Mga Bilang 11:4 - Marahay na Bareta Biblia

⁴ Igwa nin mga dayuhan na nagbabaklay kaiba kan mga Israelita. An mga dayuhan nagkaigwa nin sobrang pagmawot na makakakan nin karne asin maski an mga Israelita nagpoon man magreklamo, “Kun igwa kutana kita nin makakakan na karne!

Mga Bilang 11:4 ပူးပေါင်းရင်းမြစ်များ

Nehemias 13:3

Pakadangog kan mga Israelita kan Togon na ini, isinuhay ninda sa komunidad an gabos na dayuhan.

Salmo 106:14

Sa kalangtadan nagkaigwa sinda nin ngana-nganang kamawotan; asin sa desyerto an Dios saindang pinagsugotan.

Exodo 12:38

Dakul na bakong mga Israelita an nag-iriba sainda. Nagsunod man sainda an dai mabilang na mga karnero, mga kanding, asin mga baka.

Exodo 16:12

“Nadangog ko an mga reklamo kan mga Israelita. Sabihan mo sinda na pagsolnop kan aldaw magkakaigwa sinda nin karne, asin pagkaaga tatawan ko sinda nin bastanteng tinapay. Dangan mamimidbid ninda na ako an Kagurangnan, iyo an saindang Dios.”

Exodo 16:3

na an sabi, “Marahay pang ginadan na kami nin Kagurangnan sa Egipto. Duman nakakatukaw pa kami, nakakakakan nin karne asin kan gabos ming magustohan. Alagad dinara mo kami digdi sa kalangtadan tanganing magadan sa gutom.”

Mga Bilang 11:18

Sabihan mo an mga tawo na maglinig sinda para sa aga asin makakan na sinda nin karne. Nagreklamo sinda asin naghapot kun siisay an matao sainda nin karne. Nagsabi pa sinda na mas marahay an saindang buhay sa Egipto. Kaya tatawan ko sinda nin karne dangan makakan sinda.

Mga Bilang 14:1

Mag-agang nagtangis an bilog na komunidad nin Israel.

Mga Bilang 14:22

mayo nin mabubuhay sa mga tawong ini tanganing maglaog sa dagang idto. Nahiling ninda an sakong kamurawayan asin an mga milagrong ginibo ko sa Egipto saka sa kalangtadan, alagad dakul na beses ninda akong binalo asin dai ninda ako dinangog.

Mga Bilang 16:13

Kulang pa nanggad saimo an paghale mo samo sa matubang na daga nin Egipto tanganing gadanon digdi sa kalangtadan? Tano ta boot mo pang magin samong kagurangnan?

Roma 13:14

Isulot nindo an armas na iyo si Jesu-Cristo asin dai nindo pagsunodon an mga kamawotan kan saindong laman.

1 Corinto 10:6

An gabos na ini sarong pagpatanid sato tanganing dai kita magmawot nin maraot arog kan ginibo ninda.

1 Corinto 15:33

Dai kamo magpadaya: “An mga maraot na kairiba, nakakaraot kan marahay na ugale.”

Deuteronomio 9:22

“Pinaanggot man nindo an Kagurangnan na saindong Dios kan yaon kamo duman sa Tabera, sa Massa, asin duman sa Kibrot-hattaava.