Mga Bilang 11:25 - Marahay na Bareta Biblia

²⁵ Dangan naghilig sa panganoron an Kagurangnan asin kinaolay si Moises. Kinua nin Kagurangnan an ibang espiritu na itinao niya ki Moises asin itinao sa setentang mga lider. Kan maghilig sainda an espiritu, nagpoon sindang magpropesiya siring sa mga propeta, alagad dai iyan nahaloy.

Mga Bilang 11:25 ပူးပေါင်းရင်းမြစ်များ

2 Mga Hade 2:15

Kan mahiling ini kan mga propetang taga Jerico, nagsabi sinda, “An kapangyarihan ni Elias yaon na ki Eliseo!” Nagdolok sinda sa pagsabat ki Eliseo asin nagdarapa sa saiyang atubang.

Nehemias 9:20

Sa saimong pagkamarahayon tinukdoan mo sinda; pinakakan mo sinda nin manna asin tinawan mo nin tubig na inomon.

Salmo 99:7

Nagtaram siya sainda hale sa hariging panganoron; kinuyog ninda an mga togon saka pagboot na itinao niya sainda.

Exodo 32:32

Nakikimaherak ako na patawadon mo sinda kan saindang mga kasalan; alagad kun dai mo sinda mapapatawad, paraon mo na man an sakong ngaran sa libro na sinuratan mo kan mga ngaran kan saimong banwaan.”

Exodo 34:5

Naghilig an Kagurangnan sa sarong panganoron, nagtindog sa kaibahan niya duman, asin nagpahayag kan saiyang banal na ngaran, an Kagurangnan.

Exodo 40:38

Sa bilog nindang pagbaklay, nahiling kan mga Israelita na an panganoron nin Kagurangnan yaon sa ibabaw kan Tabernakulo kun aldaw, asin kun banggi, yaon an naglalaad na kalayo.

Isaias 63:11

Alagad nagiromdoman ninda an nakaaging panahon, an panahon ni Moises, an sorogoon nin Kagurangnan, asin naghapot sinda, “Haen na ngunyan an Kagurangnan, na nagligtas kan mga lider nin saiyang banwaan kan nag-agi sinda sa dagat? Haen na an Kagurangnan, na nagtao kan saiyang espiritu ki Moises?

Ezekiel 8:11

Setentang mga kamagurangan nin Israel an idtoon duman, kaiba si Jaazanias na aking lalaki ni Safan. An lambang saro sainda may kapot na insensaryo, asin an asong hale digdi minapaitaas.

Mga Bilang 11:17

Mahilig ako dangan makikiolay saimo duman. Kukuahon ko an ibang espiritu na itinao ko saimo asin itatao ko sainda tanganing makatabang sinda sa pag-otob mo sa saimong katongdan para sa mga tawong ini; dangan dai ka na magsosolo sa pag-otob kaiyan.

Mga Bilang 12:5

dangan naghilig an Kagurangnan sa sarong hariging panganoron, nagtindog sa pintoan kan Tabernakulo dangan inapod si Aaron asin si Miriam. Nagrani sinda,

Mga Bilang 16:25

Nagduman si Moises ki Datan saka ki Abiram; kasunod niya an kamagurangan nin Israel.

Mga Bilang 24:2

asin nahiling niya an Israel na tribu-tribung nakakampo. Dangan uminabot saiya an espiritu nin Dios,

Mga Bilang 27:18

Nagtaram an Kagurangnan ki Moises, “Kuaha si Josue na aking lalaki ni Nun, sarong lalaki na igwa kan espiritu, asin iduta mo an saimong mga kamot sa saiyang payo.

Mga Gibo 11:28

An saro sainda, na an ngaran Agabo, naghula sa pasabong kan Espiritu Santo na may maabot na makuring gutom sa bilog na daga. (Nangyari mananggad ini kan si Claudio an Emperador.)

1 Corinto 14:32

An balaog nin propesiya dapat na kontrolado kan nagtataram.

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.

2 Pedro 1:21

Huli ta mayo nin propesiya na gikan sa kabotan kan tawo; kundi sa irarom kan kapangyarihan kan Espiritu Santo, an mga tawo nagtataram kan mensahe na hale sa Dios.

Hukom 3:10

Uminabot saiya an Espiritu nin Kagurangnan, asin siya an nagin lider nin Israel. Nakigera siya asin pinapanggana nin Kagurangnan laban sa hade nin Mesopotamia.

1 Samuel 10:10

Pag-abot ni Saul asin kan saiyang sorogoon sa Gibea, sinabat siya nin sarong grupo nin propeta. Dangan nagdatong saiya an espiritu nin Dios, asin nagsabay siya sainda sa pagpropesiya.