an ootobon nindo sa gabos na panahon. Sa ikasampolong aldaw kan ikapitong bulan, an mga Israelita saka an mga dayuhan na nag-eerok sa kaibahan ninda kaipuhan na mag-ayuno asin dai magtrabaho.

Levitico 17:15

An siisay man na tawo, Israelita man o dayuhan, na kumakan kan karne nin hayop na nagadan o ginadan kan mga lalaw na hayop, kaipuhan na maglaba kan saiyang gubing asin magkarigos. Mahalat siya sagkod magbanggi dangan siya magigin malinig.

Levitico 4:2

na sabihan an banwaan nin Israel na kun an saro sainda magkasala asin maglapas kan arin man sa ipinagboboot nin Kagurangnan na dai man tinutuyo, kaipuhan otobon niya ining mga pagboot.

Mga Bilang 15:15

Sagkod lamang, saro sana an pagsusundon nindo asin kan mga dayuhan na nag-eerok sa kaibahan nindo. Sa atubangan nin Kagurangnan, kamo saka an mga dayuhan pareho sana;

Mga Bilang 15:28

Sa atubangan nin Kagurangnan, gigibohon kan padi an seremonya nin paglinig tanganing linigan an tawo kan saiyang kasalan dangan papatawadon siya.

Mga Bilang 15:30

Alagad gagadanon an tawong tuyong nagkasala, Israelita man o dayuhan, huli ta dai niya ginalangan an Kagurangnan.

Mga Bilang 9:14

“Kun an sarong dayuhan na nakikihimanwa saindo boot magselebrar kan Paskwa, kaipuhan gibohon niya iyan sosog sa gabos na pagsusundon. An pagboot na ini para sa gabos, Israelita man o dayuhan.”

Lukas 12:48

Alagad an sorogoon na dai nakakaaram kan kabotan kan saiyang kagurangnan, asin naggibo nin anoman na maninigo nin padusa, hahampakon nin kadikit. An pinaniwalaan nin dakul, hahanapan nin dakul; an pinaniwalaan nin mas dakul, hahanapan man nin mas dakul.

Josue 8:33

An mga Israelita, kairiba an saindang mga lider, an mga opisyal, an mga hukom, asin an mga dayuhan na nakikihimanwa sainda, nagtirindog sa mag-ibong kan Kaban nin Tipan nin Kagurangnan, nakaatubang sa mga pading Levita na nagdadara kaiyan. An kabanga kan mga tawo nakatalikod sa Bukid nin Gerizim, asin an kabanga nakatalikod sa Bukid nin Ebal. Arog kaini an pagboot ni Moises na gibohon ninda pag-abot kan panahon na maako na sinda kan bendisyon.