Mga Bilang 11:13 - Marahay na Bareta Biblia

¹³ Saen ako makua nin karne na ipapakakan sainda gabos? Padagos sinda sa paghibi sa paghagad nin karne.

Mga Bilang 11:13 ပူးပေါင်းရင်းမြစ်များ

2 Mga Hade 4:43

Alagad nagsimbag an saiyang sorogoon, “Magkanigo daw ini sa sanggatos na lalaki?” Nagsimbag si Eliseo, “Tawan mo kaiyan an mga lalaki tanganing magkakan sinda, huli ta ini an sinasabi nin Kagurangnan, ‘Makakan sinda asin may matatada pa.’”

2 Mga Hade 7:2

An kapitan kan mga bantay kan hade nagsabi ki Eliseo, “Imposible iyan; maski bukasan pa nin Kagurangnan an mga bintana nin langit!” “Mahihiling mo ini, alagad dai ka makakanamit kan pagkakan,” an simbag ni Eliseo.

Mga Bilang 11:20

kundi para sa sambulan, sagkod na magluwas iyan sa saindang dungo dangan mauyam sinda. Ini an mangyayari huli ta isinikwal ninda ako na kaiba ninda asin nagsabi sinda na marahay pang dai na sinda naghale sa Egipto.”

Mga Bilang 11:21

Nagsimbag si Moises, “An bilang kan mga tawong kairiba ko minaabot sa seis syentos mil, asin nagtaram ka na tatawan mo sinda nin karne na makakakan ninda sa laog nin sambulan!

Mga Bilang 11:22

May magkanigo daw na baka saka karnero na bubunoon tanganing magkanigo sainda? Kun madakop an gabos na sira sa dagat, magkanigo daw iyan sainda?”

Mateo 15:33

Sinabihan siya kan mga disipulo, “Saen man kita makua nin kakanon sa desyertong ini tanganing pakakanon sinda?”

Markos 8:4

Nagsimbag an saiyang mga disipulo, “Saen kita makua nin ipapakakan sa mga tawong ini digdi sa kalangtadan?”

Markos 9:23

Nagsabi si Jesus, “Tadaw ta nagsasabi kang kun may mahihimo ako? An gabos na bagay posible sa tawong nagtutubod.”