Mga Bilang 15:24 - Marahay na Bareta Biblia

²⁴ kun an naginibong sala dai tinutuyo huli ta dai nin pakaisi an komunidad, an bilog na komunidad madolot nin sarong torilyong baka bilang sarong tinutong na atang na an parong nakakawili sa Kagurangnan, kaiba an maninigong dolot na pagkakan saka dolot na arak. Laen pa kaini, an komunidad madolot nin sarong lalaking kanding bilang dolot para sa kasalan.

Mga Bilang 15:24 ပူးပေါင်းရင်းမြစ်များ

Esdras 6:17

Para sa pagkonsagra kan Templo, nagdolot sinda nin sanggatos na toro, duwang gatos na karnero, apat na gatos na kordero asin doseng kanding bilang dolot para sa kasalan, sarong kanding para sa lambang tribu nin Israel.

Esdras 8:35

Kan panahon na idto, an gabos na nagbalik hale sa pagkatapokan nagdara nin mga tinutong na atang para sa Kagurangnan, an Dios nin Israel. Nagdolot sinda nin doseng torong baka para sa bilog na Israel, nubenta y seis na karnero asin setenta y syeteng kordero; nagdolot man sinda nin doseng kanding bilang dolot para sa kasalan. Ini gabos tinutong bilang mga sakripisyo para sa Kagurangnan.

Levitico 23:19

Madolot pa kamo nin sarong lalaking kanding bilang dolot para sa kasalan asin duwang lalaking karnero na sangtaon an edad bilang dolot para sa katoninongan.

Levitico 4:2

na sabihan an banwaan nin Israel na kun an saro sainda magkasala asin maglapas kan arin man sa ipinagboboot nin Kagurangnan na dai man tinutuyo, kaipuhan otobon niya ining mga pagboot.

Levitico 4:22

Kun an magkasala iyo an pamayo kan banwaan, alagad dai man tinutuyo na makaginibo siya nin paglapas kan arin man sa mga pagboot nin Kagurangnan na saiyang Dios,

Levitico 4:23

sa oras na maaraman niya an kasalan niya, madara siya nin lalaking kanding na mayo nin kaninan bilang saiyang dolot.

Levitico 5:15

Kun an sarong tawo dai tuyong magkasala huli sa dai niya pakatao kan mga bayad na banal para sa Kagurangnan, madara siya nin sarong lalaking karnero o kanding na mayo nin kaninan bilang dolot na kabayadan. Aramon nindo an kantidad kaiyan sosog sa kinaugalean na timbang kan santwaryo.

Levitico 5:18

Madara siya sa padi nin sarong lalaking karnero o kanding na mayo nin kaninan bilang dolot nin kabayadan. Aaramon nindo an kantidad kaiyan sosog sa kinaugalean na timbang kan santwaryo. An padi an madolot kan sakripisyo para sa kasalan kan tawong iyan, asin papatawadon siya.

Mga Bilang 15:23

asin halimbawa sa maabot na panahon dai kinuyog kan komunidad an gabos na pagboot nin Kagurangnan sa paagi ni Moises;

Mga Bilang 15:26

Papatawadon an bilog na komunidad nin Israel asin an mga dayuhan na nag-eerok sa kaibahan ninda, huli ta an lambang saro sainda kadamay sa kasalan.

Mga Bilang 28:15

Laen pa kan aroaldaw na tinutong na atang saka dolot na arak, magdolot man kamo nin sarong lalaking kanding bilang dolot para sa kasalan.