Mga Bilang 14:42 - Marahay na Bareta Biblia

⁴² Dai kamo magpadagos; mayo sa kaibahan nindo an Kagurangnan asin madadaog kamo kan mga kaiwal.

Mga Bilang 14:42 ပူးပေါင်းရင်းမြစ်များ

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

Salmo 89:43

Pinangurol mo an tarom nin saiyang espada, asin ipinadaog mo siya sa gera.

Mga Bilang 14:43

Sa oras na labanan nindo an mga Amalekita asin mga Cananeo, magagadan kamo; dai kamo iibahan nin Kagurangnan huli ta nagtalikod kamo saiya.”

Deuteronomio 1:42

“Alagad nagtaram sako an Kagurangnan, ‘Patanidan mo sinda na dai magsalakay, huli ta dai ko sinda iibahan, asin dadaogon sinda kan saindang mga kaiwal.’

Deuteronomio 31:17

Sa aldaw na iyan maaanggot ako sainda; papabayaan ko sinda asin magagadan sinda. Dakul na karatan saka kahaditan an maabot sainda, asin masasabotan ninda na an gabos na iyan nangyayari sainda huli ta ako, an saindang Dios, mayo na sa kaibahan ninda.

Josue 7:12

Ini an dahelan kun tano ta dai kaya kan mga Israelita na atubangon an mga kaiwal. Nagdulag sinda sa mga kaiwal huli ta kabilang sinda ngunyan sa mga susuloon! Dai ko na kamo iibahan sagkod na dai nindo tinunaw an mga bagay na sinabi kong dai nindo pagkuahon!

Josue 7:8

O Kagurangnan, ano an sasabihon ko ngunyan na nagdulag sa kaiwal an Israel?

Hukom 16:20

Dangan nagkurahaw si Delila, “Samson, uya na an mga Filisteo!” Nagmata si Samson dangan nagsaboot, “Makakaligtas ako siring kan mga enot na nangyari.” Dai pa niya naisihan na binayaan na siya nin Kagurangnan.