Mga Bilang 14:34 - Marahay na Bareta Biblia

³⁴ Babayadan nindo an saindong kasalan sa laog nin kwarentang taon, sangtaon sa lambang aldaw kan kwarentang aldaw na ipinagsiyasat nindo kan daga. Maaaraman nanggad nindo an kahulogan kan pagtumang nindo sako!

Mga Bilang 14:34 ပူးပေါင်းရင်းမြစ်များ

1 Mga Hade 8:56

“Pag-omawon an Kagurangnan na nagtao sa Israel nin kapahingaloan, sosog sa gabos niyang panuga. Inotob niya an gabos na marahay na panuga na ginibo niya huli sa sorogoon niyang si Moises.

2 Mga Cronica 36:21

Kaya naotob an sinabi nin Kagurangnan sa paagi ni Jeremias: “An daga magigin alang sa laog nin setentang taon tanganing mabayadan an dai pag-otob kan pagpahingalo kun Sabbath.”

Salmo 105:42

Huli ta nagiromdoman niya an banal niyang panuga ki Abraham na saiyang sorogoon.

Salmo 38:4

Huli ta nalalamos ako kan sakong mga kasalan; sarong kargang magabat para sako.

Salmo 77:8

Napara na daw sagkod pa man an danay niyang pagkamoot? Natapos na daw an saiyang mga panuga?

Salmo 95:10

Nabaldi ako sa henerasyon na idto sa laog nin kwarentang taon. Nagtaram ako, ‘Sinda sarong banwaan na nagkakasala sa puso, asin dai ninda sinusunod an sakong mga dalan.’

Ezekiel 14:10

Maako nin parehong padusa an propeta asin an nakihumapot saiya.

Ezekiel 23:35

Kaya ini an itinataram kan Kagurangnan Dios: “Huli ta nalingawan mo ako asin nagtalikod ka sako, titioson mo an bunga kan saimong kadustaan asin karompotan.”

Ezekiel 4:6

Pakatapos mo kaiyan, magtagilid ka sa too asin magtios ka para sa kasalan nin Juda sa laog nin kwarentang aldaw—sarong aldaw para sa lambang taon nin pagpadusa ko sainda.

Daniel 9:24

“Kwatro syentos nubentang taon an itinalaan nin Dios sa pagtalingkas sa saimong banwaan saka sa saimong syudad sa kasalan asin sa karatan. Papatawadon an kasalan asin papadanayon an hustisya, tanganing patotoohan an bisyon saka an propesiya, asin konsagrahon giraray an banal na Templo.

Oseas 9:12

Alagad maski pa magpadakula sinda nin mga aki, kukuahon ko an mga iyan sa sainda asin mayo akong itatadang buhay. Herak man sa sainda sa panahon na bayaan ko na sinda.”

Levitico 20:19

Kun dinorogan kan sarong lalaki an saiyang tiyaon sa ama o sa ina, nagkasala sindang duwa asin maninigong magdusa huli ta naggibo sinda nin orog karaot na bagay.

Zacarias 11:10

Pakatapos kinua ko an sugkod na inapod kong “Biyaya” dangan binari ko, tanganing mawaraan nin halaga an tipan na ginibo nin Kagurangnan sa gabos na nasyon.

Mga Bilang 13:25

Pakasiyasat ninda kan daga sa laog nin kwarentang aldaw nagbalik sinda

Mga Bilang 18:23

Magpoon ngunyan, an mga Levita sana an mangangataman kan Tabernakulo asin sinda an masimbag sa anoman na mangyari sa Tabernakulo. Ini sarong pagsusundon na kukuyogon sagkod lamang kan saindang kapagarakian. An mga Levita dai magkakaigwa nin kahirasan sa banwaan nin Israel,

Mga Bilang 32:13

Naanggot an Kagurangnan sa mga tawo kaya ginibo niyang maglagalag sinda sa laog nin kwarentang taon sagkod na nagadan an bilog na henerasyon na idto na naggibo nin maraot sa atubang nin Kagurangnan.

Mga Gibo 13:18

Sa laog nin kwarentang taon inataman niya sinda duman sa kalangtadan.

Deuteronomio 2:7

“Benendisyonan kamo nin Kagurangnan na saindong Dios sa gabos nindong gibo. Inataman niya kamo sa saindong pagparalibot sa desyerto asin inibahan niya kamo sa laog nin kwarentang taon; dai kamo nagkulang nin ano man.

Hebreyo 4:1

Kaya mantang nagdadanay an panuga nin Dios na makakalaog kita sa pahingaloan niya, mag-ingat kita tanganing mayong masabi na dai kita nakapasar sa paglaog duman.

Josue 14:10

Alagad kwarenta y singkong taon na ngunyan an nakaagi magpoon kan itaram iyan nin Kagurangnan ki Moises. Sa panahon na iyan naglakaw sa kalangtadan an Israel, asin pinahalawig pa nin Kagurangnan an sakong buhay, siring sa saiyang panuga. Hilinga ako! Otsenta y singkong taon na an edad ko

Kapahayagan 11:3

An duwa kong saksi na nakagubing nin sako tatawan ko nin kapangyarihan na magpropesiya sa laog nin mil dos syentos sesentang aldaw.”

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.