Mga Bilang 14:2 - Marahay na Bareta Biblia

² Nagreklamo sinda ki Moises asin ki Aaron; olay ninda, “Marahay pang nagadan na kami duman sa Egipto o minsan digdi sa kalangtadan!

Mga Bilang 14:2 ပူးပေါင်းရင်းမြစ်များ

1 Mga Hade 19:4

dangan bilog na aldaw siyang naglakaw pasiring sa kalangtadan. Nag-ontok siya sa sarong kahoy, nagtukaw sa sirong kaini saka nagmawot na magadan. “Tama na Kagurangnan,” an pamibi niya. “Kuahon mo na ako; mas marahay pa sako an magadan!”

An Libro ni Job 3:11

“Tadaw ta dai ako nagadan sa tulak nin sakong ina o nagadan pakatapos na ako mamundag?

Salmo 106:24

Dangan hinaboan ninda an mayaman na daga; dai sinda nagtubod sa saiyang panuga.

Salmo 106:25

Nagngorob-ngurob sa laog kan saindang mga tolda, asin dai dinangog an tingog nin Kagurangnan.

Salmo 106:45

Huli sainda giniromdom niya an saiyang tipan; asin sa kadakulaan kan danay niyang pagkamoot, naglumoy an saiyang boot.

Exodo 14:11

Sinabihan ninda si Moises, “Mayo na daw nin mga lulubngan sa Egipto kaya dinara mo kami tanganing digdi sa kalangtadan magadan? Hilinga an ginibo mo sa pagluwasan mo samo sa Egipto!

Exodo 15:24

Nagreklamo ki Moises an mga Israelita, “Ano an samong iinomon?”

Exodo 17:3

Alagad paha nang marahay an mga tawo asin padagos sa pagreklamo ki Moises. Olay ninda, “Tadaw ta ilinuwas mo kami sa Egipto? Tanganing gadanon kami sa paha sagkod an samong mga aki asin mga hayop?”

Jonas 4:3

Kaya ngunyan, Kagurangnan, tugote akong magadan. Mas marahay pang magadan na ako ki sa mabuhay.”

Jonas 4:8

Pagsirang kan aldaw, ipinadara nin Dios an sarong mainit na doros hale sa sirangan, asin huli sa init kan aldaw na minatama sa payo ni Jonas, haros madismayo siya. Kaya minawot niyang magadan. Nagsabi siya, “Mas marahay pa sako an magadan ki sa mabuhay.”

Mga Bilang 11:1

Nagpoon pagreklamo sa Kagurangnan an mga Israelita manongod kan saindang mga kasakitan. Kan nadangog sinda nin Kagurangnan, naanggot siya asin pinadarahan niya sinda nin kalayo. Nasulo an nagkapira sainda saka an sarong poro kan kampo.

Mga Bilang 11:15

Kun iyan an gigibohon mo, maherak ka sako asin gadanon mo na ako tanganing dai na ako magtios kan saimong pasakit.”

Mga Bilang 11:5

Sa Egipto daing bayad kitang nagkakan nin sira. Duman igwa kita nin mga pipino, melon, sibulyas asin mga bawang.

Mga Bilang 14:1

Mag-agang nagtangis an bilog na komunidad nin Israel.

Mga Bilang 14:22

mayo nin mabubuhay sa mga tawong ini tanganing maglaog sa dagang idto. Nahiling ninda an sakong kamurawayan asin an mga milagrong ginibo ko sa Egipto saka sa kalangtadan, alagad dakul na beses ninda akong binalo asin dai ninda ako dinangog.

Mga Bilang 16:13

Kulang pa nanggad saimo an paghale mo samo sa matubang na daga nin Egipto tanganing gadanon digdi sa kalangtadan? Tano ta boot mo pang magin samong kagurangnan?

Mga Bilang 16:41

Sunod na aldaw, nagreklamo an bilog na komunidad ki Moises saka ki Aaron asin nagsabi sinda, “Ginadan nindo an nagkapirang tawo kan banwaan nin Kagurangnan.”

Mga Bilang 17:6

Kaya sinabihan ni Moises an mga Israelita, dangan an lambang lider ninda nagtao saiya nin sarong sugkod, saro para sa lambang tribu, doseng sugkod gabos kaiba na an sugkod ni Aaron.

Mga Bilang 20:2

Mayo nin tubig sa pinagkampohan ninda, kaya pinalibotan kan mga tawo si Moises saka si Aaron

Mga Bilang 20:3

dangan nagreklamo, “Mas marahay pang nagadan na kami sa atubangan kan Tabernakulo nin Kagurangnan kaiba kan kapwa nyamo mga Israelita.

Mga Bilang 20:4

Tadaw ta dinara nindo kami digdi sa kalangtadan? Tangani sanang magadan digdi kaiba an samong mga hayop?

Mga Bilang 21:5

asin nagtararam sinda tumang sa Dios saka ki Moises. Naggurumod-gumod sinda, “Tadaw ta ilinuwas mo kami sa Egipto tanganing magadan sa desyertong ini na mayo nin pagkakan asin tubig? Nauuyam na kami sa mayong halagang pagkakan na ini!”

1 Corinto 10:10

Dai kita dapat maggurumod-gumod, siring kan ginibo kan iba sainda, kaya ginadan sinda kan Paragadan.

Deuteronomio 1:27

Nagngorob-ngorob kamo sa saindong mga tolda asin nagsarabi, ‘Naaanggot satuya an Kagurangnan. Ilinuwas niya kita sa Egipto tanganing itao sa mga Amoreo asin gadanon ninda.

Deuteronomio 9:23

Dangan kan sugoon niya kamo hale sa Kades-barnea na magduman asin sakopon an daga na itinatao niya saindo, nagtumang kamo saiya; dai kamo nagtubod o nagkuyog.

Hebreyo 3:16

Siisay idtong nakadangog kan tingog nin Dios alagad nagsombikal? Bakong idto gabos na ilinuwas ni Moises sa Egipto?

Judas 1:16

An mga tawong ini danay na naggugumod-gumod saka nagbabasol sa iba; sinusunod ninda an saindang maraot na mga kamawotan; mga mapalangkaw sinda, asin sagin-sagin na inoomaw an mga tawo huli sa pakinabang na makukua ninda.