Mga Bilang 15:25 - Marahay na Bareta Biblia

²⁵ Gigibohon kan padi an seremonya nin paglinig para sa komunidad, dangan papatawadon sinda, huli ta an kasalan na naginibo ninda dai tinuyo, asin nagdara sinda nin dolot para sa kasalan bilang dolot na pagkakan sa Kagurangnan.

Mga Bilang 15:25 ပူးပေါင်းရင်းမြစ်များ

Parahulit 5:6

Hare pagtugot na an saimong mga tataramon iyo an magdara saimo sa kasalan, tanganing dai ka magsabi sa sugo nin Dios na dai mo man idto tinutuyo. Tano ta papaanggoton mo an Dios asin ipaparaot mo saiya an saimong pinagpagalan?

Levitico 15:15

An saro kaiyan idodolot kan padi bilang dolot para sa kasalan asin an saro bilang tinutong na atang. Sa paaging iyan gigibohon kan padi an seremonya nin paglinig para sa nasabing lalaki.

Levitico 4:20

Iyo iyan an gigibohon niya sa hayop, arog kan ginigibo niya sa hayop na idinolot para sa kasalan; sa paaging iyan, idodolot kan padi an atang para sa kasalan kan mga tawo asin papatawadon sinda.

Levitico 4:26

Pakatapos, susuloon niya sa altar an gabos na taba arog kan ginigibo niyang pagsulo kan taba kan mga hayop na binubuno para sa dolot para sa katoninongan. Sa paaging ini, idodolot kan padi an atang para sa pamayo kan banwaan asin papatawadon siya.

Levitico 4:31

Dangan hahaleon niya an gabos na taba, siring kan paghale niya sa taba kan mga hayop na binubuno bilang atang para sa katoninongan, asin tututongon niya iyan sa altar. An parong kaiyan nawiwilihan nin Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Levitico 4:35

Pakatapos, hahaleon niya an gabos na taba, siring kan paghale niya sa taba kan karnerong binuno bilang dolot para sa katoninongan, asin tututongon niya iyan duman sa altar kaiba kan mga dolot na pagkakan na itinatao sa Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Lukas 23:34

Nagtaram si Jesus, “Ama, patawada sinda! Huli ta dai ninda aram an saindang ginigibo.” Pinagripahan kan mga soldados an mga gubing ni Jesus tanganing pagbarangaon.

Mga Gibo 13:39

Huli saiya an gabos na nagtutubod pinapatawad kan anoman na pagkakasala na dai napapatawad sosog sa Katogonan ni Moises.

Roma 3:25

Idinolot nin Dios si Jesu-Cristo, na sa pagpabulos niya kan saiyang dugo, siya an nagin dalan sa kapatawadan nin mga kasalan kan mga nagtutubod saiya. Ginibo ini nin Dios sa pagpahiling na siya matanos. Kaidto, matinios siya asin pinagpasipara niya an mga kasalan kan mga tawo. Alagad ngunyan, huhukoman niya an saindang mga kasalan tanganing ipamidbid an saiyang katanosan. Sa paaging ini mahihiling na siya matanos asin na pinapangagin niyang matanos sa saiya an mga tawong nagtutubod ki Jesu-Cristo.

Deuteronomio 21:21

Dangan gagapoon siya kan mga lalaki kan syudad sagkod na siya magadan; sa siring na paagi mahahale sa tahaw nindo an karatan na ini. Madadangog ini kan bilog na Israel asin matatakot sinda.

Hebreyo 2:17

Nangangahulogan na dapat siyang magin arog kan saiyang mga tugang sa gabos na bagay, tanganing siya magin maheherakon saka maimbod na Halangkaw na Padi sa saiyang paglingkod sa Dios, tanganing mapatawad an mga kasalan kan mga tawo.

Hebreyo 9:7

Alagad duman sa ikaduwang kabtang, an Halangkaw na Padi sana an nakakalaog, sarong beses sa taon. Minadara siya sa laog nin dugo kan hayop na idinodolot niya sa Dios para sa sadiri niyang mga kasalan asin para sa kasalan kan mga tawo, kasalan na nagibo ninda alagad dai aram na kasalan palan.

1 Juan 2:2

Si Cristo an kabayadan para sa satong mga kasalan, bako sanang an satong mga kasalan kundi an kasalan kan gabos na tawo.