Mga Bilang 10:2 - Marahay na Bareta Biblia

² “Gumibo ka nin duwang trompeta sa pinulpog na plata, na gagamiton mo sa pag-apod kan mga tawo tanganing magtiripon asin tanganing magpadagos sa pagbaklay.

Mga Bilang 10:2 ပူးပေါင်းရင်းမြစ်များ

2 Mga Hade 12:13

Alagad an kwartang ini dai ninda ibinabayad sa paggibo kan mga palangganang plata, pamalsok nin ilaw, mangko, trompeta o ano man na kasangkapan na bulawan o plata.

Salmo 81:3

Patanoga nindo an trompeta sa aldaw nin pyesta, kun gimata an bulan asin kun kabilogan kaiyan.

Salmo 89:15

Paladan an mga tawong nagsasamba saimo huli sa mga awit, na naglalakaw sa liwanag nin saimong lalawogon!

Exodo 25:18

Gumibo man kamo nin duwang kerubin sa pinulpog na bulawan,

Exodo 25:31

“Gumibo kamo nin sarong kandelerong purong bulawan; an bitis asin an kahawakan kaiyan gibohon nindo sa pinulpog na bulawan. Gibohon nindong saro sanang pedaso an kandelero sagkod an mga dekorasyon na burak, kaiba an mga bukol saka an mga petalo.

Isaias 1:13

Dai na kamo magdara nin mga dolot; nakakauyam para sako an insenso. An saimong mga pyesta: an bagong Bulan, an Sabbath, asin an banal mong mga pagtiripon— gabos iyan nadigtaan kan saimong mga kasalan.

Jeremias 4:5

Patanoga an trompeta sa bilog na daga! Pagkurahaw nin makosog saka malinaw! Sabihi an mga taga Juda asin mga taga Jerusalem na magdaralagan pasiring sa pinapusog na mga syudad.

Oseas 8:1

Nagsasabi an Kagurangnan, “Huyopa an trompeta huli ta nagdadangadang na sa sakong daga an mga kaiwal siring sa mga agila! Linapas kan sakong banwaan an sakong tipan, asin nagrebelde sinda tumang sa sakong katukdoan.

Joel 1:14

Magpaluwas kamo nin mga pagboot para sa pag-ayuno; patiripona an gabos na tawo! Tipona an mga lider asin an mga taga Juda sa laog kan Templo nin Kagurangnan na saindong Dios dangan mag-agrangay kamo saiya!

Joel 2:1

Huyopa an trompeta; patanoga an alarma sa Sion, an banal na bulod nin Dios. Pagtakig, banwaan nin Juda! Nagdadangadang na an aldaw nin Kagurangnan.

Mga Bilang 10:1

Nagtaram an Kagurangnan ki Moises,

Mga Bilang 10:7

alagad kun aapodon an bilog na komunidad, papatanogon nin sabay an duwang trompeta.

Efeso 4:5

May sarong Kagurangnan, sarong pagtubod, sarong bunyag;