Mateo 8:26 - Marahay na Bareta Biblia

²⁶ Sinabihan sinda ni Jesus, “Tadaw ta natatakot kamo? Mga maluya an pagtubod!” Nagbangon si Jesus, pinagbotan niyang magkalma an doros saka an alon, dangan nagkaigwa nin dakulang katoninongan.

Mateo 8:26 ပူးပေါင်းရင်းမြစ်များ

Salmo 65:7

Pinapaontok mo an ribok nin kadagatan, an hagubohob kan mga alon, an karibokan nin mga tawo.

Salmo 89:9

Nasasakopan mo an kosog kan dagat; pinapatoninong mo an anggot kaining mga alon.

Isaias 63:12

Haen na an Kagurangnan na sa paagi kan saiyang kapangyarihan, naggibo nin darakulang bagay huli ki Moises, na nagbanga kan tubig kan dagat asin nangenot sa saiyang banwaan sa hararom na tubig, saka nagkamit nin daing tapos na kabantogan?” Sa pangenot nin Kagurangnan, maliksing naglakaw an mga Israelita siring sa mga maliksing lalaw na kabayo sa desyerto, asin dai sinda nagkaturumba.

Nahum 1:4

Pinagbobotan niya an dagat, asin minamara iyan! Pinapamara niya an mga salog. Naluluyos an kaomahan nin Basan, an Bukid nin Carmelo siring man, asin nawawara an mga burak nin Lebanon.

Habakkuk 3:8

An mga salog daw an dahelan kan pagkaanggot mo, Kagurangnan? An dagat daw an dahelan kan saimong labi-labing kaanggotan? Naglunad ka sa mga panganoron; an panganoron nin bagyo an saimong karwahe, kan darahan mo nin kapangganahan an saimong banwaan.

Mateo 16:8

Aram ni Jesus kun ano an pinag-oolayan ninda, kaya naghapot siya, “Tadaw ta pinag-oolayan nindo na nakalingaw kamong magdara nin tinapay? Maluya an saindong pagtubod!

Mateo 17:20

“Huli ta kulang an pagtubod nindo,” an simbag ni Jesus. “Sa katotoohan sinasabihan ko kamo, kun igwa kamo nin pagtubod na arog kan pisog nin mustasa, pwede nindong sabihon sa bulod na ini, ‘Dumuman ka sa sarong lugar’, asin maduman iyan! Mayong magigin imposible saindo. (

Mateo 6:30

Ginugubingan ngani nin Dios an mga doot na buhay ngunyan alagad pagkaaga sinusulo, kamo pa daw an dai niya gubingan? Mga maluya an pagtubod!

Mateo 8:27

Nagngalas sinda gabos. “Anong klaseng tawo ini na kinukuyog maski kan doros saka dagat?” an sabi ninda.

Lukas 4:35

Alagad sinaway ni Jesus an demonyo, “Dai ka magribok! Lumuwas ka sa tawong iyan!” Sa atubangan ninda gabos ilinampog kan demonyo an lalaki, dangan nagluwas sa tawong ini na dai man lamang ini nakulogan.

Roma 4:20

Dai nagluya an saiyang pagtubod manongod sa panuga nin Dios. Nagin makosog siya sa pagtubod asin inomaw niya an Dios.

Kapahayagan 10:2

May nakakapotan siyang sarong sadit na libro na nabibiklad. Itinungtong niya an saiyang toong bitis sa dagat asin an saiyang walang bitis sa daga,