Mga Bilang 11:20 - Marahay na Bareta Biblia

²⁰ kundi para sa sambulan, sagkod na magluwas iyan sa saindang dungo dangan mauyam sinda. Ini an mangyayari huli ta isinikwal ninda ako na kaiba ninda asin nagsabi sinda na marahay pang dai na sinda naghale sa Egipto.”

Mga Bilang 11:20 ပူးပေါင်းရင်းမြစ်များ

2 Samuel 12:10

Kaya magpoon ngunyan, magagadan sa dahas an nagkapira sa saimong kapagarakian sa lambang henerasyon, huli ta tinalikodan mo ako asin saimong kinua an agom ni Urias na Heteo.

Salmo 106:15

Itinao niya an saindang hinagad, alagad pinadarahan man sinda nin mangirhat na helang.

Exodo 16:13

Pagkabanggi duminagsa an dakul na pugo dangan natahoban an kampo; asin pagkaaga, nahiling an mahibog na ambon sa palibot kan kampo.

Exodo 16:3

na an sabi, “Marahay pang ginadan na kami nin Kagurangnan sa Egipto. Duman nakakatukaw pa kami, nakakakakan nin karne asin kan gabos ming magustohan. Alagad dinara mo kami digdi sa kalangtadan tanganing magadan sa gutom.”

Exodo 16:8

Dangan nagsabi pa si Moises, “An Kagurangnan an matao saindo nin makakakan na karne pagkabanggi asin bastanteng tinapay pagkaaga, huli ta nadangog niya an pagreklamo nindo saiya; ta siisay man baya kami? Sa katotoohan, kun kamo nagrereklamo samo, sa Kagurangnan kamo nagrereklamo.”

Mga Talinhaga 27:7

Kun basog an sarong tawo, hinahaboan niya an dugos, alagad kun nagugutom siya maski mapait na kakanon mahamis sa pagnamit niya.

Malakias 1:6

Nagsasabi an Kagurangnan nin mga hukbo sa mga padi, “Ginagalangan kan aking lalaki an saiyang ama, asin kan sorogoon an saiyang kagurangnan. Ako an saindong ama—tadaw ta dai nindo ako ginagalangan? Ako an saindong kagurangnan—tano ta dai nindo ako ginagalangan? Binabasang-basang nindo ako, asin minahapot pa kamo, ‘Paano mi ika binasang-basang?’

Mga Bilang 11:13

Saen ako makua nin karne na ipapakakan sainda gabos? Padagos sinda sa paghibi sa paghagad nin karne.

Mga Bilang 11:19

Bako sana para sa saro, duwa, lima, sampolo o sa beynteng aldaw an itatao ko sainda,

Mga Bilang 11:21

Nagsimbag si Moises, “An bilang kan mga tawong kairiba ko minaabot sa seis syentos mil, asin nagtaram ka na tatawan mo sinda nin karne na makakakan ninda sa laog nin sambulan!

Mga Bilang 14:3

Ano ta dadarahon pa kita nin Kagurangnan sa dagang idto? Magagadan kita sa gera asin mabibihag an satong mga agom sagkod mga aki. Bako daw na mas marahay na magbalik kita sa Egipto?”

Mga Bilang 14:4

Kaya nag-orolay sinda na magpili nin sarong lider na mangengenot sa saindang pagbalik sa Egipto.

Mga Bilang 16:13

Kulang pa nanggad saimo an paghale mo samo sa matubang na daga nin Egipto tanganing gadanon digdi sa kalangtadan? Tano ta boot mo pang magin samong kagurangnan?

Mga Bilang 20:4

Tadaw ta dinara nindo kami digdi sa kalangtadan? Tangani sanang magadan digdi kaiba an samong mga hayop?

Mga Bilang 21:5

asin nagtararam sinda tumang sa Dios saka ki Moises. Naggurumod-gumod sinda, “Tadaw ta ilinuwas mo kami sa Egipto tanganing magadan sa desyertong ini na mayo nin pagkakan asin tubig? Nauuyam na kami sa mayong halagang pagkakan na ini!”

Mga Gibo 13:41

‘Hilinga nindo, mga paratuya-tuya! Magngalas kamo saka magadan! Huli ta may gigibohon ako sa kapanahonan nindo, sarong gibo na dai nindo tutubodon maski igwang magpaliwanag saindo kaiyan!’”

1 Tesalonica 4:8

Kaya an siisay man na minasikwal kan katukdoan na ini, minasikwal bakong sa tawo kundi sa Dios na iyo an nagtao saindo kan saiyang Espiritu Santo.

Josue 24:27

Sinabihan niya an gabos na tawo, “An gapong ini iyo an satong saksi. Nadangog kaini an gabos na itinaram sato nin Kagurangnan. Kaya magigin saksi ini laban saindo, tanganing dai kamo magtumang sa saindong Dios.”

1 Samuel 10:19

Ako an saindong Dios, an nagtabang saindo sa gabos nindong problema asin kasakitan; alagad ngunyan, hinaboan nindo ako asin nakimaherak sako na tawan kamo nin hade. Kaya magtiripon kamo gabos sosog sa saindong tribu asin kamaganakan, sa atubangan nin Kagurangnan.’”

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.