Mga Bilang 11:23 - Marahay na Bareta Biblia

²³ Tinaraman nin Kagurangnan si Moises, “Igwa daw nin kasagkoran an sakong kapangyarihan? Mahihiling mo ngunyan kun mangyayari an sakong itinaram o dai!”

Mga Bilang 11:23 ပူးပေါင်းရင်းမြစ်များ

Genesis 18:14

May imposible daw sa Kagurangnan? Siring sa itinaram ko, pakalihis nin siyam na bulan ngunyan, mabalik ako asin si Sara mangangaki nin lalaki.”

2 Mga Hade 4:43

Alagad nagsimbag an saiyang sorogoon, “Magkanigo daw ini sa sanggatos na lalaki?” Nagsimbag si Eliseo, “Tawan mo kaiyan an mga lalaki tanganing magkakan sinda, huli ta ini an sinasabi nin Kagurangnan, ‘Makakan sinda asin may matatada pa.’”

2 Mga Hade 7:2

An kapitan kan mga bantay kan hade nagsabi ki Eliseo, “Imposible iyan; maski bukasan pa nin Kagurangnan an mga bintana nin langit!” “Mahihiling mo ini, alagad dai ka makakanamit kan pagkakan,” an simbag ni Eliseo.

Salmo 78:41

Dakul na beses binalo ninda an Dios, asin pinaanggot an Banal na Dios nin Israel.

Exodo 6:1

Dangan nagtaram an Kagurangnan ki Moises, “Mahihiling mo ngunyan kun ano an gigibohon ko sa hade. Mapipiritan siyang pahaleon an sakong banwaan. Talagang mapipiritan siyang isubol sinda paluwas sa saiyang daga.”

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Isaias 59:1

Dai kamo mag-isip na maluya an Kagurangnan kun kaya dai niya kamo pwedeng iligtas, o na maluya an saiyang pandangog kun kaya dai niya kamo madadangog kun kamo mag-agrangay!

Jeremias 14:9

Tadaw ta arog ka sa sarong tawong namongnan, arog sa sarong soldados na dai kayang tumabang? Alagad ika, O Kagurangnan, uya sa samong kaibahan! Kami an banwaan mo; dai mo kami pagbayaan.’”

Jeremias 32:17

“O Kagurangnan Dios, ginibo mo an kalangitan asin an daga huli kan dakula mong kapangyarihan saka kosog; mayo nin dipisil para saimo.

Jeremias 32:27

“Ako an Kagurangnan, an Dios kan gabos na tawo; mayo nin dipisil para sako.

Ezekiel 12:25

Ako, an Kagurangnan, an mataram sainda, asin mangyayari an itinataram ko. Dai na mahahaloy. Sa saindong panahon, kamong mga rebelde, gigibohon ko an ipinatanid kong gigibohon. Ako an nagtaram,” olay nin Kagurangnan Dios.

Ezekiel 24:14

Ako, an Kagurangnan, an nagtaram. Uminabot na an panahon na dapat akong maghiro. Dai ko paliligtason an saimong mga kasalan; mayo ako nin paliligtason o maheherakan. Papadusahan taka huli kan saimong mga ginibo.” An Kagurangnan Dios an nagtaram.

Daniel 6:20

Pag-abot niya duman, may kahandalan na nag-apod siya, “Daniel, sorogoon kan buhay na Dios! Ikinaligtas ka sa mga leon kan saimong Dios na maimbod mong pinaglilingkodan?”

Mikas 2:7

Sa paghona mo daw, nasa irarom nin maldisyon an banwaan nin Israel? Naubos na daw an pasensya nin Kagurangnan? Gibohon daw niya an mga bagay na iyan? Bakong may pagkaherak na tinataraman niya an mga naggigibo nin tama?”

Mga Bilang 11:22

May magkanigo daw na baka saka karnero na bubunoon tanganing magkanigo sainda? Kun madakop an gabos na sira sa dagat, magkanigo daw iyan sainda?”

Mga Bilang 23:19

An Dios bakong siring sa mga tawo na nagpuputik; Bako siyang tawo na nagbabago nin isip. An ano man na ipinanuga niya, ginigibo niya; Minataram siya, asin nangyayari iyan.

Mateo 19:26

Hiniling sinda ni Jesus asin sinabihan, “Imposible ini para sa tawo, alagad an gabos posible sa Dios.”

Mateo 24:35

Mapapara an langit asin an daga, alagad an sakong mga tataramon dai nanggad mapapara.

Lukas 1:37

huli ta mayo nin imposible sa Dios.”