Mga Bilang 13:22 - Marahay na Bareta Biblia

²² Nagduman ngona sinda sa habagat na parte kan daga nin Canaan dangan sa Hebron, saen nag-eerok an mga kamaganakan ni Ahiman, ni Sesai asin ni Talmai, an kapagarakian kan sarong rasa nin mga higante na inaapod Anakim. (Pinatindog an Hebron mga pitong taon bago mapatindog an Zoan sa Egipto.)

Mga Bilang 13:22 ပူးပေါင်းရင်းမြစ်များ

Genesis 13:18

Kaya naghale duman si Abram asin nag-erok harani sa sagradong mga kahoy ni Mamre sa Hebron. Nagpatindog siya nin altar duman para sa Kagurangnan.

Genesis 23:2

Nagadan siya sa Kiriat-arba na inaapod man Hebron sa daga nin Canaan. Ipinagmondo asin tinangisan ni Abraham an saiyang pagkagadan.

2 Samuel 2:1

Pakatapos kaini, naghapot si David sa Kagurangnan, “Dapat daw na magtukad ako pasiring sa arin man kan mga banwa nin Juda?” Nagsimbag an Kagurangnan, “Magtukad ka.” Naghapot si David, “Arin na banwa?” “Sa Hebron,” an simbag nin Kagurangnan.

2 Samuel 2:11

asin naghade siya sa Juda duman sa Hebron sa laog nin pito may kabangang taon.

2 Samuel 21:16

Sarong higante na an ngaran Isbibenob, na may darang bronseng garod na tolo may kabangang kilo an gabat asin sarong bagong espada, an naghona na magagadan niya si David.

Salmo 78:12

Sa atubang kan saindang mga ginikanan, ginibo nin Dios an saiyang mga ngangalasan sa Egipto, sa kapatagan nin Zoan.

Salmo 78:43

kan gibohon niya an saiyang mga ngangalasan sa Egipto, an saiyang mga milagro sa kapatagan nin Zoan.

Isaias 19:11

Mga lolong an mga lider kan syudad nin Zoan! An mga pinakamadonong na mga lalaki sa Egipto nagtatao nin mayong halagang mga hatol! Paano ninda nasasabi sa hade na sinda an kasalihid kan dating mga madonong saka kan mga hade?

Isaias 19:13

Lolong an mga lider nin Zoan saka Memfis. Sinda kutana an nangenot sa nasyon alagad sainda ining linagalag.

Isaias 30:4

Huli ta maski duminatong na an saindang mga sugo sa mga Egipciong syudad nin Zoan saka Hanes,

Mga Bilang 13:17

Kan palakawon na sinda ni Moises, nagsabi siya, “Hale digdi magduman kamo sa amihan pasiring sa habagat na parte kan daga nin Canaan asin magpadagos kamo sa mabulod na daga.

Mga Bilang 13:28

Alagad mapangyari an mga nag-eerok duman. Darakula an saindang mga syudad sagkod matitibay an mga kudal. Laen pa kaiyan nahiling mi man an kapagarakian kan mga higante.

Mga Bilang 13:33

Dangan nakahiling pa kami duman nin mga higante, an kapagarakian ni Anak. Sa paghiling mi, garo sana kami mga doron, asin arog man siguro kaiyan an paghona ninda samo.”

Deuteronomio 9:2

Haralangkaw saka makokosog an mga tawo duman; mga higante sinda asin nadangog na nindo na mayong makakadaog sainda.

Josue 10:36

Pakahale sa Eglon, nagtukad sa kabubuldan si Josue asin an saiyang hukbo pasiring sa Hebron. Sinalakay ninda an syudad

Josue 21:13

Laen pa kan Hebron (saro kan mga syudad na pailihan), itinao man sa mga kapagarakian kan pading si Aaron an mga syudad na ini: an Libna,

Hukom 1:10

Linabanan ninda an mga Cananeo na nag-erok sa syudad nin Hebron na dating inaapod Kiriat-arba. Dinaog ninda duman an mga kamaganakan ni Sesai, Ahiman, asin Talmai.

1 Samuel 30:31

saka Hebron. Ipinadara ini ni David sa gabos na lugar na naabot niya asin kan saiyang mga tawohan.