Mga Bilang 13:20 - Marahay na Bareta Biblia

²⁰ Hilingon nindo kun matubang o bako an daga; kun makahoy o bako. Pagmaisog kamo asin pagbalik nindo, magdara kamo nin nagkapirang prutas.” (Panahon kaidto nin paghinog kan ubas.)

Mga Bilang 13:20 ပူးပေါင်းရင်းမြစ်များ

1 Mga Cronica 22:11

Nagpadagos si David, “Ngunyan, aki ko, mapasaimo logod an Kagurangnan tanganing matapos mo an pagpatugdok nin templo para sa Kagurangnan na saimong Dios, sosog sa itinaram niya manongod saimo.

Nehemias 9:25

Sinakop kan saimong banwaan an mga pinapusog na syudad, sarong mayaman na daga saka mga harong na pano nin kayamanan, mga bubon na dati nang kinalot, mga olibahan, mga kahoy na namumunga, asin mga ubasan. Nagkarakan sinda kan boot ninda asin sinda, nagtaraba; nag-orogma sinda sa dakulang karahayan na itinao mo sainda.

Nehemias 9:35

Huli kan saimong bendisyon, pinamayohan kan mga hade an saimong banwaan kan nag-erok sinda sa mahiwas, matubang na daga na itinao mo sainda; alagad dai sinda nagtalikod sa maraot nindang gibo asin dai naglingkod saimo.

Ezekiel 34:14

Ligtas na pasasabsabon ko sinda sa kabukidan nin Israel, sa mga kapatagan asin sa mga berdeng pasabsaban kan daga.

Daniel 11:24

Mayong patanid na sasalakayon niya an sarong mayaman na probinsya asin gigibohon niya an mga bagay na dai pa ginibo kan saiyang mga ginikanan. Dangan babarangaon niya sa saiyang mga parasunod an mga sinamsaman na nakua niya sa gera. Magibo siya nin mga plano sa pagsalakay nin mga bantayan, alagad an saiyang paghahade matatapos tolos.

Mikas 7:1

Herak man sa sako! Nakakaagid ako sa sarong gutom na tawong mayong nakukuang bunga sa mga kahoy asin ubas sa mga balagon. Ginuno na an gabos na ubas asin an masisiram na higera.

Mga Bilang 13:19

Hilingon nindo kun marahay o bako an daga na saindang pinag-eerokan asin kun nag-eerok sinda sa mga banwa na mayong kudal o sa mga syudad na nakukudalan.

Deuteronomio 1:24

Nagduman sinda sa mabulod na daga sagkod sa Kapantayan nin Escol asin siniyasat idto.

Deuteronomio 1:25

Dinarahan ninda kita nin mga bunga na nakua ninda duman, asin inosipan kita na matubang an daga na itinatao satuya nin Kagurangnan na satong Dios.

Deuteronomio 31:23

Dangan sinugo nin Kagurangnan si Josue, na aki ni Nun, asin tinaraman, “Magmaisog ka asin pakosoga an saimong boot. Papangenotan mo an banwaan nin Israel pasiring sa daga na ipinanuga ko sainda, asin iibahan taka.”

Hebreyo 13:6

Kaya makosog an boot na makakapagsabi kita, “Tatabangan ako kan Kagurangnan; dai ako matatakot. Ano an magigibo nin tawo tumang sako?”

Josue 1:6

Magmaisog ka asin pakosoga an saimong boot, huli ta ika an mangengenot kaining mga tawo sa pagsakop ninda sa dagang ipinanuga ko sa saindang mga ginikanan.

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

Josue 2:1

Hale sa kampo sa Sittim, nagpadara si Josue nin duwang espiya asin pinagbotan na hilom nindang siyasaton an Canaan, orog na an syudad kan Jerico. Pag-abot ninda sa syudad, nagdagos sinda sa harong nin sarong maraot na babae na an ngaran Rahab, tanganing duman makitorog.

Josue 2:3

Kaya pinasabihan niya si Rahab, “Iluwas mo an mga lalaki na yaon sa saimong harong na nagdigdi tanganing siyasaton an bilog na daga!”