Mateo 8:20 - Marahay na Bareta Biblia

²⁰ Sinabihan siya ni Jesus, “An mga amid may mga kalot asin an mga gamgam may mga salagan, alagad an Aki nin Tawo mayo nin mahihigdaan.”

Mateo 8:20 ပူးပေါင်းရင်းမြစ်များ

Salmo 104:12

Sa mga kahoy na harani sainda, naggigibo nin salagan an mga gamgam asin nag-aawit sa kaogmahan.

Salmo 104:17

Duman minagibo nin salagan an mga gamgam; sa kahoy na aguho igwa nin harong an kalaw.

Salmo 109:22

Ako dukha asin mayong sukat; nakukulogan nin makuri an puso ko.

Salmo 40:17

Maluya ako saka dukha, Kagurangnan, alagad dai mo linilingawan. Ika an sakuyang tabang asin paraligtas; hare paghaloy, O sakuyang Dios!

Salmo 69:29

Alagad ako nasasakitan asin nakukulogan; O Dios, iitaas logod ako kan saimong kaligtasan!

Salmo 84:3

Maski an dignos nakakakua nin harong, asin an balinsayawan nakakakua nin sadiring salagan para sa saiyang mga siwo, diyan sa harani kan saimong mga altar, O Kagurangnan nin mga hukbo, sakong Hade asin sakong Dios.

Daniel 7:13

Sa bisyon na ini sa pagkabanggi, nahiling ko an sarong garo tawo. Nagrarani siya sako, napapatos nin panganoron, asin nagduman siya sa danay na buhay, dangan ipinamidbid sa saiya.

Mateo 12:32

An magtaram nin anoman tumang sa Aki nin Tawo, papatawadon; alagad an magtaram tumang sa Espiritu Santo dai nanggad papatawadon—ngunyan o sagkod pa man.

Mateo 12:40

Siring na si Jonas tolong aldaw asin tolong banggi sa tulak nin balyena, siring man an Aki nin Tawo tolong aldaw asin tolong banggi sa irarom kan daga.

Mateo 12:8

Huli ta an Aki nin Tawo iyo an Kagurangnan kan Sabbath.”

Mateo 13:37

Nagsabi si Jesus, “An nagsabwag kan marahay na banhi iyo an Aki nin Tawo;

Mateo 16:13

Nagduman si Jesus sa distrito nin Cesarea Filipos, saen hinapot niya an saiyang mga disipulo, “Ano an sabi kan mga tawo, siisay daa an Aki nin Tawo?”

Mateo 16:27

Huli ta maabot an Aki nin Tawo sa kamurawayan nin saiyang Ama kaiba an mga anghel, asin babalosan niya an lambang saro sosog sa saiyang mga naginibo.

Mateo 17:9

Mantang naglulugsot sinda sa bukid, pinagbotan sinda ni Jesus, “Dai nindo ipang-osip sa kiisay man an nahiling nindo sagkod na an Aki nin Tawo mabuhay liwat.”

Mateo 19:28

Nagsimbag si Jesus, “Sa katotoohan sinasabihan ko kamo, sa Bagong Kinaban, kun an Aki nin Tawo magtukaw na sa saiyang mamurawayon na trono, kamo na mga disipulo ko matukaw man sa doseng trono, sa paghukom kan doseng tribu nin Israel.

Markos 8:38

An siisay man na ikasopog ako asin an mga katukdoan ko sa atubang kan mga tawong masombikal asin parakasala, ikakasopog man kan Aki nin Tawo sa aldaw nin saiyang pagdatong sa kamurawayan nin saiyang Ama kaiba an mga banal na anghel.”

Lukas 12:8

“Sinasabihan ko kamo, an siisay man na magmidbid sako sa atubangan nin mga tawo, mimidbidon man kan Aki nin Tawo sa atubangan kan mga anghel nin Dios;

Lukas 18:8

Alagad pagdigdi kan Aki nin Tawo, makakakua daw siya nin pagtubod sa kinaban?”

Lukas 2:12

Ini an tanda para saindo: makukua nindo an sarong omboy na napapatos nin lampin asin nahuhulid sa sarong bahugan.”

Lukas 2:16

Kaya hidali sindang nagduman. Nakua ninda si Maria, si Jose saka an omboy na nahuhulid sa bahugan.

Lukas 2:7

Nangaki siya kan saiyang panganay na lalaki. Pinatos niya nin lampin an omboy saka hinulid sa sarong bahugan, huli ta mayo na nin lugar para sainda sa harong na sakatan.

Lukas 21:36

Kaya magpuka kamo sa gabos na oras; danay kamong mamibi na magkaigwa kamo nin kosog tanganing makaligtas kamo sa gabos na mangyayaring iyan, dangan makaatubang kamo sa Aki nin Tawo.”

Lukas 8:3

si Juana na agom ni Chuza na parapamahala ni Herodes; si Susana saka dakul pang mga babae. Gabos sinda nagtabang ki Jesus asin sa mga disipulo hale sa sadiri nindang mga pagsadiri.

Lukas 9:58

Sinabihan siya ni Jesus, “An mga amid may mga kalot asin an mga gamgam may mga salagan, alagad an Aki nin Tawo mayo nin mahihigdaan.”

Juan 1:51

Nagsabi pa si Jesus, “Sa katotoohan sinasabihan ko kamo, mahihiling nindo an langit na mabuka, asin an mga anghel nin Dios na nagsasakat saka naghihilig sa Aki nin Tawo!”

Juan 12:34

Nagsimbag an mga tawo, “Sinasabi sa Katogonan na an Cristo magdadanay sagkod pa man. Tadaw ta sinasabi mong dapat iitaas an Aki nin Tawo? Siisay ining Aki nin Tawo?”

Juan 13:31

Pakahale ni Judas, nagsabi si Jesus, “Ngunyan pinapamuraway an Aki nin Tawo, asin sa saiya napapamuraway an Dios.

Juan 3:13

Mayo pa nin nakasakat sa langit kundi an Aki nin Tawo na naghilig hale sa langit.”

Juan 3:14

Siring na initaas ni Moises an bronseng halas sa sarong palo duman sa kalangtadan, siring man kaipuhan na iitaas an Aki nin Tawo,

Juan 6:27

Dai kamo magpagal para sa kakanon na nalalapa, kundi para sa kakanon na nagdadanay sagkod sa buhay na daing kataposan, na itatao saindo kan Aki nin Tawo; huli ta sa saiya ibinugtak kan Dios Ama an saiyang tanda.”

Juan 6:53

Kaya nagsabi si Jesus, “Sa katotoohan sinasabihan ko kamo, kun dai kamo magkakan kan hawak kan Aki nin Tawo asin mag-inom kan dugo niya, dai kamo magkakaigwa nin buhay.

Juan 6:62

Ano daw kun mahiling nindong nagsasakat an Aki nin Tawo paduman sa dati niyang erokan?

Mga Gibo 7:56

Dangan nagtaram siya, “Hilinga nindo! Nahihiling kong nagbukas an kalangitan, asin an Aki nin Tawo nagtitindog sa too nin Dios!”

2 Corinto 8:9

Aram nindo an biyaya ni Jesu-Cristo na satong Kagurangnan: maski siya mayaman, nagpakadukha siya dahel saindo, tanganing magin mayaman kamo sa saiyang kadukhaan.