Mateo 7:19 - Marahay na Bareta Biblia

¹⁹ An lambang kahoy na dai nagbubunga nin marahay, pinapalod asin isinusugba sa kalayo.

Mateo 7:19 ပူးပေါင်းရင်းမြစ်များ

Isaias 27:11

Aralang asin barari na an mga sanga kan mga kahoy; pinoporot sinda kan mga babae tanganing igatong. Huli ta mayo nin pakasabot an mga tawong ini, dai sinda maheherakan kan Dios na naglalang sainda; dai sinda pahihilingan nin pagkaherak.

Daniel 4:14

Nagpahayag siya sa makosog na tingog, ‘Paloda an kahoy asin purutola an mga sanga kaiyan; rapgosa nindo an mga dahon dangan warakan an mga bunga kaiyan. Pahalea nindo an mga hayop sa irarom kaiyan asin an mga gamgam sa mga sanga.

Mateo 3:10

Dawa ngunyan, andam na an patok sa pagputol kan gamot kan mga kahoy; an lambang kahoy na dai nagtatao nin marahay na bunga papalodon saka isusugba sa kalayo.

Mateo 7:18

An marahay na kahoy dai nagbubunga nin maraot; an maraot na kahoy dai nagbubunga nin marahay.

Lukas 3:9

Dawa ngunyan andam na an patok sa pagputol kan gamot kan mga kahoy; an lambang kahoy na dai nagtatao nin marahay na bunga, papalodon saka isusugba sa kalayo.”

Tito 3:14

An satong mga kairiba kaipuhan makanood na maghingowa sa paggibo nin marahay, tanganing makatabang para sa anoman na pangangaipo; dapat mamuhay sinda na may pakinabang.

Hebreyo 6:8

Alagad kun an minatalubo diyan mga tonok saka mga doot, mayong pakinabang an dagang iyan; pwedeng maldisyonon iyan nin Dios; asin sa kataposan, susuloon.

Judas 1:12

Sinda mga digta sa saindong mga bangketeng sa magturugang, huli ta sobra sindang magkakan saka magburat. An para sainda sana an inaasikaso ninda. Garo sinda mga panganoron na pinapalid nin doros alagad mayong darang uran. Garo sinda mga kahoy na dai nagbubunga, maski tigbungahan; mga kahoy na ginabot sagkod an gamot asin talagang alang na.