Mga Bilang 12:2 - Marahay na Bareta Biblia

² Olay ninda, “Nagtaram daw an Kagurangnan sa paagi sana nanggad ni Moises? Bakong nagtaram man siya sa paagi nyato?” Nadangog nin Kagurangnan an saindang sinabi. (

Mga Bilang 12:2 ပူးပေါင်းရင်းမြစ်များ

Genesis 29:33

Nagbados siya giraray asin nag-aki nin lalaki. Nagsabi siya, “Itinao pa sako an aking ini huli ta nadangog nin Kagurangnan na ikinakaongis ako;” kaya an aki nginaranan niyang Simeon.

2 Samuel 11:27

Kan matapos an panahon nin pagmondo, kinua ni David si Batsheba asin dinara sa palasyo niya; nagin agom niya si Batsheba dangan nangaki si Batsheba nin sarong lalaki. Alagad dai nawilihan nin Kagurangnan an ginibo ni David.

2 Mga Hade 19:4

Tibaad nadangog nin Kagurangnan na saimong Dios an gabos na tataramon kan opisyal na sinugo kan emperador nin Asiria tanganing pag-olog-ologon an Dios na buhay; padusahan niya logod an nagtaram. Kaya ipamibi mo kaming kadikit na natatada.”

Exodo 4:14

Huli kaini, naanggot an Kagurangnan ki Moises asin nagtaram, “Bakong yaon an tugang mong Levita na si Aaron? Aram kong marahay siyang magtaram. An totoo, pasiring na siya digdi asin maoogma siyang mahiling ka.

Exodo 4:30

Sinabi sainda ni Aaron an gabos na itinaram nin Kagurangnan ki Moises dangan ginibo ni Moises sa atubang ninda an mga ngangalasan.

Exodo 5:1

Pakatapos, nagduman si Moises asin si Aaron sa hade nin Egipto asin nagsabi, “Nagtaram an Kagurangnan, an Dios kan Israel, ‘Tugoteng humale an sakong banwaan tanganing magpyesta sinda sa kalangtadan sa pag-omaw sako.’”

Exodo 7:10

Kaya nagduman sinda sa hade dangan ginibo an ipinagboot nin Kagurangnan; itinapok ni Aaron an saiyang sugkod sa atubangan kan hade asin kan saiyang mga opisyal, asin nagin halas an sugkod.

Mga Talinhaga 13:10

An kapaabaw-abawan mayo nin ibubunga kundi iriwal. Sarong kadonongan an paghagad nin hatol.

Isaias 37:4

Tibaad nadangog nin Kagurangnan na saimong Dios an gabos na tataramon kan opisyal na sinugo kan emperador nin Asiria tanganing pag-olog-ologon an Dios na buhay; padusahan niya logod an nagtaram. Kaya ipamibi mo kaming kadikit na natatada.”

Mikas 6:4

Ako an nagluwas saimo sa Egipto; ilinigtas taka sa kaoripnan; ako an nagsugo ki Moises, ki Aaron saka ki Miriam tanganing pangenotan ka.

Mga Bilang 11:1

Nagpoon pagreklamo sa Kagurangnan an mga Israelita manongod kan saindang mga kasakitan. Kan nadangog sinda nin Kagurangnan, naanggot siya asin pinadarahan niya sinda nin kalayo. Nasulo an nagkapira sainda saka an sarong poro kan kampo.

Mga Bilang 11:29

Nagsimbag si Moises, “Nagmamakulog ka daw sako? Tawan logod nin Kagurangnan kan saiyang espiritu an gabos na tawo asin gibohon na propeta sinda gabos!”

Mga Bilang 12:3

Si Moises sarong tawong orog na mapakumbaba ki sa kiisay man na nabubuhay sa kinaban.)

Mga Bilang 16:3

Nagtiripon sinda sa atubang ni Moises saka ni Aaron, dangan nagsabi, “Sobra na an gibo nindo! Sadiri nin Kagurangnan an gabos na kaayon sa komunidad asin kaibahan siya kan gabos. Tadaw ta nagpapalangkaw kamo sa komunidad nin Kagurangnan?”

Roma 12:10

Magkaminorootan kamo bilang mga magturugang ki Cristo; danay kamong mangenot sa pagtaong galang sa gabos.

Roma 12:3

Huli sa biyaya na itinao sako nin Dios, ini an masasabi ko saindo: Dai kamo mag-isip nin labaw pa saindo kundi magin mabini kamo sa saindong pag-isip. Hukoman nindo an saindong sadiri sosog sa sukol kan pagtubod na itinao nin Dios saindo.

Filipos 2:14

Gibohon nindo an gabos na bagay na mayong gumod-gumod o pakisuhay,

Filipos 2:3

Dai kamo maggibo nin anoman para sana sa sadiring karahayan o tanganing maghambog; kundi sa kapakumbabaan, ibilang nindo na mas marahay an iba ki sa saindo.

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”