Mga Bilang 13:2 - Marahay na Bareta Biblia

² “Pumili ka nin sarong lider sa lambang tribu asin ipadara mo sinda bilang mga espiya tanganing magsiyasat sa daga nin Canaan, an dagang itatao ko sa banwaan nin Israel.”

Mga Bilang 13:2 ပူးပေါင်းရင်းမြစ်များ

Exodo 18:25

Nagpili siya sa mga Israelita nin mga lalaking maninigo asin ginibo niya sindang pamayo nin mga rinibong tawo, ginatos, maningkwenta asin manampolo.

Mga Bilang 1:4

Magpatabang kamo sa sarong pamayo nin kamaganakan hale sa lambang tribu.”

Mga Bilang 11:16

Tinaraman nin Kagurangnan si Moises, “Pumili ka nin setentang mga gurang sa Israel, idtong minimidbid na mga lider kan komunidad. Darahon mo sinda sako sa Tabernakulo, asin sabihan mo sinda na magtindog sa kataed mo.

Mga Bilang 13:16

Sinda an mga espiya na ipinadara ni Moises tanganing magsiyasat kan daga. An ngaran ni Oseas na aki ni Nun rinibayan niya nin Josue.

Mga Bilang 13:3

Nagkuyog si Moises asin hale sa kalangtadan nin Paran nagpadara siya nin mga lider. Iyo ini an mga ngaran ninda: Tribu Pamayo Ruben si Sammua na aking lalaki ni Zaccur Simeon si Safat na aking lalaki ni Hori Juda si Caleb na aking lalaki ni Jefunne Issakar si Igal na aking lalaki ni Jose Efraim si Oseas na aking lalaki ni Nun Benjamin si Palti na aking lalaki ni Rafu Zabulon si Gaddiel na aking lalaki ni Sodi Manases si Gaddi na aking lalaki ni Susi Dan si Ammiel na aking lalaki ni Gemalli Aser si Setur na aking lalaki ni Miguel Neftali si Nabi na aking lalaki ni Vofsi Gad si Geuel na aking lalaki ni Maki

Mga Bilang 32:8

Iyo iyan an ginibo kan saindong mga ama kan sugoon ko sinda hale sa Kades-barnea tanganing siyasaton an daga.

Mga Bilang 34:18

Kumua ka nin sarong lider hale sa lambang tribu tanganing tabangan sinda sa pagbanga kaiyan.”

Deuteronomio 1:15

Kaya linaen ko an pinili nindong mga madonong asin may kakayahan na mga lalaki sa saindong tribu, dangan ibinugtak ko sindang pamayo nindo. An iba namayo sa sangribong tawo, an iba sa sanggatos, an iba sa singkwenta asin an iba sa sampolo. Nagbugtak man ako nin ibang mga opisyal sa mga tribu.

Deuteronomio 9:23

Dangan kan sugoon niya kamo hale sa Kades-barnea na magduman asin sakopon an daga na itinatao niya saindo, nagtumang kamo saiya; dai kamo nagtubod o nagkuyog.

Josue 3:12

Kaya pumili kamo nin doseng lalaki, saro sa lambang tribu nin Israel.