Mga Bilang 10:33 - Marahay na Bareta Biblia

³³ Pakahale kan mga Israelita sa Sinai, an banal na bukid, tolong aldaw sindang naglakaw. Naenot sainda an Kaban nin Tipan nin Kagurangnan tanganing maghanap nin lugar na saindang mapapahingaloan.

Mga Bilang 10:33 ပူးပေါင်းရင်းမြစ်များ

Salmo 95:11

Kaya nagsumpa ako sa sakuyang kaanggotan, na dai nanggad sinda makakalaog sa sakong pahingaloan.”

Exodo 19:3

Nagtukad si Moises sa bukid tanganing tuparon an Dios. Inapod siya nin Kagurangnan hale sa bukid asin tinaraman, “Sabihan mo an mga kapagarakian ni Jacob, an banwaan nin Israel:

Exodo 3:1

Kan panahon na iyan si Moises iyo an nag-aataman kan mga karnero asin mga kanding kan panugangan niyang si Jetro, na padi kan Midian. Sarong aldaw, inalaw niya an mga hayop pasiring sa solnopan kan kalangtadan sagkod na nakaabot siya sa Sinai, an bukid nin Dios.

Isaias 11:10

Sa aldaw na iyan, an gamot ni Jesse matindog bilang sarong tanda para sa mga banwaan; hahanapon siya nin mga nasyon, asin magigin mamuraway an saiyang erokan.

Isaias 28:12

Kapahingaloan saka karangahan an inalok niya sa saindo, alagad habo kamong magdangog saiya.

Isaias 66:1

Nagsasabi an Kagurangnan, “An langit iyo an sakong trono asin an kinaban iyo an sakong tungtongan. Anong harong an pwede nindong itugdok para sako; saen na lugar ako magpapahingalo?

Jeremias 3:16

Dangan kun kamo dakul na nin marahay sa dagang iyan, dai na pag-oolayan kan mga tawo an manongod sa sakong Kaban nin Tipan. Dai na ninda ini iisipon, ni gigiromdomon; dai na ninda ini hihidawon. Dai na sinda magibo nin ibang kaban.

Jeremias 31:2

An mga tawong nakaligtas sa kagadanan naherakan ko sa desyerto. Kan an Israel maghanap nin kapahingaloan,

Jeremias 6:16

Nagtaram an Kagurangnan sa saiyang banwaan, “Tumindog kamo sa pinagsasangahan kan mga dalan saka magmasid kamo. Maghapot kamo kun saen an suanoy na mga agihan asin kun arin an pinakamarahay na dalan. Diyan kamo maglakaw, asin mabubuhay kamo sa katoninongan.” Alagad nagsabi sinda, “Dai kami maagi diyan!”

Ezekiel 20:6

Kan aldaw na idto nanuga ako na iluluwas ko sinda sa Egipto asin dadarahon sa dagang pinili ko para sainda, sarong mayaman na daga, an pinakamarahay sa gabos na daga.

Mga Bilang 10:12

Kaya naghale sa Sinai an mga Israelita asin nagpadagos sa pagbaklay. An panganoron nag-ontok sa kalangtadan nin Paran.

Deuteronomio 1:33

maski danay na nangenot siya saindo tanganing ihanap kamo nin lugar na tutugdokan kan saindong mga tolda saka tanganing itukdo niya saindo an dalan na aagihan, sa paagi nin hariging kalayo kun banggi, saka hariging panganoron kun aldaw.

Deuteronomio 31:26

“Kuahon nindo an librong ini nin katogonan asin ibugtak nindo sa kataed kan Kaban nin Tipan nin Kagurangnan na saindong Dios, tanganing danay na magsaksi laban sa saiyang banwaan.

Deuteronomio 9:9

Nagtukad ako sa bukid tanganing akoon an mga tablang gapo na nasusuratan kan tipan nin Kagurangnan sa saindo. Kwarentang aldaw asin banggi ako duman, na dai nagkakan o nag-inom nin ano man.

Hebreyo 13:20

An Dios iyo an nagbuhay liwat ki Jesus na satong Kagurangnan, an Dakulang Pastor kan mga karnero, na an dugo iyo an tanda kan daing kataposan na tipan.

Josue 4:7

sabihan nindo sinda na an tubig kan Jordan nag-ontok sa pagbulos kan magbalyo sa salog an Kaban nin Tipan nin Kagurangnan. An mga gapong iyan danay na magpapagiromdom sa mga Israelita kan nangyari digdi.”

Hukom 20:27

An Kaban nin Tipan nin Dios yaon kaidto sa Betel asin si Finehas na aking lalaki ni Eleazar asin makoapo ni Aaron iyo an nangangataman kaiyan. Naghapot sa Kagurangnan an mga tawo, “Makikilaban pa daw kami sa samong mga tugang na Benjaminita o dai na?” Nagsimbag an Kagurangnan, “Labanan nindo. Itatao ko saindo an kapangganahan sa aga.”

1 Samuel 4:3

Kan makabalik sa kampo an mga nagkatarada, nagsarabi an kamagurangan nin Israel, “Tadaw ta itinugot nin Kagurangnan na madaog kita ngunyan na aldaw kan mga Filisteo? Magduman kita sa Shilo asin kuahon ta an Kaban nin Tipan nin Kagurangnan tanganing ibahan niya kita asin iligtas sa satong mga kaiwal.”