Mateo 7:6 - Marahay na Bareta Biblia

⁶ “Dai nindo ipagtao an bagay na banal sa mga ayam ta tibaad kagaton kamo; dai nindo ipag-apon an saindong mga perlas sa mga orig ta tibaad timak-timakan ninda an mga iyan.

Mateo 7:6 ပူးပေါင်းရင်းမြစ်များ

Mga Talinhaga 11:22

An gayon kan babaeng mayo nin marahay na isip nakakaarog sa bulawan na singsing sa dungo kan orig.

Mga Talinhaga 23:9

Dai ka makipag-olay sa lolong manongod sa kadonongan; dai niya iyan masasabotan.

Mga Talinhaga 26:11

An lolong na minagibo liwat kan parehong kalolongan garo man sana ayam na minabalik sa saiyang isinuka.

Mga Talinhaga 26:4

Dai ka magsimbag sa lolong sosog sa saiyang kalolongan ta tibaad magin siring ka man saiya.

Mateo 15:26

Nagsimbag si Jesus, “Bakong tama na ibahog sa mga ayam an kakanon kan mga aki.”

Mateo 24:10

Sa panahon na iyan, dakul an mawawaraan kan saindang pagtubod; an lambang saro magpapasaluib asin maoongis sa saiyang kapwa.

Mateo 7:5

Parasagin-sagin! Halea ngona an dakulang ati sa mata mo tanganing makahiling ka nin marahay; dangan pwede mo nang mahale an sadit na ati sa mata kan saimong tugang.

2 Corinto 11:26

Sa mga pagbyahe ko, nasa pag-alaman ako sa mga baha, mga tulisan, sa mga kapwa ko Judio saka sa mga pagano. Nasa pag-alaman an buhay ko sa mga syudad, kalangtadan, kadagatan, saka sa mga bakong tunay na katood.

Filipos 3:2

Maglikay kamo sa mga tawong maraot an gibo, sa garo mga ayam, sa mga nag-iinsistir kan paglugad sa hawak.

Hebreyo 10:29

Kun siring, ano an mangyayari sa tawong nag-olog-olog kan Aki nin Dios, saka nagbasang-basang kan dugo kan tipan nin Dios na naglinig saiya, patin nag-insulto kan Espiritu nin biyaya? Isip-isipa kun gurano kagabat an padusa na itatao saiya!

Hebreyo 6:6

Kaya kun nagbaya sinda sa pagtubod, masakit nang mapabalik pa sinda sa pagsolsol, huli ta sinda mismo an nagpapako giraray sa krus kan Aki nin Dios saka hayag na nag-oolog-olog saiya.

2 Pedro 2:22

An nangyari saiya nagpapatotoo sa kasabihan, “An ayam minabalik giraray sa isinuka niya,” asin “An orig na lininigan na, minaligid sa lamaw.”

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.