Mateo 6:19 - Marahay na Bareta Biblia

¹⁹ “Dai kamo magtipon nin kayamanan para saindo digdi sa daga, saen igwa nin bokbok asin takla na nangraraot, saka igwa nin mga parahabon.

Mateo 6:19 ပူးပေါင်းရင်းမြစ်များ

An Libro ni Job 24:16

Kun banggi, an mga parahabon minalaog sa mga harong kun aldaw, nagtatago sinda asin linilikayan an liwanag.

An Libro ni Job 31:24

“Kun nagsarig ako sa bulawan o naglaom ako sa pinong bulawan;

Salmo 39:6

totoong an tawo arog sana sa sarong anino. Mayo nin halaga an saiyang mga gibo; mga sinaray niyang yaman dai niya aram kun siisay an makinabang.

Salmo 62:10

Hare pagbugtakan an saindong pagsarig sa dahas; hare paglaom sa panghahabon; maski pa magdakul an saindong kayamanan, an saindong puso dai nindo ibugtak diyan.

Exodo 22:2

Dapat niyang bayadan an saiyang hinabon; kun dai siyang ibabayad, siya an ipapabakal bilang oripon tanganing mabayadan niya an saiyang hinabon. Kun an hinabon na hayop, baka, asno o karnero man, buhay pang nakua sa saiya, an sarong hayop babayadan niya nin duwa. “Kun bangging nadakop asin nagadan an nagsalakat sa sarong harong, dai sasalaon an nakagadan. Alagad kun aldaw ini nangyari, sisimbagon niya an buhay kan nagadan.

Mga Talinhaga 11:4

Sa aldaw nin kagadanan mayo nin pakinabang an kayamanan, alagad an katanosan iyo an maligtas kan saimong buhay.

Mga Talinhaga 16:16

Orog karahay an pakakua nin kadonongan saka pakaaram ki sa bulawan saka plata.

Parahulit 2:26

An tawo na nakakapawili sa Dios tinatawan niya nin kadonongan, pakasabot asin kaogmahan; alagad an parakasala tinatawan niya kan trabaho nin pagtipon asin pagtambak nin kayamanan, tangani sanang itao iyan sa mga nawiwilihan nin Dios. Ini mayo nin halaga, asin garo sanang paglamag sa doros.

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

Mateo 19:21

Sinabihan siya ni Jesus, “Kun boot mong magin matanos, lakaw, ipabakal mo an anoman na rogaring mo, asin an kabaklan ipanao mo sa mga dukha, dangan magkakaigwa ka nin kayamanan sa langit; pakatapos, magbalik ka asin sumunod sako.”

Mateo 6:20

Kundi, magtipon kamo nin kayamanan sa langit, saen mayo nin bokbok, takla o parahabon.

Lukas 12:21

Nagtaram pa si Jesus, “Siring kaiyan an mangyayari sa mga nagtitipon nin kayaman para sa sainda man sana, alagad bakong mayaman sa atubang nin Dios.”

Lukas 12:33

Pabakalan nindo an saindong mga rogaring asin an kabaklan kaiyan ilimos nindo sa mga dukha. Magtagama kamo nin mga pitaka na dai nagdadaan. Magtipon kamo nin kayamanan sa langit, ta duman dai nanggad iyan maiinaan, huli ta mayong parahabon na makakaduman, asin mayong bokbok na makakaraot kaiyan.

Lukas 12:39

Alagad saboton nindo ini: kun aram pa sana kan kagharong an oras kan pag-abot kan parahabon, nagbantay kuta siya asin dai nagtugot na masalakat an saiyang harong.

Lukas 18:22

Kan madangog ini ni Jesus, sinabihan niya an lalaki, “Saro pang bagay an kaipuhan mong gibohon. Ipabakal mo an gabos mong rogaring saka ipanao mo an kabaklan sa mga dukha, asin magkakaigwa ka nin kayamanan sa langit. Pakatapos, magbalik ka asin sumunod sako.”

Lukas 18:24

Nahiling ni Jesus na namondo an tawong idto kaya nagsabi siya, “Masakit na gayo sa mga mayaman na makalaog sa Kahadean nin Dios!

1 Timoteo 6:17

Pagbotan mo an mga mayaman sa kinaban na ini na dai sinda magin mapaabaw-abaw; dai sinda magsarig sa mga bagay na dai malalaoman arog baga kan kayamanan, kundi magsarig sa Dios na matinao sato kan gabos na bagay para sa satong kaogmahan.

Hebreyo 13:5

Maglikay kamo sa pagkamoot sa kwarta; makontento kamo kan nasa saindo, huli ta an Dios nagtaram, “Dai taka nanggad tatalikodan; dai taka nanggad pababayaan.”