Mga Bilang 10:9 - Marahay na Bareta Biblia

⁹ Kun kamo makigera sa mga kaiwal na nagsalakay saindo sa sadiri nindong daga, patanogon nindo an mga trompeta bilang alarma, tanganing ako, an Kagurangnan na saindong Dios, an matabang saindo asin maligtas sa saindo.

Mga Bilang 10:9 ပူးပေါင်းရင်းမြစ်များ

Genesis 8:1

Dai nalingawan nin Dios si Noe asin an gabos na hayop na kaibahan niya sa arka; pinahoyop niya an doros asin nagpoon magkulpa an tubig.

2 Mga Cronica 13:12

An Dios kaibahan mi asin iyo an samong pamayo; andam an saiyang mga padi sa pagpatanog kan mga trompeta tanganing labanan nyamo kamo. Banwaan nin Israel, hare kamo pagtumang sa Kagurangnan, an Dios kan saindong mga ginikanan, huli ta dai kamo manggagana!”

2 Mga Cronica 13:14

Kan magsalingoy an mga taga Juda nahiling ninda na napapalibotan sinda kan saindang mga kaiwal. Nagkurahaw sinda sa Kagurangnan tanganing tabangan asin pinatanog kan mga padi an mga trompeta.

Salmo 106:4

Giromdoma ako, Kagurangnan, kun tinatabangan mo an saimong banwaan. Ibahan ako kun sinda tinatawan mo nin kaligtasan.

Salmo 106:42

Inapi sinda kan mga kaiwal; nagin sakop kan saindang kapangyarihan.

Salmo 136:23

Siya an nakagiromdom kan kita nagkadaraog; an saiyang pagkamoot mayo nin kataposan;

Isaias 18:3

Hanapa nindo, kamong mga nag-eerok sa kinaban, an tanda na iiitaas sa mga alitoktok kan kabukidan! Dangoga nindo an pagtanog kan trompeta!

Isaias 58:1

Nagsasabi an Kagurangnan, “Pagkurahaw nin makosog! Sabihi an sakong banwaan na Israel dapit kan saindang mga kasalan!

Jeremias 4:19

Makulog! Dai ko matatagalan an kulog! Makosog na nagkukutab-kutab an sakong puso! Dai ako pwedeng mag-alo; nadadangog ko an mga trompeta asin an mga kurahaw nin gera.

Jeremias 4:21

Sagkod nuarin ko hihilingon an ralaban asin dadangogon an tanog kan mga trompeta?

Jeremias 4:5

Patanoga an trompeta sa bilog na daga! Pagkurahaw nin makosog saka malinaw! Sabihi an mga taga Juda asin mga taga Jerusalem na magdaralagan pasiring sa pinapusog na mga syudad.

Jeremias 49:2

Alagad maabot an panahon na an tingog nin gera ipapadangog ko sa mga tawong nag-eerok sa pangenot na syudad nin Rabba. An syudad na iyan marurumpag asin susuloon an mga baryo kaiyan. Dangan makukua giraray kan Israel an dagang inagaw saiya.

Jeremias 6:1

Mga taga Benjamin, ligtasan nindo an saindong buhay! Maghale kamo sa Jerusalem! Patanoga an trompeta sa Tekoa asin pagmakot nin kalayo bilang tanda sa Bet-hakerem. Huli ta an kasakitan saka dakulang pagraot nagdadangadang hale sa amihan.

Jeremias 6:17

An Kagurangnan nagbugtak sa Israel nin mga bantay na saiyang tinaraman, “Dangogon nindo an tanog kan trompeta!” Alagad nagsabi sinda, “Dai mi iyan dadangogon.”

Ezekiel 7:14

Pinatanog na an trompeta asin nag-aandam na an gabos. Alagad mayo maski saro na maduman sa gera, huli ta madatong sa gabos an labi-labing kaanggotan nin Dios.

Oseas 5:8

Huyopa an trompeta nin gera sa Gibea! Patanoga an alarma sa Rama! Ipahayag an pakigera sa Bet-aven! Sa pakigera, mga lalaki nin Benjamin!

Levitico 23:24

“Sabihan mo an banwaan nin Israel na sa enot na aldaw kan ikapitong bulan, gigibohon an sarong aldaw nin solemning pahingalo, sarong pagiromdom na ipapahayag sa paagi kan tanog kan mga trompeta, sarong aldaw nin pagtiripon. Magtiripon kamo sa pagsamba kun madangog na nindo an tanog kan mga trompeta.

Amos 3:6

Dai daw natatakot an mga tawo kun pinapatanog an panggerang trompeta sa laog nin syudad? Minaabot daw an kapahamakan sa sarong syudad kun dai iyan ipinadara nin Kagurangnan?

Sofonias 1:16

aldaw nin pagtanog kan trompeta asin nin pagkurahaw para sa gera kan mga soldados na nagsasalakay sa pinapusog na mga syudad saka haralangkaw na mga tore.

Mga Bilang 31:6

Ipinadara sinda sa gera ni Moises sa pamamahala ni Finehas na aking lalaki kan pading si Eleazar. Siya man an namahala kan mga banal na kagamitan asin kan mga trompeta para sa alarma.

1 Corinto 14:8

Sa gera, kun an paratrompeta dai magpatanog nin malinaw, siisay an maandam sa pakilaban?

Deuteronomio 20:1

“Kun magluwas kamo sa pakigera sa saindong mga kaiwal, asin mahiling nindo na mas dakul ki sa saindo an saindang mga kabayo, karwahe asin hukbo, dai kamo matakot sa sainda; kaibahan nindo an Kagurangnan na saindong Dios na nagluwas saindo hale sa Egipto.

Josue 6:5

Dangan mapatanog sinda nin sarong halawig na tanog. Pagkadangog nindo kaiyan, makurahaw kamo gabos, asin marurumpag an gabos na kudal kan syudad. Dangan malaog sa syudad an bilog na hukbo.”

Hukom 10:12

mga taga Sidon, mga Amalekita, asin mga Maonita, dangan nag-agrangay kamo sako. Bakong ilinigtas ko kamo sainda?

Hukom 10:8

Sa laog nin dyes y otsong taon, pinasakitan ninda asin inapi an mga Israelita na nag-erok sa daga kan mga Amoreo na nasa sirangan kan Salog nin Jordan duman sa Gilead.

Hukom 2:18

Kun tinatawan nin Kagurangnan an Israel nin sarong hukom, iniibahan niya ini asin iliniligtas an mga tawo sa saindang mga kaiwal sagkod na buhay pa an hukom. Naheherak an Kagurangnan sainda huli ta minaagrangay sinda dahel sa kasakitan asin kaoripnan.

Hukom 3:27

Pag-abot niya duman sa mabulod na daga nin Efraim, pinatanog niya an trompeta tanganing apodon para sa pakilaban an kalalakihan nin Israel. Hale sa kabubuldan, pinangenotan niya sinda.

Hukom 6:34

Nagdatong ki Gideon an Espiritu nin Kagurangnan asin pinatanog niya an trompeta tanganing apodon an kalalakihan kan kamaganakan ni Abiezer na mag-iba saiya.

Hukom 6:9

ilinigtas ko kamo sa mga Egipcio asin sa mga tawong nakilaban saindo sa dagang ini. Pinaharale ko sinda sa pagdangadang nindo, asin itinao ko saindo an saindang daga.

1 Samuel 10:18

asin sinabihan, “Nagtaram an Kagurangnan, an Dios nin Israel, ‘Ilinuwas ko kamo sa Egipto asin ilinigtas sa mga Egipcio saka sa ibang mga banwaan na nagpasakit saindo.