Mga Bilang 13:16 - Marahay na Bareta Biblia

¹⁶ Sinda an mga espiya na ipinadara ni Moises tanganing magsiyasat kan daga. An ngaran ni Oseas na aki ni Nun rinibayan niya nin Josue.

Mga Bilang 13:16 ပူးပေါင်းရင်းမြစ်များ

1 Mga Cronica 7:27

Nun, asin Josue.

Exodo 17:9

Sinabihan ni Moises si Josue, “Magpili ka nin mga lalaki asin labanan nindo an mga Amalekita. Sa aga, matindog ako sa ibabaw kan bulod na kapot an sugkod nin Dios.”

Oseas 1:1

Ini an mensahe na itinao nin Kagurangnan ki Oseas na aking lalaki ni Beeri kan panahon na si Uzzias, Jotam, Ahaz, saka si Ezekias iyo an nagin mga hade nin Juda, asin kan si Jeroboam na aking lalaki ni Jehoas iyo an hade nin Israel.

Mga Bilang 13:2

“Pumili ka nin sarong lider sa lambang tribu asin ipadara mo sinda bilang mga espiya tanganing magsiyasat sa daga nin Canaan, an dagang itatao ko sa banwaan nin Israel.”

Mga Bilang 14:30

an makakalaog sa daga na ipinanuga kong paeerokan saindo, pwera ki Caleb saka ki Josue.

Mga Bilang 14:6

Huli sa kamondoan, ginisi ni Josue na aki ni Nun asin ni Caleb na aki ni Jefunne an saindang mga gubing. An duwang espiyang ini, na kaibahan kan mga nagsiyasat kan daga,

Mga Bilang 27:18

Nagtaram an Kagurangnan ki Moises, “Kuaha si Josue na aking lalaki ni Nun, sarong lalaki na igwa kan espiritu, asin iduta mo an saimong mga kamot sa saiyang payo.

Mga Gibo 7:45

Minana idto kan satong mga ginikanan, dinara sa daga na kinua ninda sa mga tawong ipinadaog nin Dios sa pangengenot ni Josue. Nagdanay iyan duman sagkod sa panahon ni David

Roma 9:25

Ini an sinabi niya sa libro ni Oseas: “An banwaan na bako kong sadiri, aapodon kong ‘banwaan ko’; an nasyon na dai ko namotan kaidto, aapodon kong ‘sakong namomotan.’

Deuteronomio 32:44

Inawit ni Moises asin ni Josue na aking lalaki ni Nun an awit na ini sa pandangog kan banwaan nin Israel.

Hebreyo 4:8

Kun natawan ni Josue an mga Israelita nin pahingalo na ipinanuga nin Dios, dai na kutana ngapit nagtaram an Dios dapit sa ibang aldaw.