Mga Bilang 14:14 - Marahay na Bareta Biblia

¹⁴ ipapamareta ninda iyan sa mga nag-eerok sa dagang ini. Nadangog na man kan mga tawong ini na kaiba mi ika, O Kagurangnan, na nahihiling ka kun minaontok an saimong panganoron sa tangod nyamo, asin kun aldaw nangengenot ka sa samo sa sarong harigi nin panganoron dangan kun banggi sa sarong harigi nin kalayo.

Mga Bilang 14:14 ပူးပေါင်းရင်းမြစ်များ

Genesis 32:30

Nagsabi si Jacob, “Nahiling ko an lalawogon nin Dios alagad buhay pa ako”; kaya an lugar nginaranan niyang Peniel.

Nehemias 9:12

Kun aldaw pinangenotan mo sinda huli sa hariging panganoron; kun banggi inilawan mo an saindang dalan huli sa hariging kalayo.

Nehemias 9:19

Alagad dai mo sinda pinabayaan duman sa kalangtadan, huli ta dakula an saimong pagkaherak. Dai mo hinale an hariging panganoron na nangenot sainda kun aldaw ni an hariging kalayo na nag-ilaw sa saindang agihan kun banggi.

Salmo 105:39

Nagbugtak siya nin sarong panganoron bilang pantahob, asin kalayo nganing magtao nin liwanag kun banggi.

Salmo 78:14

Kun aldaw, pinapangenotan niya sinda sa paagi nin panganoron; asin sa bilog na banggi, sa paagi nin kalayo.

Exodo 15:14

Nakadangog an mga banwaan asin tinarakigan; mga Filisteo makuring takot an namatean.

Exodo 33:11

Parating hampangan kun makipag-olay an Kagurangnan ki Moises, siring sa sarong tawo na nakikiolay sa saiyang katood. Pakatapos, minabalik na sa kampo si Moises alagad nawawalat sa toldang pinagtatagboan an saiyang hoben na katabang, si Josue, na aki ni Nun.

Exodo 33:16

Huli ta paanong maaaraman na nawiwilihan mo ako saka an mga tawo? Bako daw huli sa pag-iba mo samo tanganing mapalaen kami, ako saka an saimong banwaan, sa ibang mga tawo sa kinaban?”

Exodo 40:38

Sa bilog nindang pagbaklay, nahiling kan mga Israelita na an panganoron nin Kagurangnan yaon sa ibabaw kan Tabernakulo kun aldaw, asin kun banggi, yaon an naglalaad na kalayo.

Mga Bilang 10:34

Kun aldaw, linilindongan sinda kan panganoron nin Kagurangnan mantang sinda nagbabaklay.

Mga Bilang 12:8

Hampangan ko siyang kinakaolay, maliwanag kong itinataram saiya an gabos asin bako sa mga paokod; nahiling niya an sakong porma. Tadaw ta nangahas kamong magtaram laban sa sorogoon kong si Moises?”

Juan 1:18

Mayo pang nakahiling sa Dios; an bugtong na Aki, na nasa kaibahan kan Ama, iyo an nagpamidbid dapit sa Ama.

Juan 14:9

Nagsimbag si Jesus, “Felipe, haloy na nindo akong kaiba-iba, alagad dai mo pa ako midbid? An nakahiling sako, nakahiling na sa Ama. Tadaw ta nagsasabi kang ipahiling ko saindo an Ama?

1 Corinto 13:12

An nahihiling ta sa salming ngunyan sarong malabog na ladawan, alagad ngapit mahihiling ta nin hampangan. An naaaraman ko ngunyan kabtang pa sana; alagad ngapit masasabotan ko iyan nin lubos, siring na ako lubos na nasasabotan nin Dios.

Deuteronomio 1:19

“Sinunod ta an pagboot nin Kagurangnan na satong Dios. Naghale kita sa Bukid nin Sinai asin naglakaw sa mahiwas asin makatakot na desyerto pasiring sa mabulod na daga kan mga Amoreo. Kan nakaabot kita sa Kades-barnea,

Deuteronomio 34:10

Mayong propeta na makakaarog ki Moises sa bilog na Israel; hampangan na nagtaram saiya an Kagurangnan.

Deuteronomio 5:24

dangan nagsabi, ‘Ipinahiling sato nin Kagurangnan na satuyang Dios an saiyang kadakulaan asin kamurawayan kan nadangog ta siyang magtaram hale sa kalayo! Satuyang nahiling ngunyan na aldaw na an Dios nagtaram sa tawo asin an tawo padagos na nabuhay.

Deuteronomio 5:4

Duman sa bukid, hampangan na nagtaram saindo an Kagurangnan hale sa naglalaad na kalayo.

Josue 5:1

Nabaretaan kan gabos na hadeng Amoreo sa solnopan kan Jordan asin kan mga hadeng Cananeo sa tampi kan Dagat nin Mediteraneo, an ginibo nin Kagurangnan na pagpamara kan Jordan sagkod na makabalyo an bilog na banwaan nin Israel. Nagkatarakot sinda asin nawaraan nin isog huli sa mga Israelita.

1 Juan 3:2

Namomotan kong mga tugang, ngunyan mga aki na kita nin Dios, alagad bako pang malinaw kun magigin ano kita. Alagad aram ta na kun dumatong na si Cristo, magigin kitang arog saiya, huli ta mahihiling ta siya kun siisay talaga siya.