Mateo 7:14 - Marahay na Bareta Biblia

¹⁴ Alagad hayakpit saka piot an agihan pasiring sa buhay. Asin dikit an nakakakua kaiyan.

Mateo 7:14 ပူးပေါင်းရင်းမြစ်များ

Salmo 16:11

Ipinapahiling mo sako an dalan nin buhay; sa saimong atubang yaon an kapanoan nin kaogmahan, sa too mong kamot yaon an kaogmahan sagkod lamang.

Mga Talinhaga 8:20

Naglalakaw ako sa dalan nin katanosan; sinusunod ko an mga agihan nin hustisya.

Isaias 30:21

Kun kamo malagalag, sa too man o sa wala kan dalan, madadangog nindo an saiyang tingog sa likodan nindo na magsasabi saindong, “Uya an dalan. Sunoda ini.”

Isaias 35:8

Magkakaigwa nin sarong dalan duman na aapodon “An Dalan nin Kabanalan.” Mayo nin parakasala na mag-aagi sa dalan na iyan; mayo nin lolong na malagalag sa mga nagsusunod kan dalan na iyan.

Isaias 57:14

Nagsasabi an Kagurangnan, “Pabalika sako an sakong banwaan. Halea nindo an gabos na nakakaolang sa saindang agihan! Maggibo kamo asin mag-andam nin tinampo!

Jeremias 6:16

Nagtaram an Kagurangnan sa saiyang banwaan, “Tumindog kamo sa pinagsasangahan kan mga dalan saka magmasid kamo. Maghapot kamo kun saen an suanoy na mga agihan asin kun arin an pinakamarahay na dalan. Diyan kamo maglakaw, asin mabubuhay kamo sa katoninongan.” Alagad nagsabi sinda, “Dai kami maagi diyan!”

Mateo 20:16

Pakatapos, nagsabi si Jesus, “Kaya an mga nahuhuri, maeenot; an mga naeenot, mahuhuri.”

Mateo 22:14

Nagtaram pa si Jesus, “Dakul an inaapod, alagad kadikit an napipili.”

Mateo 7:13

“Lumaog kamo sa hayakpit na pintoan, huli ta halakbang an pintoan saka mahiwas an dalan pasiring sa karatan, asin dakul an minalaog diyan.

Mateo 7:15

“Mag-ingat kamo sa mga bakong tunay na propeta; garo sinda mga karnero kun minadolok saindo, alagad sa katunayan mga mabangis na lobo sinda.

Markos 8:34

Dangan inapod ni Jesus an mga tawo saka an saiyang mga disipulo asin sinabihan, “An siisay man na boot magsunod sako, kaipuhan lingawan niya an sadiri niyang buhay, magpasan kan saiyang krus, asin magsunod sako.

Lukas 12:32

“Dai kamo matakot, sadit na ariponpon, huli ta kaogmahan kan saindong Ama na itao saindo an Kahadean.

Juan 16:2

Papahaleon kamo sa mga sinagoga; maabot nanggad an panahon na an siisay man na maggadan saindo maghohona na an gibong iyan sarong paglingkod sa Dios.

Juan 16:33

Sinabi ko ini saindo tanganing magkaigwa kamo nin katoninongan huli kan saindong pakikisumaro sako. Magkakaigwa kamo nin kasakitan digdi sa kinaban; alagad pakosoga an saindong boot, huli ta nadaog ko an kinaban!”

Mga Gibo 14:22

Pinakosog ninda an boot kan mga paratubod asin sinadol na magdanay sa pagtubod. Sinabihan pa ninda an mga parasunod, “Kaipuhan mag-agi kita nin dakul na kasakitan bago makalaog sa Kahadean nin Dios.”

Roma 12:2

Dai kamo makibagay sa kinaban na ini, kundi bayaan nindong bagohon kamo nin Dios huli sa pagbago kan saindong isip, tanganing mapatotoohan nindo kun ano an marahay, an maaako asin an mayong kakulangan na kabotan nin Dios.

Roma 9:32

Tadaw ta dai? Huli ta an saindang paghingowa bakong huli sa pagtubod kundi sa mga gibo. Kaya nasingkog sinda sa “gapong singkogan”