Mateo 7:2 - Marahay na Bareta Biblia

² Huli ta huhusgaran kamo nin Dios siring kan paghusgar nindo; kun ano an sukol na ginagamit nindo, iyo man an gagamiton saindo.

Mateo 7:2 ပူးပေါင်းရင်းမြစ်များ

2 Samuel 21:5

Nagsimbag sinda, “Boot ni Saul na gadanon kami asin mayo nin itadang buhay saen man sa Israel.

Salmo 109:17

Nawili siyang magmaldisyon; maldisyonon logod siya! Habo siya nin bendisyon; magharayo logod ini saiya!

Exodo 21:24

mata sa mata, ngipon sa ngipon, kamot sa kamot, bitis sa bitis,

Isaias 33:1

Herak man sa samong mga kaiwal! Nanghabon saka nagpasaluib sinda, maski mayo nin nanghabon asin nagpasaluib sainda. Alagad matatapos na an panahon kan saindang panghahabon asin pagpapasaluib; sinda mismo an magigin biktima nin panghabon asin pagpasaluib.

Jeremias 34:17

Kaya ako, an Kagurangnan, nagsasabi na nagsuway kamo sako; dai nindo itinao sa kapwa nindo Israelita an saindang katalingkasan. Huli kaini, itatao ko saindo an katalingkasan: an katalingkasan na magadan sa gera, peste, asin gutom. Gigibohon ko kamong sarong katakotan sa gabos na nasyon sa kinaban.

Jeremias 51:24

Nagsasabi an Kagurangnan, “Papadusahan ko sa atubangan nindo an Babilonia saka an mga namamanwaan niya huli kan gabos na karatan na ginibo niya sa Sion.

Obadias 1:15

“Harani na an aldaw na ako, an Kagurangnan, mahukom sa mga nasyon. Edom, an ginibo mo iyo man an gigibohon saimo. Ibabalik saimo an itinao mo.

Mateo 6:14

“Kun pinapatawad nindo an mga nagkasala saindo, papatawadon man kamo kan saindong langitnon na Ama.

Markos 4:24

Nagtaram pa siya sainda, “Pakatandaan nindo an saindong nadadangog! An sukol na ginagamit nindo sa iba, iyo man an gagamiton nin Dios saindo, asin orog pa.

Lukas 6:38

Magtao kamo asin tatawan man kamo nin Dios; tamang takad, dasok, yinogyog asin nagsusupay an itatao saindo. Kun ano an sukol na ginamit nindo, iyo man an gagamiton saindo nin Dios.”

2 Corinto 9:6

Giromdoma nindo ini: an nagtatanom nin dikit, dikit man an aanihon; an nagtatanom nin dakul, dakul man an aanihon.

Santiago 2:13

Huli ta an mga bakong maheherakon, mayong pagkaherak na huhukoman nin Dios; alagad an mga maheherakon, maheherakan man sa oras nin paghukom.

Kapahayagan 18:6

Gibohon nindo saiya an ginibo niya saindo; baloson nindo nin doble an saiyang ginibo. An saiyang kopa panoon nindo nin inomon na doble an isog ki kan inandam niyang inomon para saindo.

Hukom 1:7

Nagsabi si Adonibezek, “Setentang mga hade na pinurutolan nin mga tanggurangan sa kamot sagkod bitis an nagpurot kan mga rakdag sa irarom kan sakong lamesa; ngunyan ginibo man sako nin Dios an ginibo ko sainda.” Dinara siya ninda sa Jerusalem asin duman siya nagadan.

Hukom 5:27

Napaluhod si Sisera, natumba asin dai na naghiro sa pamitisan ni Jael; sa pamitisan ni Jael napaluhod si Sisera, natumba asin nagadan.

1 Samuel 15:33

Nagsabi si Samuel, “Huli kan saimong espada, nawaraan nin aki an kadakul na ina; sa siring na paagi, mawawaraan man nin aki an saimong ina.” Dangan pineredaso ni Samuel si Agag sa atubangan nin Kagurangnan duman sa Gilgal.