Mateo 6:13 - Marahay na Bareta Biblia

¹³ Hare kami pabayae na madaog nin sogot, alagad agawon mo kami sa maraot.’

Mateo 6:13 ပူးပေါင်းရင်းမြစ်များ

Genesis 22:1

Pakatapos kaini, binalo nin Dios si Abraham. Inapod niya ini, “Abraham!” “Uya ako,” an simbag kaini.

1 Mga Hade 1:36

Nagsimbag si Benaias, “Masusunod an saimong kabotan, asin patotoohan logod iyan nin Kagurangnan na saimong Dios!

1 Mga Cronica 16:36

Pag-omawon an Kagurangnan, an Dios nin Israel, ngunyan asin sagkod pa man!” Dangan an mga tawo nagsabi, “Amen!” asin nag-omaw sa Kagurangnan.

1 Mga Cronica 29:11

Saimo an kadakulaan, an kapangyarihan, an kamurawayan, an kapangganahan asin an kamahalan, huli ta saimo an gabos na nasa langit asin daga. Saimo an kahadean, O Kagurangnan, asin ika an nangongorog na kagsakop kan gabos.

1 Mga Cronica 4:10

Namibi si Jabez sa Dios nin Israel, “Bendisyonan mo man logod ako, O Dios, asin tawan mo ako nin dakul na daga. Ibahan mo man logod ako asin ilikay sa anoman na maraot na makakakulog sako.” Itinao nin Dios ki Jabez an saiyang hinagad.

Salmo 10:16

An Kagurangnan hade sagkod pa man. Mawawara sa saiyang daga an mga nagsasamba sa ibang dios.

Salmo 106:48

Pag-omawon an Kagurangnan, an Dios nin Israel, ngunyan asin sagkod pa man! Gabos na banwaan magsabing, “Amen!” Omawon an Kagurangnan!

Salmo 22:28

Huli ta an Kagurangnan iyo an hade, siya an namamayo kan mga banwaan.

Salmo 41:13

Pag-omawon an Kagurangnan, an Dios nin Israel; ngunyan asin sagkod pa man! Amen! Amen!

Salmo 47:2

Huli ta an Kagurangnan, an Kahorohalangkawe, kinatatakotan, dakulang hade sa bilog na kinaban.

Salmo 47:7

An Dios hade kan bilog na kinaban; omawon siya sa paagi nin mga salmo!

Salmo 72:19

Omawon sagkod lamang an saiyang mamurawayon na ngaran! An bilog na daga mapano logod kan saiyang kamurawayan. Amen! Amen!

Salmo 89:52

Pag-omawon an Kagurangnan sagkod pa man! Amen! Amen!

Exodo 15:18

Ika, O Kagurangnan, an maghahade sagkod nuarin pa man.”

Mga Talinhaga 30:8

dai mo ako pagpabayaan na magin putikon asin dai mo ako pagpayamanon o pagin dukhaon. Itao mo sako an maninigo ko sanang kakanon.

Jeremias 15:21

Ililigtas taka sa kamot kan maraot saka madahas na mga tawo. Ako, an Kagurangnan, an nagtaram.”

Jeremias 28:6

“Amen! Gibohon logod iyan nin Kagurangnan; magkatotoo logod an propesiya mo asin ikabalik sa lugar na ini hale sa Babilonia an gabos na kayamanan kan templo asin an gabos na tawong dinara duman bilang mga bihag.

Daniel 4:25

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka, asin madudumog ka kan ambon, huli ta magkakatorog ka sa kaomahan. Dangan aakoon mo na an Kahorohalangkaweng Dios iyo an naghahade sa gabos na kahadean nin tawo, asin na itinatao an mga iyan sa kiisay man na saiyang mapili.

Daniel 7:18

Alagad an mga banal kan Kahorohalangkaweng Dios iyo an maako nin kapangyarihan na maghade, asin magigin kagsadiri kan kahadean sagkod pa man.”

Mga Bilang 5:22

Lumaog logod sa saimong tulak an tubig na ini tanganing pabutogon iyan asin pakunkunon an saimong kinabuhay.” Masimbag an babae: “Minauyon ako; gibohon logod iyan nin Kagurangnan.”

Mateo 26:41

Magpuka kamo asin mamibi tanganing dai kamo madaog nin sogot. Andam kutana an espiritu alagad an hawak maluya.”

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Mateo 5:37

Sabihon sana nindong ‘Iyo’ o ‘Dai’—an anoman na idagdag nindo kaini gikan sa maraot.

Mateo 6:10

dumatong an kahadean mo; kuyogon an boot mo digdi sa daga siring sa langit.

Juan 17:15

Dai ko hinahagad saimo na haleon mo sinda sa kinaban, kundi ilikay mo sinda sa Maraot.

1 Corinto 10:13

Anoman na sogot na minaabot saindo, ordinaryo nang minaabot sa tawo. Alagad maimbod an Dios asin dai niya tutugotan na sogotan kamo nin labi pa sa kakayahan nindo. Kun kamo sogotan, papakosogon niya kamo tanganing matagalan nindo iyan asin makakua kamo nin paagi na malusotan iyan.

1 Corinto 14:16

Kun nagpapasalamat ka sa Dios sa espiritu sana, paanong makasimbag nin “Amen” an tawong mayo nin balaog na arog saimo, dahel ta dai niya aram kun ano an sinasabi mo?

2 Corinto 1:20

Si Cristo an “Iyo” kan gabos na panuga nin Dios. Kaya, sa paagi niya minasabi kitang “Amen” bilang pag-omaw sa Dios.

Galacia 1:4

Idinolot ni Cristo an saiyang buhay para sa satong mga kasalan tanganing makaligtas kita sa maraot na kapanahonan na ini. Ginibo niya ini sa pagkuyog kan kabotan kan satong Dios asin Ama.

Deuteronomio 8:16

Sa kalangtadan, pinakakan niya kamo nin manna, pagkakan na dai pa nanamitan kan saindong mga ginikanan. Pinasakitan niya kamo sa pagbalo saindo, tanganing sa kataposan, tawan niya kamo nin mga marahay na bagay.

Deuteronomio 8:2

Giromdoma nindo kun paano kamo pinangenotan nin Kagurangnan, na saindong Dios, sa pagbaklay nindo sa desyerto sa laog nin kwarentang taon. Pinasakitan niya kamo sa pagbalo saindo, tanganing aramon an nasa puso nindo, kun makuyog kamo kan saiyang mga togon o dai.

1 Tesalonica 1:10

asin kun paano nindo hinahalat an pagbalik kan saiyang Aki hale sa langit—si Jesus na binuhay niya liwat, na iyo an maligtas sato sa maabot na makuring kaanggotan nin Dios.

2 Tesalonica 3:3

Alagad maimbod an Kagurangnan. Papakosogon niya kamo saka ililikay sa Maraot.

1 Timoteo 1:17

Itao man logod sagkod pa man an paggalang asin an kamurawayan sa Hade na mayo nin kataposan, na mayo nin kagadanan, na dai nahihiling, iyo sanang Dios! Amen.

Hebreyo 11:36

May pinagtuya-tuya saka pinaghampak; may ginapos asin binilanggo.

1 Pedro 5:8

Mag-andam kamo asin magbantay! Huli ta an Diablo na saindong kalaban naglilibot siring sa sarong nag-uungal na leon na naghahanap nin hahalonon.

2 Pedro 2:9

Kaya an Kagurangnan tataong magligtas kan mga tawong diosnon sa mga pagbalo sainda, dangan tataong magpadusa sa mga maraot na tawo sagkod sa Aldaw nin Paghukom.

1 Juan 3:8

An nagkakasala sadiri kan diablo, huli ta an diablo nagkasala poon pa sa kapinonan. An dahelan kan pagdigdi kan Aki nin Dios iyo an paglaglag kan mga gibo kan diablo.

Kapahayagan 1:18

an Nabubuhay! Nagadan ako, alagad ngunyan, buhay ako sagkod pa man. May kapangyarihan ako sa kagadanan asin sa Hades.

Kapahayagan 19:1

Pakatapos kaini, nakadangog ako nin ribok na arog kakosog kan tingog nin kadakul na tawo sa langit, na nagkukurahaw, “Pag-omawon an Dios! An kaligtasan, kamurawayan asin kapangyarihan nasa satong Dios!

Kapahayagan 19:4

Nagdapa an beynte y kwatrong kamagurangan asin an apat na buhay na linalang sa atubang nin Dios na nagtutukaw sa trono. Nagsabi sinda, “Amen! Pag-omawon an Dios!”

Kapahayagan 2:10

Dai ka matakot sa mga nagdadangadang mong kasakitan. Uya, an iba saindo ipapabilanggo kan Diablo tanganing baloon kamo, asin sampolong aldaw kamong magtitios. Alagad magin maimbod ka sagkod sa kagadanan asin itatao ko saimo an korona nin buhay.

Kapahayagan 21:4

Papahidon niya an gabos nindang luha. Mayo na nin kagadanan, kamondoan, pagtangis o kasakitan, huli ta napara na an mga daan na bagay.”

Kapahayagan 3:10

Huli ta sinunod mo an pagboot ko na magin matinios ka, ililikay taka sa kasakitan na maabot sa bilog na kinaban, sa pagbalo kan gabos na tawo diyan.

Kapahayagan 3:14

“Suratan mo an anghel kan simbahan sa Laodicea: “Iyo ini an mensahe kan Amen, an maimbod saka totoong saksi, an ginikanan kan gabos na linalang nin Dios.

Kapahayagan 5:13

Nadangog ko man na nag-aawit an gabos na linalang na nasa langit, sa daga, sa irarom kan daga, saka sa dagat—an gabos na linalang sa bilog na kinaban—ini an saindang inaawit: “Sa nagtutukaw sa trono asin sa Kordero, mapasainda an paggalang, kaomawan, kamurawayan, asin kapangyarihan, sagkod pa man!”