Mga Bilang 1:50 - Marahay na Bareta Biblia

⁵⁰ kundi gibohon mo sindang paraataman kan Tabernakulo asin kan mga kagamitan kaini; sinda an madara kan Tabernakulo sagkod kan mga kagamitan kaiyan, maglilingkod diyan patin makampo sa palibot kaiyan.

Mga Bilang 1:50 ပူးပေါင်းရင်းမြစ်များ

2 Mga Cronica 24:6

kaya ipinaapod ni Joas si Jehoiada na saindang pamayo asin sinabihan, “Tano ta dai mo pinagbotan an mga Levita na kolektahon sa mga taga Juda asin Jerusalem an buhis para sa Tabernakulo, buhis na ipinagboot ni Moises, na sorogoon nin Kagurangnan?” (

Nehemias 12:22

Igwa nin nakasaray na listahan kan mga pamilya kan mga padi saka Levita sa bilog na pagkabuhay kan mga Halangkaw na Padi na si Eliasib, Jehoiada, Jonatan, asin Jaddua. Natapos an listahan na ini kan si Dario iyo an emperador nin Persia.

Nehemias 12:47

Kan panahon ni Zerubabel asin kan panahon ni Nehemias, an bilog na banwaan nin Israel aroaldaw nagtatao nin mga regalo para sa mga parakanta asin para sa mga bantay kan Templo. Nagtao man sinda nin sagradong dolot sa mga Levita, asin an mga ini nagtao kan maninigong kahirasan para sa mga padi.

Nehemias 12:8

An mga Levita: An minasuronod iyo an namamahala kan pag-awit nin pasasalamat: si Jesua, Binnui, Kadmiel, Serebias, Juda, asin Matanias.

Nehemias 13:22

Pinagbotan ko an mga Levita na maglinig kan sadiri dangan magduman saka magbantay sa mga trangkahan tanganing mapabanal nanggad an Sabbath. Giromdoma ako, Dios ko, para sa bagay na ini, asin iligtas mo ako sosog sa kadakulaan kan danay mong pagkamoot.

Nehemias 13:5

Tinugotan niya si Tobias na gamiton an sarong kwarto na sarayan kaidto kan mga dolot na pagkakan saka insenso, kan kagamitan sa Templo, kan mga dolot para sa mga padi, saka kan mga tinagba nin trigo, arak patin lana nin oliba na itinao sa mga Levita, sa mga parakanta asin sa mga bantay sa Templo.

Salmo 122:4

Duman minaturukad an mga tribu, an mga tribu nin Kagurangnan, tanganing duman magpasalamat sa Kagurangnan sosog sa togon na itinao niya sa Israel.

Exodo 31:18

Pakataram nin Dios ki Moises duman sa Bukid nin Sinai, itinao niya ki Moises an duwang tablang gapo na sinuratan niya mismo kan mga togon.

Exodo 38:21

Uya an lista kan kantidad kan mga metal na ginamit sa Tabernakulo, na sinarayan kan duwang tablang gapo na sinuratan kan Sampolong Togon. An paglista ipinagboot ni Moises asin ginibo kan mga Levita na nagtrabaho sa irarom kan pamamahala ni Itamar na aki ni Aaron na padi.

Mga Bilang 1:53

Alagad an mga Levita makampo sa palibot kan Tabernakulo sa pagbantay kaiyan, tanganing mayo nin makadolok diyan na magigin dahelan kan pagkaanggot ko sa bilog na komunidad nin Israel.”

Mga Bilang 10:21

Masunod an mga Levitang kamaganakan ni Kohat na dara an mga sagradong bagay. Pag-abot ninda sa bagong kampo, napatindog na an Tabernakulo.

Mga Bilang 17:7

Ibinugtak ni Moises an mga sugkod sa atubangan kan Kaban nin Tipan sa laog kan Tabernakulo.

Mga Bilang 18:5

Ika asin an saimong mga aki iyo sana an magibo kan katongdan para sa Banal na Lugar asin sa altar tanganing an sakong kaanggotan dai mag-abot sa banwaan nin Israel.

Mga Bilang 2:17

Dangan sa pagultanan kan enot na duwang dibisyon saka kan duwang nasa hurihan, malakaw an mga Levita dara an Tabernakulo. Kun ano an kamugtakan kan mga dibisyon sa saindang pagkampo, siring man an magigin orden ninda sa paglakaw. An lambang dibisyon nagsusunod sa saiyang bandera.

Mga Bilang 20:11

Pakasabi kaini, itinaas ni Moises an sugkod dangan binadolan nin duwang beses an gapo. Luminuwas an kadakul na tubig; nag-inom an gabos na tawo saka hayop.

Mga Bilang 4:15

Kun mahale na sinda sa saindang pinagkakampohan pakatapos na mapatos ni Aaron saka kan saiyang mga aki an mga kagamitan sa Tabernakulo, madolok an kamaganakan ni Kohat tanganing darahon an mga sagradong bagay. Alagad dai ninda dapat dutaan an mga iyan tanganing dai sinda magadan. Iyo iyan an magigin katongdan kan kamaganakan ni Kohat kun liniliwat an Tabernakulo.

Mga Bilang 4:3

magpoon sa edad na treynta sagkod sa singkwentang taon, na gabos maninigong maglingkod sa Tabernakulo.

Mga Bilang 8:19

asin itinatao ko sinda ki Aaron saka sa mga aki niya, bilang sarong regalo na gikan sa mga Israelita, tanganing maglingkod sa Tabernakulo para sa banwaan nin Israel, asin tanganing ikalikay an mga Israelita sa maraot na mangyayari kun magrani sinda sa Banal na Lugar.”

Mga Bilang 8:20

Kaya an mga Levita kinonsagra ni Moises, ni Aaron asin kan bilog na banwaan nin Israel, sosog sa pagboot nin Kagurangnan ki Moises.

Mga Bilang 8:22

Sinunod kan mga tawo an gabos na ipinagboot nin Kagurangnan ki Moises manongod sa mga Levita. Pakatapos, ginibo kan mga Levita an saindang katongdan sa Tabernakulo bilang mga katabang ni Aaron sagkod kan mga aki niya.

Kapahayagan 15:5

Pakatapos kaini, nahiling kong nabuksan an templo sa langit; sa laog kaiyan nahiling ko an Tolda nin Patotoo.