Mateo 9:11 - Marahay na Bareta Biblia

¹¹ Nahiling ini kan nagkapirang mga Fariseo kaya hinapot ninda an mga disipulo, “Tadaw ta an saindong maestro nagkakakan kasabay kan mga parasingil nin buhis saka mga parakasala?”

Mateo 9:11 ပူးပေါင်းရင်းမြစ်များ

Isaias 65:5

Dangan minasabi sindang, ‘Magrayo kamo samo. Mga banal kami asin dai kami dapat na madutaan nindo!’ Dai ko maaako an mga tawong siring kaiyan—an sakong kaanggotan tumang sainda nakakaagid sa sarong kalayo na dai napapalsok.

Mateo 11:19

Kan an Aki nin Tawo an nagdigdi, nagkakan siya asin nag-inom, alagad nagsabi an mga tawo, ‘Hilinga saro siyang paslo, paraburat, katood kan mga parasingil nin buhis saka mga parakasala!’ Alagad an kadonongan nin Dios napapatotoohan kan saiyang mga gibo.”

Mateo 5:46

Kun namomotan nindo an mga namomoot sana saindo, ano pang balos an hinahalat nindo? Bakong arog man kaiyan an ginigibo kan mga parasingil nin buhis?

Mateo 9:10

Kan nagkakakan si Jesus sa saiyang harong, nag-abot an dakul na parasingil nin buhis asin mga parakasala. Nagsabay sinda ki Jesus asin sa saiyang mga disipulo sa pagkakan.

Markos 2:16

Nagkapirang paratukdo kan Katogonan, na mga Fariseo, pakahiling ki Jesus na nagkakakan kasabay an mga parasingil nin buhis saka mga parakasala, nagsabi sa mga disipulo ni Jesus, “Tadaw ta nagkakakan siya sa kaibahan nin mga parasingil nin buhis saka mga parakasala?”

Lukas 19:7

Kan mahiling ini kan mga tawo, naggurumod-gumod sinda, “An tawong ini nakikidagos sa harong nin sarong parakasala.”

Lukas 5:30

An nagkapirang Fariseo asin paratukdo kan Katogonan na kaayon ninda nagreklamo tumang sa mga disipulo ni Jesus, “Tadaw ta nagkakakan kamo asin nag-iinom kaiba kan mga parasingil nin buhis asin mga parakasala?”

Mga Gibo 11:3

Nagsabi sinda, “Tadaw ta nakidagos ka sa mga tawong bakong sirkomsisyon asin nakikakan sainda?”

Galacia 2:15

Totoo mananggad na namundag kitang Judio; dai kita namundag na inaapod “parakasalang pagano.”

Hebreyo 5:2

Mahuyo niyang matitios an mga mangmang saka an mga nalalagalag huli ta siya igwa man nin mga kaluyahan.

2 Juan 1:10

Kaya kun may magdiyan saindo na mayo kan katukdoan na ini, dai nindo siya pag-akoon sa saindong erokan o pagkomustahon.