Mateo 9:31 - Marahay na Bareta Biblia

³¹ Alagad kan makahale na sinda, ipinamareta ninda sa bilog na distritong idto an ginibo sainda ni Jesus.

Mateo 9:31 ပူးပေါင်းရင်းမြစ်များ

Mateo 14:1

Kan panahon na iyan, nabaretaan ni Herodes, na kagsakop kan Galilea, an kabantogan ni Jesus.

Mateo 28:15

Kinua kan mga bantay an kwarta saka ginibo ninda an sinabi sainda. Sagkod ngunyan siring kaiyan an sinasabi kan mga Judio.

Mateo 4:24

Nabantog siya sagkod sa Siria, kaya ipinabolong ninda saiya an gabos na may helang asin may kamatean: mga may demonyo, mga epileptiko asin mga paralitiko. Pinaomayan niya sinda gabos.

Mateo 9:26

An bareta dapit kan nangyaring ini nakalakop sa bilog na distritong idto.

Markos 1:28

An bareta dapit ki Jesus nakalakop sa bilog na rehiyon nin Galilea.

Markos 7:36

Pinagbotan sinda gabos ni Jesus na dai idto ipang-osip; alagad kun kasuarin logod sinda pinagbotan na dai mang-osip, lalo man logod nindang ipinamareta idto.

Lukas 4:14

Nagbalik si Jesus sa Galilea pano kan kapangyarihan nin Espiritu Santo. Nakalakop sa bilog na teritoryong idto an bareta dapit saiya.

Lukas 4:37

An bareta dapit ki Jesus nakalakop sa bilog na rehiyon na idto.

Lukas 5:15

Alagad orog na nakabalangibog an bareta dapit ki Jesus. Orog man na nagdakul an mga tawong nagduman sa paghinanyog saiya asin sa pagpabolong kan saindang mga kahelangan.

Lukas 7:17

An baretang ini dapit ki Jesus nakalakop sa bilog na Judea asin sa mga teritoryo na nasa palibot.