Mga Bilang 14:8 - Marahay na Bareta Biblia

⁸ Kun nawiwili sato an Kagurangnan dadarahon niya kita duman asin itatao niya sato an daga na mayaman sa gabos na bagay.

Mga Bilang 14:8 ပူးပေါင်းရင်းမြစ်များ

2 Samuel 22:20

Tinabangan niya akong makahale sa pag-alaman; ilinigtas niya ako huli ta ako saiyang nawilihan.

1 Mga Hade 10:9

Pag-omawon an Kagurangnan na saimong Dios, na nawiwili saimo asin nagpapatukaw saimo sa trono nin Israel! Huli ta namomoot sa Israel sagkod lamang an Kagurangnan, ginibo ka niyang hade tanganing papagdanayon mo an hustisya saka an katanosan.”

2 Mga Hade 18:32

sagkod na mag-abot an emperador asin darahon niya kamo sa sarong daga na arog kan sadiri nindong daga, sarong daga nin trigo saka arak, sarong daga nin tinapay saka mga ubasan, sarong daga nin mga kahoy nin oliba saka dugos tanganing mabuhay kamo asin dai magadan. Dai kamo maghinanyog ki Ezekias kun papag-isipon niya kamo na ililigtas kamo nin Kagurangnan.

Salmo 22:8

na an olay, “Nagsarig siya sa Kagurangnan; tadaw ta dai niya siya iliniligtas? Nawiwilihan siya nin Kagurangnan; tadaw ta dai siya tinatabangan?”

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Isaias 62:4

Dai ka na nanggad aapodon “Pinabayaan,” o aapodon an saimong daga na “Babaeng Sinuhayan.” “An Dios Nawiwili Saiya,” an saimong magigin bagong ngaran. An saimong daga aapodon “Maogmang Pag-inagoman,” huli ta nawilihan ka nin Kagurangnan asin makakaagid siya sa agom na lalaki kan saimong daga.

Jeremias 32:41

Ikakaogma ko an paggibo nin marahay na mga bagay para sainda, saka papagdanayon ko sindang pusog sa dagang ini.

Sofonias 3:17

Kaibahan mo an Kagurangnan na saimong Dios; siya an paralaban na nagtatao saimo nin kapangganahan. Mawiwilihan ka nin Kagurangnan, asin tatawan ka niya nin bagong buhay sa saiyang pagkamoot. Mag-aawit siya asin mag-oogma huli saimo,

Mga Bilang 13:27

Nagsabi sinda ki Moises, “Siniyasat mi an daga asin nahiling ming matubang idto; uya an mga prutas na kinua mi duman.

Mga Bilang 16:14

Dai mo pa ngani kami nadadara sa sarong daga na mayaman sa gabos na bagay asin dai pa natatawan nin pamanang mga oma saka mga ubasan, dangan ngunyan boot mo kaming dayaon. Dai kami madiyan!”

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Deuteronomio 10:15

Alagad labi-labi an pagkamoot nin Kagurangnan sa saindong mga ginikanan, kaya pinili niya kamo embes na an ibang mga tawo, asin sagkod ngunyan, kamo an saiyang sadiring banwaan.

Josue 14:12

Kaya itao mo sako ngunyan an mabulod na daga na ipinanuga sako nin Kagurangnan kan aldaw na ako asin an mga kairiba ko nagpahayag manongod sa ginibo ming pagsiyasat. Sinabihan mi kamo kaidto na an rasa kan mga higanteng Anakim yaon duman sa mga syudad na napapalibotan nin kudal. Tibaad ibahan ako nin Kagurangnan, asin mapahale ko sinda siring sa itinaram nin Kagurangnan.”