Mga Bilang 11:16 - Marahay na Bareta Biblia

¹⁶ Tinaraman nin Kagurangnan si Moises, “Pumili ka nin setentang mga gurang sa Israel, idtong minimidbid na mga lider kan komunidad. Darahon mo sinda sako sa Tabernakulo, asin sabihan mo sinda na magtindog sa kataed mo.

Mga Bilang 11:16 ပူးပေါင်းရင်းမြစ်များ

Genesis 46:27

Duwa an nagin aki ni Jose sa Egipto, kaya setenta an nagin bilang kan gabos na kapagarakian ni Jacob sa Egipto.

Exodo 18:25

Nagpili siya sa mga Israelita nin mga lalaking maninigo asin ginibo niya sindang pamayo nin mga rinibong tawo, ginatos, maningkwenta asin manampolo.

Exodo 24:1

Nagtaram an Kagurangnan ki Moises, “Tumukad kamo pasiring sako, ika, si Aaron, si Nadab, si Abihu asin an setenta kan kamagurangan nin Israel; asin mantang harayo pa kamo, magsamba kamo sako.

Exodo 24:9

Nagturukad sa bukid si Moises, si Aaron, si Nadab, si Abihu asin an setentang mga lider nin Israel.

Exodo 4:29

Kaya si Moises asin si Aaron nagpasiring sa Egipto dangan tinipon ninda an gabos na lider kan Israel.

Jeremias 19:1

Tinaraman ako nin Kagurangnan na magbakal nin sarong tapayan. Sinabihan man niya ako na apodon ko an nagkapira sa kamagurangan kan banwaan asin nagkapira sa gurang nang mga padi,

Ezekiel 8:11

Setentang mga kamagurangan nin Israel an idtoon duman, kaiba si Jaazanias na aking lalaki ni Safan. An lambang saro sainda may kapot na insensaryo, asin an asong hale digdi minapaitaas.

Mga Bilang 11:24

Kaya nagluwas si Moises asin ibinareta sa mga tawo an itinaram nin Kagurangnan. Nagpili siya nin setentang mga lider asin pinatindog sa palibot kan Tabernakulo.

Mga Bilang 16:25

Nagduman si Moises ki Datan saka ki Abiram; kasunod niya an kamagurangan nin Israel.

Lukas 10:1

Pakatapos kaini, nagpili pa an Kagurangnan nin setenta y dos na lalaki. Sinugo niya sindang manduwa-duwa na mangenot saiya sa mga banwa asin sa mga lugar na dudumanan niya.

Lukas 10:17

Maogmang nagbalik an setenta y dos asin nagsabi, “Kagurangnan, dawa an mga demonyo nagkuyog samo kan pagbotan mi sinda sa ngaran mo!”

Deuteronomio 1:15

Kaya linaen ko an pinili nindong mga madonong asin may kakayahan na mga lalaki sa saindong tribu, dangan ibinugtak ko sindang pamayo nindo. An iba namayo sa sangribong tawo, an iba sa sanggatos, an iba sa singkwenta asin an iba sa sampolo. Nagbugtak man ako nin ibang mga opisyal sa mga tribu.

Deuteronomio 16:18

“Magbugtak kamo nin mga hukom asin iba pang opisyal sa lambang banwa na itinatao saindo nin Kagurangnan na saindong Dios. An mga lalaking ini iyo an mahukom sa mga tawo sa matanos na paagi.

Deuteronomio 31:28

Tiponon nindo sa atubang ko an gabos na lider asin opisyal kan mga tribu, tanganing ikapahayag ko sainda an mga bagay na ini. Aapodon ko an langit sagkod an daga tanganing magsaksi para sako laban sainda.