Mga Bilang 15:15 - Marahay na Bareta Biblia

¹⁵ Sagkod lamang, saro sana an pagsusundon nindo asin kan mga dayuhan na nag-eerok sa kaibahan nindo. Sa atubangan nin Kagurangnan, kamo saka an mga dayuhan pareho sana;

Mga Bilang 15:15 ပူးပေါင်းရင်းမြစ်များ

Esther 9:27

ginibo ining pagsusundon kan mga Judio para sa saindang sadiri, sa mga kapagarakian ninda, asin sa siisay man na boot magin Judio, na sa talaan na panahon, taon-taon, seselebraron ninda an duwang aldaw na ini sosog sa pagboot ni Mardokeo.

Exodo 12:14

Kaipuhan na selebraron nindo an aldaw na ini bilang sarong pyesta tanganing magiromdoman nindo an sakong ginibo. Gigibohon nindo ini sagkod pa man. Ako an Kagurangnan.”

Exodo 12:24

Gibohon nindo an seremonyang ini bilang sarong pagboot sa saindo asin sa saindong mga aki sagkod pa man.

Exodo 12:43

Nagtaram an Kagurangnan ki Moises asin ki Aaron, “Uya an mga pagboot manongod sa Paskwa: Dai pwedeng magkakan kan inandam para sa Paskwa an dayuhan,

Exodo 12:49

Sakop kan mga pagboot na ini an gabos na Israelita asin an mga dayuhan na nakikihimanwa saindo.”

Exodo 28:43

Kun maglaog sa Tabernakulo si Aaron saka an saiyang mga aki, o magdolok sinda sa altar tanganing maglingkod sa Banal na Lugar, masulot sinda kan sarwal tanganing dai sinda magkasala huli sa pagkanihuba asin magadan. Ini sarong danay na pagboot para ki Aaron sagkod sa mga kapagarakian niya.

Levitico 24:22

Saro sanang togon an masakop kan gabos, Israelita man o dayuhan. Ako an Kagurangnan na saindong Dios.”

Mga Bilang 10:8

An mga trompeta papatanogon kan mga pading aki ni Aaron. “An minasunod na pagsusundon kaipuhan otobon sa gabos na panahon.

Mga Bilang 15:14

Siring man, kun sarong dayuhan na nakikihimanwa saindo o permanenteng nag-eerok sa kaibahan nindo an boot magdolot nin dolot na pagkakan na an parong nakakawili sa Kagurangnan, gigibohon man niya an ginigibo nindo.

Mga Bilang 15:29

Igwa nin parehong pagsusundon para sa dai tuyong nagkasala, Israelita man o nakikihimanwa na dayuhan.

Mga Bilang 18:8

Tinaraman nin Kagurangnan si Aaron, “Giromdoma na itinatao ko saimo an gabos na espesyal na regalo na idinodolot sako, an dolot na dai tinutong bilang mga sakripisyo. Itinatao ko iyan saimo asin sa saimong kapagarakian bilang saindong kahirasan sagkod lamang.

Mga Bilang 9:14

“Kun an sarong dayuhan na nakikihimanwa saindo boot magselebrar kan Paskwa, kaipuhan gibohon niya iyan sosog sa gabos na pagsusundon. An pagboot na ini para sa gabos, Israelita man o dayuhan.”

Galacia 3:28

Kaya mayo nin kalaenan an Judio sa pagano, an oripon sa bakong oripon, an lalaki sa babae; kamo gabos saro sana ki Cristo Jesus.

Colosas 3:11

Kaya mayo nang kalaenan an Judio sa Griyego, an pagkaniserkomsisyonado sa bakong pagkaniserkomsisyonado, an dayuhan, an bakong sibilisado, an oripon, an tawong talingkas, kundi si Cristo iyo an gabos, asin nasa gabos.

Josue 8:33

An mga Israelita, kairiba an saindang mga lider, an mga opisyal, an mga hukom, asin an mga dayuhan na nakikihimanwa sainda, nagtirindog sa mag-ibong kan Kaban nin Tipan nin Kagurangnan, nakaatubang sa mga pading Levita na nagdadara kaiyan. An kabanga kan mga tawo nakatalikod sa Bukid nin Gerizim, asin an kabanga nakatalikod sa Bukid nin Ebal. Arog kaini an pagboot ni Moises na gibohon ninda pag-abot kan panahon na maako na sinda kan bendisyon.

1 Samuel 30:25

Poon kaidto, ginibo ining sarong pagsusundon ni David sa Israel.