Mga Bilang 14:23 - Marahay na Bareta Biblia

²³ Dai nanggad sinda makakalaog sa dagang ipinanuga ko sa saindang mga ginikanan. Mayo nin siisay sa mga nagsikwal sako na makakalaog duman.

Mga Bilang 14:23 ပူးပေါင်းရင်းမြစ်များ

Nehemias 9:23

Pinadakul mo an saindang kapagarakian siring sa mga bitoon sa langit; pinamugtak mo sinda sa daga na ipinanuga mong itatao sa saindang mga kapagarakian.

Salmo 106:26

Kaya nagnumpa siya asin sinda pinatanidan na magkakagaradan sinda sa kalangtadan,

Salmo 95:11

Kaya nagsumpa ako sa sakuyang kaanggotan, na dai nanggad sinda makakalaog sa sakong pahingaloan.”

Jeremias 18:10

alagad an nasyon na iyan dai magkuyog sako asin maggibo nin karatan, dai ko idadagos an sinabi kong gigibohon ko.

Ezekiel 20:15

Kaya nagsumpa ako sainda duman sa kalangtadan na dai ko sinda dadarahon sa daga na itinao ko sainda, sarong mayaman na daga, an pinakamarahay sa gabos na daga.

Mga Bilang 26:64

Mayo nin natada minsan saro sa mga ilinista ni Moises asin ni Aaron sa enot na pagsenso duman sa Desyerto nin Sinai.

Mga Bilang 26:65

Nagtaram an Kagurangnan na sinda gabos magagadan sa kalangtadan, asin nagadan mananggad sinda pwera ki Caleb na aking lalaki ni Jefunne, asin ki Josue na aking lalaki ni Nun.

Mga Bilang 32:11

‘Huli ta dai sinda nagin maimbod sako, mayo nin siisay man sa mga lalaking naghale sa Egipto na an edad beynte paitaas an makakalaog sa dagang ipinanuga ko ki Abraham, ki Isaac, asin ki Jacob.’

Deuteronomio 1:8

Ini gabos inandam ko para saindo; dumanon nindo asin sakopon an daga na ipinanuga ko na itatao sa saindong mga ginikanan, ki Abraham, ki Isaac, asin ki Jacob sagkod sa saindang kapagarakian.’”

Hebreyo 4:3

Kitang mga nagtutubod makakalaog sa pahingaloan na ipinanuga nin Dios. Siring sa sinabi niya, “Siring na ako nagsumpa sa sakuyang kaanggotan: ‘Dai nanggad sinda makakalaog sa sakong pahingaloan!’” Sinabi niya ini maski tapos na an gibo niya poon pa kan lalangon niya an kinaban.