Mga Bilang 10:1 - Marahay na Bareta Biblia

¹ Nagtaram an Kagurangnan ki Moises,

Mga Bilang 10:1 ပူးပေါင်းရင်းမြစ်များ

Genesis 42:13

Nagsimbag sinda, “Dose kaming magturugang; mga aki nin saro sanang ama sa daga nin Canaan. Gadan na an saro ming tugang, asin an samong ngohod idtoon ngunyan sa kaibahan kan samong ama.”

Genesis 46:15

Ini an mga nagin aki ni Jacob ki Lea duman sa Mesopotamia; dai digdi kabilang an aki niyang babae na si Dina. Treynta y tres an bilang kan kapagarakian ni Jacob ki Lea.

2 Samuel 6:15

Sa siring na paagi, an Kaban nin Tipan dinara sa Jerusalem ni David asin kan bilog na Israel na nagkukurahaw sa kaogmahan asin nagpapatanog kan mga trompeta.

2 Mga Hade 11:14

Nahiling niya duman an bagong hade na nakatindog sa may harigi, sosog sa kaugalean, napapalibotan kan mga opisyal kan hukbo asin kan mga paratrompeta. An gabos na tawo maogmang nagkukurahaw saka nagpapatanog kan mga trompeta. Ginisi ni Atalia an saiyang gubing asin nagkurahaw, “Kapasaluiban! Kapasaluiban!”

2 Mga Cronica 23:13

Nahiling niya an bagong hade na nakatindog sa may harigi sa laogan kan Templo, napapalibotan kan mga opisyal kan hukbo saka kan mga paratrompeta. An gabos na tawo maogmang nagkukurahaw asin nagpapatanog kan mga trompeta, mantang an mga paratugtog sa Templo iyo an nangengenot sa selebrasyon. Ginisi ni Atalia an saiyang gubing asin nagkurahaw, “Kapasaluiban! Kapasaluiban!”

2 Mga Cronica 7:6

Nagtirindog an mga padi sa lugar na ipinanongod sainda, asin nakatindog na atubang sainda an mga Levita, na nag-omaw sa Kagurangnan sa paagi kan saindang mga instrumento dangan inawit ninda an imnong, “An Saiyang Pagkamoot Mayo Nin Kataposan,” sosog sa ipinagibo sainda ni David. Pinatanog kan mga padi an mga trompeta mantang nakatindog an gabos na tawo.

Esdras 3:10

Kan ibugtak kan mga paratugdok an pundasyon kan Templo nin Kagurangnan, an mga padi na nakasulot kan gubing na pangpadi saka may kapot na mga trumpeta, an mga Levita asin an kamaganakan ni Asaf nagpaenotan na may darang mga gimbal, tanganing omawon an Kagurangnan sosog sa katukdoan ni David na hade nin Israel.

Salmo 47:5

An Dios suminakat kaiba an kinurahaw, an Kagurangnan kaiba an tanog nin trompeta.

Salmo 81:3

Patanoga nindo an trompeta sa aldaw nin pyesta, kun gimata an bulan asin kun kabilogan kaiyan.

Salmo 98:6

Patanogon an mga trompeta asin an mga hamodyong; maogmang magkurahaw sa Kagurangnan na satuyang hade.

Mga Bilang 1:52

Itutugdok kan ibang mga Israelita an saindang mga tolda, an lambang saro sosog sa saiyang tribu, sa tamang kampo asin sa irarom kan sadiring bandera.

Mga Bilang 10:2

“Gumibo ka nin duwang trompeta sa pinulpog na plata, na gagamiton mo sa pag-apod kan mga tawo tanganing magtiripon asin tanganing magpadagos sa pagbaklay.

Mga Bilang 29:1

Sa enot na aldaw kan ikapitong bulan magtiripon kamo sa pagsamba asin dai kamo magtrabaho. Papatanogon an mga trompeta sa aldaw na iyan.

Mga Bilang 7:2

An mga lider nin Israel, na mga pamayo kan saindang mga kamaganakan asin nagtarabang sa pagkua kan senso,

Mga Bilang 9:23

Minaontok sinda asin minapadagos sa pagbaklay sa pagkuyog kan mga pagboot na itinao nin Kagurangnan sa paagi ni Moises.

Mateo 24:31

Matanog nin makosog an trompeta, dangan susugoon niya an saiyang mga anghel sa pagtipon kan saiyang mga pinili hale sa apat na kanto kan kadagaan, poon sa sarong poro kan kinaban sagkod sa ibong na poro.

Josue 6:4

Mangengenot sa Kaban nin Tipan an pitong padi, na an lambang saro may darang trompeta. Sa ikapitong aldaw, mamartsa ka asin an saimong mga soldados nin pitong beses sa palibot kan syudad mantang pinapatanog kan mga padi an saindang mga trompeta.

Kapahayagan 8:2

Dangan nahiling ko an pitong anghel na nagtitindog sa atubang nin Dios; tinawan sinda nin pitong trompeta.

Hukom 7:20

Inarog sinda kan duwa pang grupo. Kapot ninda gabos sa saindang mga walang kamot an mga karaba, asin sa too an saindang mga trompeta. Nagkurahaw sinda gabos, “Sarong espada para sa Kagurangnan asin para ki Gideon!”