Mateo 8:34 - Marahay na Bareta Biblia

³⁴ Kaya sinabat si Jesus kan gabos na tawo sa banwaan na idto. Nakimaherak sinda na maghale siya sa saindang teritoryo.

Mateo 8:34 ပူးပေါင်းရင်းမြစ်များ

1 Mga Hade 17:18

Sinabihan kan babaeng balo si Elias, “Sorogoon nin Dios, tadaw ta ginibo mo ini sako? Nagdigdi ka daw tanganing ipagiromdom sa Dios an sakong mga kasalan asin magin dahelan kan pagkagadan kan sakong aking lalaki?”

1 Mga Hade 18:17

Pakahiling ni Ahab ki Elias, nagsabi siya, “Uya ka palan—an pinakamaraot na paraparibok sa Israel?”

An Libro ni Job 21:14

“Sinasabihan ninda an Dios, ‘Humale ka samo. Dai nyamo mawot na maaraman an saimong kabotan.

An Libro ni Job 22:17

Iyo ini an mga tawong nagsikwal sa Dios asin nagtubod na mayo siyang magigibo sainda.

Amos 7:12

Pakatapos, sinabihan ni Amazias si Amos, “Omontok ka na, propeta! Magbalik ka sa Juda asin duman ka magpabayad sa saimong paghuhulit.

Mateo 8:29

Bigla sindang nagkurahaw, “Aki nin Dios, ano an pakilabot mo samo? Nagdigdi ka tanganing padusahan kami maski bako pang panahon?”

Lukas 5:8

Kan mahiling ni Simon Pedro an nangyaring ini, nagluhod siya sa atubangan ni Jesus asin nagsabi, “Rumayo ka sako, Kagurangnan, huli ta saro akong makasalan!”

Lukas 8:28

Pakahiling ki Jesus, nagkurahaw an lalaki, nagdapa sa atubangan niya asin makosog na nagsabi, “Jesus, Aki nin Kahorohalangkaweng Dios, ano an pakilabot mo sako? Nakikiolay ako saimo, dai mo ako pagpasakitan!”

Mga Gibo 16:39

Kaya nagduman sinda saka naghagad nin tawad ki Pablo asin ki Silas. Pinaluwas ninda an duwa dangan pinakiolayan na humale na sa syudad.

Deuteronomio 5:25

Alagad tano ta mapagadan kita? Tututongon kita kan makatakot na kalayong iyan. Magagadan nanggad kita kun madangog pa nyatong magtaram an Kagurangnan na satuyang Dios.

1 Samuel 16:4

Kinuyog ni Samuel an ipinagboot saiya nin Kagurangnan; nagduman siya sa Betlehem. Nagtatarakig na nagsabat saiya an kamagurangan kan syudad, asin nagharapot, “Nagdigdi ka daw sa katoninongan?”