Mga Bilang 14:9 - Marahay na Bareta Biblia

⁹ Dai kamo magtumang sa Kagurangnan. Dai man kamo matakot sa mga nag-eerok duman huli ta madali ta sindang madaog. Kaiba ta an Kagurangnan asin nadaog na niya an mga dios-dios na nagsusurog sainda; kaya dai kamo matakot.”

Mga Bilang 14:9 ပူးပေါင်းရင်းမြစ်များ

Genesis 48:21

Dangan nagsabi si Jacob, “Jose, madali na akong magadan, alagad iibahan ka nin Dios asin ibabalik ka niya sa daga kan saimong mga ginikanan.

2 Mga Cronica 13:12

An Dios kaibahan mi asin iyo an samong pamayo; andam an saiyang mga padi sa pagpatanog kan mga trompeta tanganing labanan nyamo kamo. Banwaan nin Israel, hare kamo pagtumang sa Kagurangnan, an Dios kan saindong mga ginikanan, huli ta dai kamo manggagana!”

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

2 Mga Cronica 20:17

Dai kaipuhan na labanan nindo sinda sa gerang ini. Mag-ontok sana kamo sa tamang lugar, dai maggibo nin anoman asin mahihiling nindo an kapangganahan nin Kagurangnan para saindo. Banwaan nin Juda asin Jerusalem, dai kamo manluya o matakot. Lumuwas kamo sa pakilaban sainda, asin iibahan kamo nin Kagurangnan!”

2 Mga Cronica 32:8

Kaiba niya an kosog nin tawo, alagad kaiba ta an Kagurangnan na satuyang Dios, na matabang satuya asin makikilaban kan satuyang mga gera.” Napakosog an boot kan mga tawo kan mga tataramon na ini ni Ezekias na hade nin Juda.

Nehemias 4:14

Nahiling kong nahandal an mga tawo, kaya sinabihan ko sinda asin an saindang mga lider saka mga opisyal, “Dai kamo matakot sainda. Giromdoma nindo an Kagurangnan, dakula asin makangirhat siya. Ipaglaban nindo an saindong mga tugang, an saindong mga kaakian, an saindong mga agom saka mga harong.”

Salmo 106:24

Dangan hinaboan ninda an mayaman na daga; dai sinda nagtubod sa saiyang panuga.

Salmo 121:5

Babantayan ka nin Kagurangnan; yaon siya sa kataed mo tanganing ika ingatan.

Salmo 14:4

“Dai daw nin pakasabot an mga tampalasan?” an hapot nin Kagurangnan. “Nabubuhay sinda sa panghahabon sa sakong banwaan, asin dai sinda nag-aapod sako.”

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 46:7

An Makakamhan na Kagurangnan kaibahan nyato; satong pailihan an Dios ni Jacob.

Salmo 46:8

Madya asin hilinga an ginibo nin Kagurangnan. Hilinga an makangangalas na mga bagay na ginibo niya sa kinaban.

Salmo 74:14

Rinonot mo an mga payo kan Leviatan; itinao mo bilang pagkakan sa mga hayop sa kadlagan.

Salmo 91:1

An siisay man na magpaili sa Kagurangnan, asin magdanay sa pag-ingat kan Makakamhan,

Exodo 14:13

Nagsimbag si Moises, “Dai kamo matakot! Dai kamo maghiro! Hilingon nindo kun ano an gigibohon nin Kagurangnan tanganing iligtas kamo ngunyan; dai na nindo mahihiling an mga Egipciong iyan sagkod pa man.

Exodo 33:16

Huli ta paanong maaaraman na nawiwilihan mo ako saka an mga tawo? Bako daw huli sa pag-iba mo samo tanganing mapalaen kami, ako saka an saimong banwaan, sa ibang mga tawo sa kinaban?”

Isaias 1:2

Pagdangog, O kalangitan, asin paghinanyog, O daga; huli ta nagtaram an Kagurangnan, “Nagpadakula ako nin mga aking lalaki, alagad nagrebelde sinda tumang sako.

Isaias 32:2

An lambang saro sa sainda makakaagid sa sarong lugar na pailihan sa doros asin sa sarong lugar na matatagoan kun igwa nin bagyo. Makakaarog sinda sa mga salog na nagbubulos sa desyerto, siring sa lindong nin sarong dakulang gapo sa lugar na mayo nin anoman na masisirongan.

Isaias 41:10

Dai ka matakot—kaiba mo ako! Ako an saimong Dios—dai ka dapat matakot sa anoman! Papakosogon taka asin tatabangan; iingatan taka asin ililigtas.

Isaias 41:14

Nagsasabi an Kagurangnan, “Maski sadit asin maluya ka, Israel, dai ka matakot; tatabangan taka. Ako, an banal na Dios nin Israel, iyo an nagliligtas saimo.

Isaias 63:10

alagad nagrebelde sinda tumang saiya asin pinamondo ninda an saiyang espiritu. Kaya nagin kaiwal ninda an Kagurangnan asin linabanan niya sinda.

Jeremias 42:11

Dai kamo matakot sa hade nin Babilonia. Kaibahan nindo ako, asin ililigtas ko kamo sa saiyang kapangyarihan.

Jeremias 48:45

Magtatago sa Hesbon an mga makadulag; iyan an syudad na dating pinamahalaan ni Hadeng Sihon. Alagad nagkakalayo an Hesbon asin nasusulo an palasyo ni Hadeng Sihon. Tinompos kan kalayo an mga pagdolonan asin an mga kabukidan kan mga taga Moab na tood sa pakilaban.

Daniel 9:5

“Nagkasala kami, nagin maraot, naggibo kan sala. Isinikwal mi an ipinapagibo mo samo asin tinalikodan mi an ipinahiling mong tama.

Daniel 9:9

Nasa Kagurangnan an pagkaherak asin pagpatawad huli ta nagtumang kami saiya.

Mga Bilang 13:30

Pinakaalo ni Caleb an mga tawo na nakapalibot ki Moises dangan nagsabi, “Salakayon na nyato ngunyan asin sakopon an daga; kaya tang sakopon idto.”

Mga Bilang 17:6

Kaya sinabihan ni Moises an mga Israelita, dangan an lambang lider ninda nagtao saiya nin sarong sugkod, saro para sa lambang tribu, doseng sugkod gabos kaiba na an sugkod ni Aaron.

Mga Bilang 20:2

Mayo nin tubig sa pinagkampohan ninda, kaya pinalibotan kan mga tawo si Moises saka si Aaron

Mga Bilang 24:8

Kinua sinda nin Dios sa Egipto; Nakilaban siya para sainda siring sa lalaw na toro. Uuboson niya an saindang mga kaiwal, Roronoton an saindang mga tolang, tutuhogon kan saiyang mga pana.

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Deuteronomio 1:21

Hilinga nindo an daga; lakaw kamo asin sakopon nindo siring sa ipinagboot niya. Dai kamo magduwa-duwa o matakot.’

Deuteronomio 1:26

“Alagad sinuhay nindo an pagboot nin Kagurangnan na saindong Dios, asin habo kamong maglaog sa daga.

Deuteronomio 1:29

“Alagad sinabihan ko kamo, ‘Dai kamo matakot sainda.

Deuteronomio 31:6

Magmaisog kamo saka pakosogon nindo an saindong boot. Dai kamo matakot sainda; huli ta iibahan kamo nin Kagurangnan na saindong Dios; dai niya kamo papabayaan.”

Deuteronomio 31:8

An Kagurangnan mismo an mangengenot asin maiba saimo. Dai ka niya papabayaan, kaya dai ka matakot o manluya an saimong boot.”

Deuteronomio 32:42

Ipapainom ko sa sakong pana an saindang dugo. Kakakanon kan sakong espada an laman kan gabos na minasuhay sako. Mayo akong itatada sa mga minalaban sako; magagadan maski an mga nalugadan asin an mga bilanggo.’

Deuteronomio 7:18

Dai kamo matakot sa sainda; giromdomon nindo an ginibo nin Kagurangnan na saindong Dios sa hade asin sa bilog na Egipto.

Deuteronomio 7:21

Kaya dai kamo matakot sainda. Kaiba nindo an Kagurangnan na saindong Dios; dakula siya asin dapat katakotan.

Deuteronomio 9:7

“Giromdoma nindo kun paano nindo pinaanggot an Kagurangnan na saindong Dios duman sa kalangtadan. Tinumangan nindo siya poon na maghale kamo sa Egipto sagkod na makaabot digdi.

Filipos 1:27

Ngunyan, an mahalaga iyo na mamuhay kamo sosog sa itinutukdo kan Marahay na Bareta dapit ki Cristo, tanganing madalaw ko man kamo o dai, mabaretaan ko na nagdadanay kamong masarig, may saro sanang katuyohan, saka sararong nakikilaban para sa pagtubod sa Marahay na Bareta.

Josue 1:5

Josue, dai nin siisay man na makakadaog saimo sa bilog mong pagkabuhay. Iibahan taka siring na inibahan ko si Moises. Danay na iibahan taka; dai taka nanggad papabayaan.

Josue 14:12

Kaya itao mo sako ngunyan an mabulod na daga na ipinanuga sako nin Kagurangnan kan aldaw na ako asin an mga kairiba ko nagpahayag manongod sa ginibo ming pagsiyasat. Sinabihan mi kamo kaidto na an rasa kan mga higanteng Anakim yaon duman sa mga syudad na napapalibotan nin kudal. Tibaad ibahan ako nin Kagurangnan, asin mapahale ko sinda siring sa itinaram nin Kagurangnan.”

Hukom 1:22

Sinalakay kan mga tribu ni Efraim asin ni Manases an syudad nin Betel na kaidto inapod Luz. Tinabangan sinda nin Kagurangnan. Nagpadara sinda nin mga espiya sa syudad