Mga Bilang 11:31 - Marahay na Bareta Biblia

³¹ An Kagurangnan nagpadara nin doros na may darang mga pugo hale sa dagat, asin an mga iyan nagralayog sa langkaw na kulang sa sarong metro hale sa daga. Naghurugpa an mga pugo sa kampo asin sa mga lugar sa palibot kaiyan, dakul na kilometro an kahiwasan pasiring sa gabos na direksyon.

Mga Bilang 11:31 ပူးပေါင်းရင်းမြစ်များ

Salmo 105:40

Naghagad sinda, asin an Dios nagpadara nin mga pugo; tinawan niya sinda nin dakul na tinapay hale sa langit.

Salmo 106:15

Itinao niya an saindang hinagad, alagad pinadarahan man sinda nin mangirhat na helang.

Salmo 135:7

Siya an nagpapaitaas kan mga panganoron hale sa mga poro kan daga; an naggigibo nin kikilat para sa uran, asin an nagpapaluwas kan mga doros hale sa saiyang mga sarayan.

Exodo 10:13

Kaya itinaas ni Moises an saiyang sugkod, dangan pinahoyop nin Kagurangnan an doros hale sa sirangan sa bilog na aldaw asin banggi. Pagkaaga, nadara na kan doros an mga doron.

Exodo 10:19

Pinahoyop nin Kagurangnan an makosog na doros hale sa solnopan asin ipinalid kaini an mga doron pasiring sa Dagat na Pula. Mayong natada maski sarong doron sa bilog na daga nin Egipto.

Exodo 15:10

Alagad sa saro mong hinangos, O Kagurangnan, an mga Egipcio nalamos, siring sa timga na nag-irarom tolos.

Exodo 16:13

Pagkabanggi duminagsa an dakul na pugo dangan natahoban an kampo; asin pagkaaga, nahiling an mahibog na ambon sa palibot kan kampo.

Mga Bilang 11:30

Dangan nagbalik sa kampo si Moises asin an setentang lider nin Israel.