Mga Bilang 11:11 - Marahay na Bareta Biblia

¹¹ Nagsabi si Moises sa Kagurangnan, “Tadaw ta maraot an pagtratar mo sako? Tano ta dai mo ako nawilihan? An mga tawong ini sarong pasanon na magabat nin marahay. Tadaw ta ibinugtak mo sinda sako?

Mga Bilang 11:11 ပူးပေါင်းရင်းမြစ်များ

An Libro ni Job 10:2

Dai mo ako pagkondenaron, O Dios. Sabihi ako! Anong kaso an isinasangat mo laban sako.

Salmo 130:3

Kagurangnan, kun itinala mo an mga kasalan, siisay an matagal, Kagurangnan?

Salmo 143:2

Dai mo paghukoman an sorogoon mo, huli ta mayo nin matanos sa atubang mo.

Exodo 17:4

Kaya namibi si Moises sa Kagurangnan, “Ano an gigibohon ko sa mga tawong ini? Haros boot na ninda akong gapoon.”

Exodo 5:22

Dangan namibi giraray si Moises, “O Kagurangnan, tadaw ta pinapasakitan mo an saimong banwaan? Tano ta sinugo mo pa ako digdi?

Jeremias 15:10

Mamondo ako nin marahay! Tadaw ta inaki pa ako kan sakong ina sa kinaban na ini? Danay akong may kaiwal asin kadiskutiran sa bilog na daga. Dai ako nagpasubli nin kwarta ni nagsubli, alagad minamaldisyon ako kan gabos.

Jeremias 15:18

Tadaw ta dai na natatapos an sakong kasakitan? Tadaw ta dai na nabobolong an sakong mga lugad? Tinutuyo mo daw na, para sako, ika magin arog sa sarong sapa na nagmamara sa tig-init?”

Malakias 3:14

Nagsabi kamong, ‘Mayong pakinabang an paglingkod sa Dios. Ano an halaga kan pagsunod sa sinasabi niya o an pagpahiling sa Kagurangnan nin mga hukbo na kita nagmomondo huli kan ginibo ta?

Mga Bilang 11:10

Nadangog ni Moises an reklamo kan gabos na tawo na nakatindog sa pintoan kan saindang mga tolda. Naanggot nin marahay an Kagurangnan, kaya namondo si Moises.

Mga Bilang 11:15

Kun iyan an gigibohon mo, maherak ka sako asin gadanon mo na ako tanganing dai na ako magtios kan saimong pasakit.”

2 Corinto 11:28

Pwera kaiyan, aroaldaw napupurisaw ako huli kan pagmakulog ko sa gabos na simbahan.

Deuteronomio 1:12

Alagad solo sana ako, kaya paano kong madadara an gabat nindo asin kan saindong mga kaso?