Mateo 7:15 - Marahay na Bareta Biblia

¹⁵ “Mag-ingat kamo sa mga bakong tunay na propeta; garo sinda mga karnero kun minadolok saindo, alagad sa katunayan mga mabangis na lobo sinda.

Mateo 7:15 ပူးပေါင်းရင်းမြစ်များ

1 Mga Hade 13:18

Dangan nagsabi saiya an gurang na propeta, “Propeta man akong arog saimo, asin sinabihan ako nin sarong anghel huli sa pagboot nin Kagurangnan na ipag-iba taka sa sakong harong tanganing pakakanon asin painomon.” Alagad nagpuputik an gurang na propeta.

Jeremias 29:21

“An Kagurangnan nin mga hukbo, an Dios nin Israel, nagtaram manongod ki Ahab na aking lalaki ni Kolaias saka manongod ki Zedekias na aking lalaki ni Maaseias, na nagpopropesiya nin mga kaputikan sa ngaran nin Kagurangnan. Nagtaram siya na itatao niya sinda sa kamot ni Nebukadnezzar na hade nin Babilonia. Gagadanon sinda kan hade sa atubangan nindo.

Ezekiel 13:16

idtong mga propeta na nagpahayag sa Jerusalem na matoninong an gabos maski mayo man nin katoninongan.” An Kagurangnan Dios an nagtaram.

Ezekiel 13:22

“Huli kan saindong kaputikan, pinapaluya nindo an boot kan mga matanos na tawo na habo ko man na kulogan. Inoolang nindo an mga maraot na tawo sa pag-ontok kan maraot nindang gibo asin ikaligtas an saindang buhay.

Ezekiel 22:25

An mga lider nakakabaing sa mga leon na nag-uungal sa ibabaw kan mga hayop na ginadan ninda. Ginagadan ninda an mga tawo, sinasamsam an gabos na kwarta saka mga pagsadiri na pwede nindang makua. Huli kan panggagadan ninda, dakul an nagigin balo.

Ezekiel 22:27

An mga opisyal kan gobyerno garo mga lobo na nagroronot kan mga hayop na saindang ginadan. Minagadan sinda tangani sanang yumaman.

Daniel 11:34

Mantang nagpapadagos an panggagadan, an banwaan nin Dios maako nin tabang maski an dakul sa mga maapil sainda magibo kaiyan huli sa makasadiring dahelan.

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Zacarias 13:4

Pag-abot kan panahon na iyan, mayong propetang magpapaabaw-abaw huli kan saiyang mga bisyon o mamumuhay arog sa gawe nin sarong propeta o magsusulot kan mabalukag na gubing nin sarong propeta tanganing mandaya nin mga tawo.

Mateo 10:17

Mag-ingat kamo, huli ta may mga tawong madara saindo sa mga awtoridad. Hahampakon kamo ninda sa mga sinagoga.

Mateo 16:11

Tadaw ta dai nindo nasasabotan na bakong tinapay an boot kong sabihon? Maglikay kamo sa lebadura kan mga Fariseo asin mga Saduceo.”

Mateo 16:6

Sinabihan sinda ni Jesus, “Maglikay kamo sa lebadura kan mga Fariseo asin mga Saduceo.”

Mateo 24:11

Dangan, dakul na bakong tunay na propeta an madatong na madaya sa mga tawo.

Mateo 7:14

Alagad hayakpit saka piot an agihan pasiring sa buhay. Asin dikit an nakakakua kaiyan.

Lukas 12:15

Dangan inatubang niya an kadaklan saka nagsabi, “Mag-ingat kamo asin maglikay sa gabos na klase nin kaimotan, huli ta an tunay na buhay nin tawo bakong nasa kayamanan, dawa pa gurano siya kayaman.”

Lukas 6:26

“Herak man saindo kun inoomaw kamo kan gabos na tawo, huli ta siring man an ginibo sa mga bakong totoong propeta kan saindang mga ginikanan.

Juan 10:12

Alagad an parapatandan minadulag kun nakakahiling nin lobo. Binabayaan niya an mga karnero, palibhasa bako siyang pastor asin bako niyang sadiri an mga karnero. Kaya tinatabag kan lobo an mga karnero asin winawarak an mga iyan.

Mga Gibo 13:40

Kaya mag-ingat kamo tanganing dai mangyari saindo an sinabi kan mga propeta:

Mga Gibo 13:6

Linibot ninda an bilog na isla sagkod sa Pafos. Duman nakanumpong sinda nin sarong salamangkero na an ngaran Bar-Jesus, sarong Judio na nagsasabing siya sarong propeta.

Galacia 2:4

maski boot siyang serkomsisyonon kan nagkapirang lalaking nagsagin-sagin na mga tugang na nag-ayon sa grupo. An mga tawong ini nakalaog bilang mga espiya, sa pagsiyasat dapit kan katalingkasan na nasa sato sa paagi kan pakisumaro ta ki Cristo Jesus. Boot ninda kitang gibohon na mga oripon.

Efeso 4:14

Dangan bako na kitang arog kan mga aking sadit na madaling ianod saka ipadpad kan katukdoan kan mga tusong tawo na minakabit sa iba sa salang dalan sa paagi kan saindang mga pagdaya asin pagputik.

Efeso 5:6

Dai kamo magpadaya sa kiisay man na nagsasabi kan mga bagay na mayo nin kahulogan; an mga bagay na iyan an dahelan kan pag-abot kan kaanggotan nin Dios sa mga dai nagkukuyog saiya.

Filipos 3:2

Maglikay kamo sa mga tawong maraot an gibo, sa garo mga ayam, sa mga nag-iinsistir kan paglugad sa hawak.

Colosas 2:8

Mag-ingat kamo tanganing dai kamo magin biktima nin siisay man sa paagi nin pilosopia asin kaputikan, sosog sa mga tradisyon nin tawo saka sa mga nagsasakop na espiritu kan kinaban, asin bakong sosog sa katukdoan ni Cristo.

2 Timoteo 3:13

mantang an mga tawong maraot asin parasagin-sagin, padagos na magigin maraot, mga nandadaya saka nadadaya.

2 Timoteo 4:3

Maabot an panahon na dai na magdadangog an mga tawo kan totoong katukdoan, kundi magsusunod kan sadiri nindang kamawotan. Matipon sinda nin dakul na tawong magtutukdo sainda kan boot sana nindang madangog.

2 Pedro 3:17

Alagad kamo, mga tugang, aram na nindo an mga bagay na ini, kaya mag-ingat kamo tanganing dai kamo madara kan mga sala kan mga tawong maraot, dangan mahale sa ligtas na namumugtakan nindo ngunyan.

1 Juan 4:1

Mga namomotan, dai kamo magtubod sa mga nagsasabing igwa sinda kan Espiritu, kundi baloon nindo sinda, tanganing maaraman nindo kun an espiritu na nasa sainda talagang hale sa Dios; huli ta dakul na bakong tunay na propeta an nagtunga sa gabos na lugar.

Judas 1:4

Huli ta may nagkapirang tawo na dai nagtutubod sa Dios an hilom na nakaayon sato, mga tawo na kaidto pa nakatalaan nang hukoman, mga mayong dios na ginigibong karompotan an biyaya nin satuyang Dios, asin isinisikwal ninda si Jesu-Cristo, an iyo sanang Kagrogaring saka Kagurangnan ta.

Kapahayagan 16:13

Nahiling ko an tolong maating espiritu na garo mga talapang na nagluluwas: saro sa ngoso kan dragon, saro sa ngoso kan hayop, asin saro sa ngoso kan bakong tunay na propeta.

Kapahayagan 17:6

Nahiling ko na an babae naburat kan dugo kan mga banal asin kan dugo kan mga ginadan huli ta nagdanay sindang maimbod ki Jesus. Kan mahiling ko siya, napangalas ako nin marahay.

Kapahayagan 19:20

Nabihag an hayop, kaiba an bakong tunay na propeta na nagpahiling nin mga milagro sa atubangan kan hayop. (Huli kan mga milagrong idto nadaya niya idtong mga may marka kan hayop saka an mga nagsamba sa ladawan kan hayop.) An hayop dangan an bakong tunay na propeta parehong itinapok na buhay duman sa danaw nin naglalaad na asupre.

Kapahayagan 20:10

Dangan an Diablo na nagdaya sainda itinapok sa danaw nin kalayo saka asupre, na tinapokan man kan hayop saka kan bakong tunay na propeta. Duman papasakitan sinda aldaw-banggi, sagkod pa man.