Mga Bilang 12:8 - Marahay na Bareta Biblia

⁸ Hampangan ko siyang kinakaolay, maliwanag kong itinataram saiya an gabos asin bako sa mga paokod; nahiling niya an sakong porma. Tadaw ta nangahas kamong magtaram laban sa sorogoon kong si Moises?”

Mga Bilang 12:8 ပူးပေါင်းရင်းမြစ်များ

Genesis 32:30

Nagsabi si Jacob, “Nahiling ko an lalawogon nin Dios alagad buhay pa ako”; kaya an lugar nginaranan niyang Peniel.

Salmo 17:15

Para sako, mahihiling ko sa katanosan an saimong lalawogon; pagmata ko dangan mahiling ka, mayo na akong ibang mamawoton.

Salmo 49:4

Dadangogon ko an mga talinhaga asin ipapahayag an saindang kahulogan mantang nagtutugtog ako sa lira.

Exodo 19:19

Mantang orog na nagkokosog an tanog kan trompeta, nagtaram si Moises, asin sinimbag siya nin Dios sa daguldol.

Exodo 20:4

“Dai kamo maggibo nin ladawan kan ano man na nasa langit o nasa daga o nasa tubig sa irarom kan daga.

Exodo 33:11

Parating hampangan kun makipag-olay an Kagurangnan ki Moises, siring sa sarong tawo na nakikiolay sa saiyang katood. Pakatapos, minabalik na sa kampo si Moises alagad nawawalat sa toldang pinagtatagboan an saiyang hoben na katabang, si Josue, na aki ni Nun.

Exodo 33:19

Nagsimbag an Kagurangnan, “Papaagihon ko sa atubang mo an gabos kong kamurawayan asin ipapahayag ko an banal kong ngaran. Ako iyo an Kagurangnan; kakaherakan ko an gusto ko, asin tatawan ko nin biyaya an mawilihan ko.

Exodo 33:23

Dangan hahaleon ko an sakong kamot asin mahihiling mo an sakong likod, alagad bakong an sakong lalawogon.”

Exodo 34:30

Kan hilingon si Moises ni Aaron asin kan mga Israelita, nahiling ninda na nagliliwanag an saiyang lalawogon, kaya natakot sindang magdolok saiya.

Mga Talinhaga 1:6

tanganing masabotan ninda an mga natatagong kahulogan kan mga talinhaga asin mga problemang ipinapahayag kan madodonong.

Isaias 40:18

Sa kiisay nindo ikakabaing an Dios? Paano nindo ilaladawan kun ano siya?

Isaias 46:5

“Sa kiisay nindo ako ibabaing?” an hapot nin Kagurangnan. “Igwa daw nin saro na makakaarog sa sako?”

Ezekiel 17:2

“Aki nin tawo, isaysay mo sa mga Israelita an sarong parabola

Ezekiel 20:49

Alagad nagsabi ako, “Kagurangnan Dios, hare ako pagpagiboha kaiyan! Nagrereklamo na sako an lambang saro na danay akong nagtataram sa mga talinhaga.”

Oseas 12:13

Nagsugo an Kagurangnan nin sarong propeta tanganing iluwas an banwaan nin Israel sa Egipto asin tanganing atamanon sinda.

Mga Bilang 14:14

ipapamareta ninda iyan sa mga nag-eerok sa dagang ini. Nadangog na man kan mga tawong ini na kaiba mi ika, O Kagurangnan, na nahihiling ka kun minaontok an saimong panganoron sa tangod nyamo, asin kun aldaw nangengenot ka sa samo sa sarong harigi nin panganoron dangan kun banggi sa sarong harigi nin kalayo.

Mga Bilang 7:89

Kan maglaog si Moises sa Tabernakulo tanganing makipag-olay sa Kagurangnan, nadangog niya an Kagurangnan na nagtataram saiya hale sa ibabaw kan takop kan Kaban nin Tipan, sa tahaw kan duwang kerubin na nasa ibabaw kan Kaban nin Tipan.

Mateo 13:35

Ginibo niya ini tanganing maotob an sinabi kan propeta, “Mataram ako sainda sa paagi nin mga parabola; ipapahayag ko sainda an mga bagay na natatago poon na lalangon an kinaban.”

Lukas 10:16

Dangan nagsabi si Jesus sa saiyang mga disipulo, “An naghihinanyog saindo, naghihinanyog sako; an minasikwal saindo, minasikwal sako; an minasikwal sako, minasikwal sa nagsugo sako.”

Juan 1:18

Mayo pang nakahiling sa Dios; an bugtong na Aki, na nasa kaibahan kan Ama, iyo an nagpamidbid dapit sa Ama.

Juan 15:15

Dai ko na kamo aapodon na mga sorogoon, huli ta an sorogoon dai nakakaaram kan ginigibo kan saiyang kagurangnan. Aapodon ko kamong mga katood, huli ta sinabi ko saindo an gabos kong nadangog sa sakong Ama.

Juan 15:24

Dai kutana sinda nagkasala kun dai ko ginibo sainda an mga bagay na dai pa naginibo nin siisay man. Alagad nahiling ninda an mga ginibo ko asin ikinakaongis ninda ako saka an sakong Ama.

1 Corinto 13:12

An nahihiling ta sa salming ngunyan sarong malabog na ladawan, alagad ngapit mahihiling ta nin hampangan. An naaaraman ko ngunyan kabtang pa sana; alagad ngapit masasabotan ko iyan nin lubos, siring na ako lubos na nasasabotan nin Dios.

2 Corinto 3:18

Kaya sa sato gabos na mayong tahob an lalawogon masasalming an kamurawayan nin Kagurangnan; an mismong kamurawayan na iyan na gikan sa Kagurangnan na iyo an Espiritu Santo, iyo an minaliwat sato na magin kabaing niya sa orog kadakula pang kamurawayan.

Deuteronomio 18:15

Masugo siya nin sarong propeta na arog sako hale sa saindong banwa, asin kukuyogon nindo siya.

Deuteronomio 34:10

Mayong propeta na makakaarog ki Moises sa bilog na Israel; hampangan na nagtaram saiya an Kagurangnan.

Deuteronomio 4:15

“Kan magtaram saindo an Kagurangnan hale sa kalayo duman sa Bukid nin Sinai, mayo kamong nahiling na ano man na porma. Kaya magmaan kamo

Deuteronomio 5:8

“‘Dai kamo maggibo nin ladawan kan anoman na nasa langit o nasa daga o nasa tubig sa irarom kan daga.

Colosas 1:15

Si Cristo an ladawan kan Dios na dai nahihiling. Siya an panganay—an pinakamapangyari sa gabos na linalang.

1 Tesalonica 4:8

Kaya an siisay man na minasikwal kan katukdoan na ini, minasikwal bakong sa tawo kundi sa Dios na iyo an nagtao saindo kan saiyang Espiritu Santo.

1 Timoteo 6:16

Siya sana an mayong kagadanan; nabubuhay siya sa liwanag na mayo nin siisay man na makakadolok. Dai pa siya nahiling; dai siya nanggad mahihiling nin siisay man. Saiya an kaomawan asin an kapangyarihan na daing kataposan! Amen.

Hebreyo 1:1

Kaidtong panahon, sa kadakul na beses asin sa manlaen-laen na paagi, nagtaram an Dios sa satong mga ginikanan huli kan mga propeta.

Hebreyo 1:3

Nasasalming saiya an kamurawayan nin Dios; siya an tunay na ladawan kan saiyang pagka-Dios. Iniingatan niya an gabos sa paagi kan mapangyari niyang tataramon. Pakalinigi niya kan mga tawo kan saindang mga kasalan, nagtukaw siya duman sa langit sa too nin Dios, an Pinakamapangyari sa gabos.

2 Pedro 2:10

Papadusahan nin Dios orog na idtong mga nagsusunod kan saindang maating mga kamawotan nin laman, asin nagsisikwal kan kapangyarihan nin Dios. An mga bakong tunay na paratukdong ini mapangahas, hambogon asin mayong paggalang sa mga halangkaw na kapangyarihan sa kalangitan.

Judas 1:8

Siring man, an mga tawong ini igwa nin mga pangatorogan na minapakasala sainda tumang sa sadiri nindang hawak, isinisikwal ninda an awtoridad nin Dios, asin inoolog-olog an mga mamuraway na mga linalang sa kalangitan.