Mateo 7:26 - Marahay na Bareta Biblia

²⁶ An nagdadangog kaining mga itinaram ko alagad dai nagkukuyog kaiyan, nakakaagid sa tawong lolong na nagtugdok kan harong niya sa baybay.

Mateo 7:26 ပူးပေါင်းရင်းမြစ်များ

An Libro ni Job 22:16

Bago nag-abot an saindang panahon, inanod sinda kan sarong baha.

Mga Talinhaga 14:1

An madonong na babae nagpapatindog kan saiyang harong, alagad nararaot iyan huli sa kalolongan.

Jeremias 8:9

Napapasopog an mga madonong nindang tawo; nariribong sinda saka nasisiod. Isinikwal ninda an mga tataramon ko; anong kadonongan an yaon pa sainda ngunyan?

Mateo 7:24

“An nagdadangog asin nagkukuyog kaining mga itinaram ko nakakaagid sa madonong na tawong nagtugdok kan harong niya sa gapo.

Mateo 7:25

Nag-uran nin makosog, nagbaha dangan hinampas nin makosog na doros an harong na iyan, alagad dai narumpag dahel ta itinugdok iyan sa gapo.

Mateo 7:27

Nag-uran nin makosog, nagbaha, hinampas nin makosog na doros an harong asin narumpag iyan. Grabe an pagkarumpag kaiyan!”

Lukas 6:49

Alagad an nagdadangog kan sakong mga tataramon saka dai nagkukuyog kaiyan, kaagid sa sarong tawo na nagtugdok nin harong alagad dai nagbugtak nin pundasyon. Pagbaha, hinampas kan tubig an harong asin narumpag tolos—grabe an pagkarumpag kaiyan!”

Santiago 2:20

Boot mong maaraman, o tawong lolong, na gadan an pagtubod na mayong gibo?

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.