Mga Bilang 12:6 - Marahay na Bareta Biblia

⁶ dangan nagtaram an Kagurangnan, “Dangoga nindo an sakong itataram! Kun may mga propeta saindo, minapahiling ako sainda sa mga bisyon, asin kinakaolay ko sinda sa mga pangatorogan.

Mga Bilang 12:6 ပူးပေါင်းရင်းမြစ်များ

Genesis 15:1

Pakatapos kan mga pangyayaring ini, nagtaram an Kagurangnan ki Abram sa sarong bisyon, “Dai ka matakot, Abram. Ako an saimong kalasag; dakula nin marahay an saimong magigin premyo.”

Genesis 20:7

Kaya ngunyan ibalik mo siya sa saiyang agom na si Abraham. Saro siyang propeta asin ipapamibi ka niya tanganing dai ka magadan. Alagad kun dai mo ibalik si Sara, magagadan ka asin an gabos mong nasasakopan.”

Genesis 28:12

Nangatorogan siyang nahiling niya an sarong hagdan na an poon nasa daga saka an poro abot sa langit, asin an mga anghel nin Dios nagsasakat dangan naglulusad duman.

Genesis 28:16

Nagimata si Jacob asin nagsabi, “Yaon digdi an Kagurangnan! Yaon siya digdi sa lugar na ini, asin dai ko aram!”

Genesis 37:5

Nagkaigwa kaidto nin pangatorogan si Jose asin kan inistorya niya ini sa mga tugang niya, orog sindang naanggot sa saiya.

Genesis 37:9

Dangan nangatorogan na naman si Jose asin inistorya niya ini sa saiyang mga tugang, “Nangatorogan na naman ako na nahiling ko an aldaw, an bulan asin an onseng bitoon na nagduko sa paggalang sako.”

Genesis 46:2

Pagkabanggi, inapod siya nin Dios sa sarong bisyon, “Jacob, Jacob!” “Uya ako,” an simbag niya.

2 Samuel 7:4

Alagad kan bangging idto, nagtaram an Kagurangnan ki Natan,

1 Mga Hade 3:15

Nagmata si Solomon asin naaraman niya na an Kagurangnan nagtaram saiya sa pangatorogan. Dangan nagduman siya sa Jerusalem asin nagtindog sa atubangan kan Kaban nin Tipan nin Kagurangnan; nagdolot siya duman nin mga tinutong na atang asin mga dolot para sa katoninongan. Pakatapos, nagbangkete siya para sa gabos niyang mga opisyal.

1 Mga Hade 3:5

Pagkabanggi, nagpahiling saiya sa pangatorogan an Kagurangnan; asin naghapot an Dios, “Ano an boot mong itao ko saimo?”

An Libro ni Job 33:15

Kun banggi mantang nagkakatorog an mga tawo, minataram an Dios sa paagi nin mga pangatorogan asin mga bisyon.

An Libro ni Job 4:13

Arog sa maraot na pangatorogan, pinukaw kaiyan an sakong pagkatorog.

Salmo 105:15

Nagtaram siya, “Dai nindo pagdutaan an sakong mga linahidan; an sakong mga propeta dai nindo pagkulogan.”

Salmo 89:19

Sa sarong bisyon kaidto, nagtaram ka sa saimong maimbod na mga sorogoon, “Tinabangan ko an sarong bantog na soldados; itinao ko an trono sa tawong pinili ko hale sa banwaan.

Exodo 7:1

Nagtaram an Kagurangnan, “Gigibohon takang garo Dios sa atubang kan hade, asin an tugang mong si Aaron an magigin propeta mo.

Jeremias 23:25

Nadangog ko an sinabi kan mga propeta na nagpopropesiya nin kaputikan sa sakong ngaran saka nagsasabi na tinawan ko sinda kan sakong mensahe sa saindang mga pangatorogan.

Jeremias 23:28

Pabayae an propetang nangatorogan na magsabi kan saiyang pangatorogan, alagad tugote an propeta na nakadangog kan sakong mensahe na magin maimbod sa paghulit kaiyan. Ano an karahayan kan dagami kun ibaing sa trigo?

Ezekiel 1:1

Sa ikalimang aldaw kan ikaapat na bulan kan ikatreyntang taon, kan ako, si Ezekiel na padi, na aking lalaki ni Buzi, nag-eerok duman sa may Salog nin Kebar sa Babilonia kaiba kan mga itinapok na Judio, nabuksan an kalangitan asin nahiling ko an sarong bisyon nin Dios. (

Daniel 10:8

Kaya ako sana an nawalat asin nakahiling kan bisyon. Nawaraan ako nin kosog, asin naliwat nin marahay an sakong lalawogon kaya mayo nin siisay man na pwedeng makamidbid sako.

Daniel 2:19

Kan banggi man sanang idto, an misteryo ipinahayag ki Daniel sa sarong bisyon, asin inomaw niya an Dios nin langit:

Daniel 7:1

Kan enot na taon kan paghahade ni Belsazzar nin Babilon, nagkaigwa ako nin pangatorogan asin nahiling ko an sarong bisyon sa pagkabanggi. Isinurat ko an pangatorogan, asin iyo ini an kasaysayan

Daniel 8:2

Sa bisyon, nahiling ko an sakong sadiri sa laog kan kudal kan syudad nin Susa sa probinsya nin Elam. Nagtitindog ako sa tampi kan Salog nin Ulai,

Oseas 12:11

Alagad an pagsamba sa mga dios-dios ginigibo sa Gilead, asin magagadan an mga nagsasamba sainda. Nagsasakripisyo sinda nin mga torong baka sa Gilgal, asin magigin mga tambak nin gapo sa kaawagan an mga altar duman.”

Joel 3:1

An Kagurangnan nagtataram, “Sa panahon na iyan ibabalik ko an kauswagan nin Juda saka Jerusalem.

Zacarias 1:8

Nahiling ko an sarong anghel nin Kagurangnan na naglulunad sa sarong pulang kabayo. Nag-ontok siya sa tahaw kan mga kahoy na mirto sa sarong kapantayan. Sa likodan niya igwa nin mga kabayong pula, kabang, saka puti.

Mga Bilang 24:4

Kan nakakadangog kan tataramon nin Dios, Kan nakakahiling kan bisyon kan Makakamhan; Kan natutumba, alagad malinaw an mga mata.

Mateo 1:20

Mantang iniisip ini ni Jose, nagpahiling saiya sa pangatorogan an sarong anghel nin Kagurangnan na nagsabi, “Jose, aki ni David, dai ka magalang-alang akoon si Maria, huli ta an ipinapangidam niya gikan sa Espiritu Santo.

Mateo 2:19

Kan gadan na si Herodes, nagpahiling ki Jose sa pangatorogan duman sa Egipto an anghel nin Kagurangnan,

Mateo 23:31

Ini nagpapatotoo na inaako nindo na kamo kapagarakian kan mga nanggadan kan mga propeta!

Mateo 23:34

Kaya papadarahan ko kamo nin mga propeta, nin mga tawong madonong asin nin mga paratukdo. Alagad an iba sainda gagadanon nindo, an iba ipapako sa krus, an iba hahampakon sa mga sinagoga, asin pepersegiron sinda sa binurubanwa.

Mateo 23:37

“O Jerusalem, Jerusalem! Ginagadan mo an mga propeta asin ginagapo mo an mga sinugo nin Dios saimo! Pirang beses nang boot kong tiriponon an saimong mga aki, arog kan paglukob kan gunakan sa saiyang mga siwo, alagad habo ka!

Mateo 27:19

Mantang nagtutukaw si Pilato duman sa hukoman, pinatogonan siya kan saiyang agom: “Dai ka makilabot sa matanos na tawong iyan, huli ta sa pangatorogan ko kasubanggi, nagtios ako nin makuri dahel saiya.”

Lukas 1:11

Nagpahiling saiya an sarong anghel nin Kagurangnan na nagtitindog sa too kan altar nin insenso.

Lukas 1:22

Kan magluwas na siya, dai na siya nakakataram, mga senyas na sana an ginamit niya; kaya aram nindang nakahiling siya nin bisyon sa laog kan Templo. Poon kaidto, nagin pola si Zacarias.

Lukas 20:6

Alagad kun sabihon tang, ‘Hale sa tawo,’ gagapoon kita kan gabos na tawo huli ta minimidbid ninda si Juan na sarong propeta.”

Mga Gibo 10:11

Nahiling niyang nagbukas an langit saka naghihilig an sarong bagay na garo dakulang tamong na itinutunton sa apat na kanto.

Mga Gibo 10:17

Mantang iniisip ni Pedro kun ano an kahulogan kan bisyon na nahiling niya, nag-abot an mga sinugo ni Cornelio. Ipinaghapot ninda kun haen an harong ni Simon; ngunyan yaon na sinda sa may trangkahan.

Efeso 4:11

Siya an “nagtao nin mga balaog sa mga tawo.” An iba ginibo niyang apostol, an iba propeta, an iba ebanghelista, an iba mga pastor saka mga paratukdo.

Deuteronomio 18:15

Masugo siya nin sarong propeta na arog sako hale sa saindong banwa, asin kukuyogon nindo siya.

Deuteronomio 18:18

Papadarahan ko sinda nin sarong propeta na arog saimo hale sa saindang banwaan; tataraman ko siya kun ano an saiyang sasabihon, asin ipapahayag niya sa mga tawo an gabos kong ipinagboboot.

Hebreyo 1:1

Kaidtong panahon, sa kadakul na beses asin sa manlaen-laen na paagi, nagtaram an Dios sa satong mga ginikanan huli kan mga propeta.

Kapahayagan 11:10

Maoogma an mga tawo sa kinaban dahel sa pagkagadan ninda. Magpepyesta sinda asin magpapatinaohan nin mga regalo huli ta an duwang propetang iyan nagdara sainda nin dakul na kasakitan.

Kapahayagan 11:3

An duwa kong saksi na nakagubing nin sako tatawan ko nin kapangyarihan na magpropesiya sa laog nin mil dos syentos sesentang aldaw.”

1 Samuel 28:6

kaya naghapot sa Kagurangnan kun ano an dapat niyang gibohon. Alagad dai siya sinimbag nin Kagurangnan, maski sa paagi nin pangatorogan o sa Urim saka Tummim o sa mga propeta.

1 Samuel 3:15

Naghigda giraray si Samuel sagkod mag-aga; dangan binukasan niya an mga pintoan kan harong nin Kagurangnan. Natakot siyang isabi an bisyon ki Eli.

1 Samuel 3:21

Padagos na nagpahayag an Kagurangnan sa Shilo, huli ta duman siya nagpahiling asin nagtaram ki Samuel. Kun minataram si Samuel minahinanyog an bilog na Israel.