Mga Bilang 11:1 - Marahay na Bareta Biblia

¹ Nagpoon pagreklamo sa Kagurangnan an mga Israelita manongod kan saindang mga kasakitan. Kan nadangog sinda nin Kagurangnan, naanggot siya asin pinadarahan niya sinda nin kalayo. Nasulo an nagkapira sainda saka an sarong poro kan kampo.

Mga Bilang 11:1 ပူးပေါင်းရင်းမြစ်များ

Genesis 38:10

Dai naoyonan nin Kagurangnan an ginibo niya kaya ginadan man siya nin Kagurangnan.

2 Samuel 11:27

Kan matapos an panahon nin pagmondo, kinua ni David si Batsheba asin dinara sa palasyo niya; nagin agom niya si Batsheba dangan nangaki si Batsheba nin sarong lalaki. Alagad dai nawilihan nin Kagurangnan an ginibo ni David.

2 Mga Hade 1:12

Alagad nagsimbag si Elias, “Kun ako sarong sorogoon nin Dios, maghugpa logod an kalayo hale sa langit asin gadanon ka sagkod an saimong mga soldados!” Dangan naghugpa an kalayo nin Dios asin ginadan an opisyal sagkod an saiyang mga soldados.

An Libro ni Job 1:16

Dai pa nakakatapos pagtaram an sorogoon, kan saro pang sorogoon an nag-abot dangan nagsabi, “Tinamaan kan kikilat an mga karnero saka an mga pastor; nagkagaradan sinda gabos. Ako sana an nakadulag tanganing magbareta saimo.”

Salmo 106:18

Naghilig an kalayo sa saindang mga kaibahan, asin tinutong idtong mga tawong masombikal.

Salmo 78:21

Kaya naanggot an Kagurangnan kan madangog niya sinda; sarong kalayo an naglaad tumang ki Jacob, asin nagdakula an saiyang kaanggotan tumang ki Israel,

Salmo 78:63

An saindang mga hoben na lalaki nagadan sa gera, asin mayo nin nag-agom sa saindang mga daraga.

Exodo 16:7

Sa aga mahihiling nindo an kamurawayan nin Kagurangnan bilang kasimbagan niya sa saindong mga reklamo saiya; huli ta siisay man baya kami na pagreklamohan nindo?”

Exodo 16:9

Sinabihan ni Moises si Aaron, “Sabihan mo an bilog na komunidad nin mga Israelita na magdigdi asin magtindog sa atubang nin Kagurangnan, huli ta nadangog niya an saindang mga reklamo.”

Isaias 10:17

An Dios, an ilaw nin Israel, magigin sarong kalayo. An banal na Dios nin Israel magigin sarong laad na mahalon kan gabos, maski kan mga binit saka mga tonok sa saro sanang aldaw.

Isaias 30:33

Haloy nang panahon na inandam an sarong lugar saen susuloon an hade kan Asiria sa sarong dakulang kalayo. Hararom saka mahiwas an lugar, asin halangkaw an tambak nin kahoy. An Kagurangnan an mahangos nin kalayo nganing makutan iyan.

Isaias 33:14

Nagtatakig sa katakotan an mga makasalan sa Sion. Nagsasabi sinda, “An paghukom nin Dios nakakaagid sa sarong kalayo na naglalaad sagkod pa man. Mabubuhay daw an saro sato sa siring na kalayo?”

Mga Panambitan 3:39

Tano ta magrereklamo an tawo kun pinapadusahan an saiyang mga kasalan?

Ezekiel 20:36

Kokondenaron ko kamo ngunyan, siring na kinondenar ko an saindong mga ginikanan duman sa kalangtadan nin Sinai,” an olay nin Kagurangnan Dios.

Levitico 10:2

Kaya biglang nagpadara nin kalayo an Kagurangnan asin sinulo sindang duwa sagkod na magadan.

Nahum 1:5

Minalinog an kabukidan sa atubangan nin Kagurangnan; natutunaw an kabubuldan. Kun minatunga an Kagurangnan tinatakigan an kinaban; minakubogkubog an daga asin an mga tawong nag-eerok diyan.

Habakkuk 3:5

Pinapadara niya an helang sa enotan niya asin pinagbobotan niya an kagadanan na magsunod saiya.

Mga Bilang 10:33

Pakahale kan mga Israelita sa Sinai, an banal na bukid, tolong aldaw sindang naglakaw. Naenot sainda an Kaban nin Tipan nin Kagurangnan tanganing maghanap nin lugar na saindang mapapahingaloan.

Mga Bilang 11:18

Sabihan mo an mga tawo na maglinig sinda para sa aga asin makakan na sinda nin karne. Nagreklamo sinda asin naghapot kun siisay an matao sainda nin karne. Nagsabi pa sinda na mas marahay an saindang buhay sa Egipto. Kaya tatawan ko sinda nin karne dangan makakan sinda.

Mga Bilang 12:2

Olay ninda, “Nagtaram daw an Kagurangnan sa paagi sana nanggad ni Moises? Bakong nagtaram man siya sa paagi nyato?” Nadangog nin Kagurangnan an saindang sinabi. (

Mga Bilang 14:2

Nagreklamo sinda ki Moises asin ki Aaron; olay ninda, “Marahay pang nagadan na kami duman sa Egipto o minsan digdi sa kalangtadan!

Mga Bilang 14:22

mayo nin mabubuhay sa mga tawong ini tanganing maglaog sa dagang idto. Nahiling ninda an sakong kamurawayan asin an mga milagrong ginibo ko sa Egipto saka sa kalangtadan, alagad dakul na beses ninda akong binalo asin dai ninda ako dinangog.

Mga Bilang 14:27

“Sagkod nuarin maggugurumod-gumod tumang sako an mga maraot na tawong ini? Nadangog ko an saindang mga reklamo.

Mga Bilang 14:28

Kaya sabihan mo sinda, ‘Minasumpa ako siring na ako buhay, na gigibohon ko an hinahagad nindo.

Mga Bilang 16:11

Kun minareklamo kamo ki Aaron, sa katunayan minareklamo kamo sa Kagurangnan.”

Mga Bilang 16:35

Dangan nagpadara an Kagurangnan nin kalayo asin sinulo an dos syentos singkwentang lalaki na nagdolot nin insenso.

Mga Bilang 17:5

Matubo an sugkod kan tawong pipilion ko. Sa paaging iyan, papaontokon ko an mga pagreklamo saimo kan mga Israelitang ini.”

Mga Bilang 21:5

asin nagtararam sinda tumang sa Dios saka ki Moises. Naggurumod-gumod sinda, “Tadaw ta ilinuwas mo kami sa Egipto tanganing magadan sa desyertong ini na mayo nin pagkakan asin tubig? Nauuyam na kami sa mayong halagang pagkakan na ini!”

1 Corinto 10:10

Dai kita dapat maggurumod-gumod, siring kan ginibo kan iba sainda, kaya ginadan sinda kan Paragadan.

Deuteronomio 25:18

Mayo sindang pagkatakot sa Dios, kaya sinalakay ninda kamo sa likodan kan kamo nanluluya asin pagal na, dangan ginadan ninda an gabos na kairiba nindong nasa hurihan.

Deuteronomio 32:22

Siring sa kalayo, malaad an kaanggotan ko, na matutong kan gabos na yaon sa daga, sagkod sa kairaroman kan Sheol; matutong minsan kan mga gamot nin kabukidan.

Deuteronomio 9:22

“Pinaanggot man nindo an Kagurangnan na saindong Dios kan yaon kamo duman sa Tabera, sa Massa, asin duman sa Kibrot-hattaava.

Hebreyo 12:29

huli ta an satong Dios garo kalayong nanghahalon.

Santiago 5:4

Dai nindo binayadan an mga nagtatrabaho sa saindong mga oma. Dangoga nindo an saindang mga reklamo! An mga kinurahaw ninda nadangog nin Dios, an Kagurangnan nin mga hukbo.

Judas 1:16

An mga tawong ini danay na naggugumod-gumod saka nagbabasol sa iba; sinusunod ninda an saindang maraot na mga kamawotan; mga mapalangkaw sinda, asin sagin-sagin na inoomaw an mga tawo huli sa pakinabang na makukua ninda.