Mga Bilang 11:2 - Marahay na Bareta Biblia

² Nakimaherak an mga tawo ki Moises; namibi siya sa Kagurangnan asin napalsok an kalayo.

Mga Bilang 11:2 ပူးပေါင်းရင်းမြစ်များ

Salmo 106:23

Kan siya magtaram na tutunawon niya an saiyang banwaan, si Moises na saiyang pinili nagtindog sa saiyang atubang, nakimaherak na dai sinda tunawon kan saiyang kaanggotan.

Exodo 10:18

Binayaan ni Moises an hade dangan namibi sa Kagurangnan.

Exodo 34:9

Dangan nagsabi siya, “O Kagurangnan, kun totoong nawiwilihan mo ako, nakikimaherak ako na ibahan mo kami, maski matagas an payo kan mga tawong ini. Patawadon mo kami kan samong mga karatan saka mga kasalan, asin akoa kami bilang sadiri mong banwaan.”

Isaias 37:4

Tibaad nadangog nin Kagurangnan na saimong Dios an gabos na tataramon kan opisyal na sinugo kan emperador nin Asiria tanganing pag-olog-ologon an Dios na buhay; padusahan niya logod an nagtaram. Kaya ipamibi mo kaming kadikit na natatada.”

Jeremias 15:1

Dangan tinaraman ako nin Kagurangnan, “Maski pa si Moises saka si Samuel an nagtitindog digdi tanganing makimaherak sako, dai ko nanggad pahihilingan nin pagkaherak an mga tawong ini. Pahaleon mo sinda; habo ko sindang mahiling.

Jeremias 37:3

Sinugo ni Hadeng Zedekias si Jehucal na aking lalaki ni Selemias, asin an padi na si Sofonias, na aking lalaki ni Maaseias, tanganing pakiolayan ako na ipamibi sa Kagurangnan na samong Dios an samong nasyon.

Jeremias 42:2

saka nakiolay sinda sako, “Ipamibi mo kami sa Kagurangnan na saimong Dios. Mamibi ka para sa samo gabos na natada. Kadakul mi kaidto; alagad ngunyan kadikit na sana kaming natada, siring sa nahihiling mo.

Mga Bilang 12:11

nagtaram siya ki Moises, “Nakikimaherak ako saimo na dai mo kami pagpadusahan huli kan naginibo ming kalolongan asin kasalan.

Mga Bilang 12:13

Kaya namibi si Moises sa Kagurangnan, “Nakikimaherak ako, O Dios, na paomayan mo siya!”

Mga Bilang 21:7

Nagduman an mga tawo ki Moises asin nagsabi, “Nagkasala kami kan magtaram kami tumang sa Kagurangnan asin saimo. Mamibi ka saiya na haleon an mga halas na ini.” Kaya namibi si Moises para sa mga tawo.

Mga Gibo 8:24

Nagsabi si Simon ki Pedro saka ki Juan, “Pamibian man ako sa Kagurangnan, tanganing dai mangyari sako an arin man sa mga sinabi nindo.”

Hebreyo 7:26

Kaya si Jesus iyo an Halangkaw na Padi na makakasimbag kan satong mga pangangaipo. Banal siya, mayo nin digta o karatan; dai kabilang sa mga parakasala, ilinangkaw siya sa itaas pa kan kalangitan.

Santiago 5:16

Kaya ikumpisal nindo sa saindong kapwa an saindong mga kasalan; ipamibi nindo an saindong kapwa, tanganing maomayan kamo. Dakula an nagigin bunga kan pamibi nin sarong matanos na tawo.

1 Juan 5:16

Kun may makahiling sa tugang niya na nakaginibo nin kasalan na bako man mortal, ipamibi niya ini sa Dios na matao saiya nin buhay. Ini manongod sa mga tawo na an mga kasalan bakong mortal. Alagad igwang kasalan na mortal. Dai ko sinasabi na ipamibi nindo iyan sa Dios.