Mga Bilang 10:12 - Marahay na Bareta Biblia

¹² Kaya naghale sa Sinai an mga Israelita asin nagpadagos sa pagbaklay. An panganoron nag-ontok sa kalangtadan nin Paran.

Mga Bilang 10:12 ပူးပေါင်းရင်းမြစ်များ

Genesis 14:6

asin an mga Horeo sa kabubuldan kan Edom, na saindang rinalamag sagkod sa El-paran na harani na sa desyerto.

Genesis 21:21

Ikinua siya kan saiyang ina nin sarong babaeng taga Egipto na magin saiyang agom.

1 Mga Hade 11:18

Hale sa Midian nagpasiring sinda sa Paran saen may nagkapirang lalaki na nag-apil sainda. Dangan nagpasiring na sinda sa Egipto, nagduman sa hade asin tinawan kan hade si Hadad nin daga, harong, saka pagkakan.

Exodo 13:20

Naghale sa Sukkot an mga Israelita asin nagkampo sa Etam na nasa tampi kan kalangtadan.

Habakkuk 3:3

Hale sa Edom madigdi giraray an Dios; hale sa kabubuldan nin Paran maabot an banal na Dios. Tinatahoban kan saiyang kamurawayan an kalangitan, asin an daga pano kan saiyang kaomawan.

Mga Bilang 1:1

Kan enot na aldaw kan ikaduwang bulan kan ikaduwang taon pakahale kan banwaan nin Israel sa Egipto, nagtaram an Kagurangnan ki Moises sa Tabernakulo duman sa Desyerto nin Sinai:

Mga Bilang 10:33

Pakahale kan mga Israelita sa Sinai, an banal na bukid, tolong aldaw sindang naglakaw. Naenot sainda an Kaban nin Tipan nin Kagurangnan tanganing maghanap nin lugar na saindang mapapahingaloan.

Mga Bilang 12:16

Dangan naghale an mga Israelita sa Hazerot asin nagkampo sa kalangtadan nin Paran.

Mga Bilang 13:26

ki Moises, ki Aaron asin sa bilog na komunidad nin Israel duman sa Kades sa kalangtadan nin Paran. Inosip ninda an saindang nahiling dangan ipinahiling ninda an mga dara nindang prutas.

Mga Bilang 13:3

Nagkuyog si Moises asin hale sa kalangtadan nin Paran nagpadara siya nin mga lider. Iyo ini an mga ngaran ninda: Tribu Pamayo Ruben si Sammua na aking lalaki ni Zaccur Simeon si Safat na aking lalaki ni Hori Juda si Caleb na aking lalaki ni Jefunne Issakar si Igal na aking lalaki ni Jose Efraim si Oseas na aking lalaki ni Nun Benjamin si Palti na aking lalaki ni Rafu Zabulon si Gaddiel na aking lalaki ni Sodi Manases si Gaddi na aking lalaki ni Susi Dan si Ammiel na aking lalaki ni Gemalli Aser si Setur na aking lalaki ni Miguel Neftali si Nabi na aking lalaki ni Vofsi Gad si Geuel na aking lalaki ni Maki

Mga Bilang 2:34

Kaya ginibo kan banwaan nin Israel an gabos na pagboot nin Kagurangnan ki Moises. Nagkampo sinda, an lambang saro sa irarom kan saiyang sadiring bandera, asin naglakaw sinda, an lambang saro kaibahan kan saiyang sadiring kamaganakan.

Mga Bilang 9:1

Kan enot na bulan kan ikaduwang taon pakahale kan mga Israelita sa Egipto, nagtaram an Kagurangnan ki Moises sa Desyerto nin Sinai,

Mga Bilang 9:17

Kun minaitaas an panganoron, minapadagos sa paglakaw an mga Israelita asin minakampo sinda sa lugar na iniibabaan kaiyan.

Mga Bilang 9:5

asin ginibo ninda iyan kan magsinarom na an ikakatorseng aldaw kan enot na bulan, duman sa Desyerto nin Sinai. An gabos ginibo kan mga Israelita sosog sa pagboot nin Kagurangnan ki Moises.

Deuteronomio 1:1

Iyo ini an mga ipinahayag ni Moises sa banwaan nin Israel kan yaon sinda duman sa kalangtadan, sa sirangan kan Salog nin Jordan. Nasa kapantayan sinda kan Jordan, harani sa Suf, sa pagultanan kan banwa nin Paran asin kan mga banwa nin Tofel, Laban, Hazerot, asin Dizahab. (

Deuteronomio 1:19

“Sinunod ta an pagboot nin Kagurangnan na satong Dios. Naghale kita sa Bukid nin Sinai asin naglakaw sa mahiwas asin makatakot na desyerto pasiring sa mabulod na daga kan mga Amoreo. Kan nakaabot kita sa Kades-barnea,

Deuteronomio 1:7

Maghale na kamo asin magpasiring sa mabulod na daga kan mga Amoreo asin sa gabos na rehiyon sa palibot—sa Kapantayan nin Jordan, sa kabubuldan asin mga kababan, sa habagat na parte kan daga nin Canaan, asin sa baybayon kan Mediteraneo. Magduman kamo sa daga nin Canaan, sa Lebanon, sagkod sa dakulang Salog nin Eufrates.

Deuteronomio 33:2

Naghilig hale sa Bukid nin Sinai an Kagurangnan; siring sa aldaw, nagsirang siya sa Edom asin nagliwanag hale sa Bukid nin Paran, kaiba an sampolong ribong mga anghel, na may naglalaad na kalayo sa too niyang kamot.

1 Samuel 25:1

Nagadan si Samuel asin nagtiripon an bilog na Israel; ipinagmondo ninda an saiyang pagkagadan. Dangan ilinubong siya sa saiyang harong sa Rama. Pakatapos kaini, nagpasiring si David sa kalangtadan nin Paran.