Mateo 5:9 - Marahay na Bareta Biblia

⁹ “Paladan an mga parapatoninong huli ta aapodon sindang mga aki nin Dios!

Mateo 5:9 ပူးပေါင်းရင်းမြစ်များ

1 Mga Cronica 12:17

Nagluwas si David asin sinabat sinda dangan sinabihan, “Kun napadigdi kamo bilang mga katood sa pagtabang sako, inaako ko kamo. Alagad kun iniisip nindong ipasaluib ako sa akong mga kaiwal, maski mayo man ako nin sala, maiisihan iyan kan Dios nin satong mga ginikanan, asin papadusahan niya kamo.”

Salmo 120:6

Haloy akong nag-erok kaiba kan mga tawong anggot sa katoninongan.

Salmo 34:12

Boot nindong mabuhay sa kaogmahan? Mawot nindo an halawig na buhay asin kaogmahan?

Mateo 5:45

tanganing magin mga aki kamo kan saindong Ama na nasa langit. Huli ta parehong pinapasaldangan nin aldaw saka pinapauranan nin Dios an tawong marahay asin an maraot, an tawong banal saka an parakasala.

Mateo 5:48

Kaya magpakamatanos kamo sa gabos na bagay, arog kan saindong langitnon na Ama, na matanos sa gabos na bagay.

Lukas 20:36

Dai na sinda magagadan, huli ta magigin arog na sinda sa mga anghel. Sinda mga aki nin Dios, huli ta nabuhay sinda liwat.

Lukas 6:35

Bakong arog kaiyan! Kundi kamotan nindo an saindong mga kaiwal asin gibohan nindo sinda nin marahay. Magpasubli kamo na dai naghahalat nin balos. Kun iyan an gibohon nindo, magkakaigwa kamo nin dakulang balos, asin magigin mga aki kamo kan Kahorohalangkawe. Huli ta marahayon siya sa mga mayo nin utang na boot asin sa mga makasadiri.

Mga Gibo 7:26

Sunod na aldaw, nakahiling siya nin duwang Israelita na nag-iiwal. Pinaghingowa niyang husayon sinda, kaya nagsabi siya, ‘Magtugang kamo; tadaw ta nag-iiwal kamo?’

Roma 12:18

Sagkod sa makakaya nindo, mamuhay kamong matoninong sa kaibahan nin gabos na tawo.

Roma 8:14

An gabos na nagsusunod sa Espiritu nin Dios, mga aki nin Dios.

Roma 8:16

An Espiritu mismo an nagpapatotoo, kaiba kan satong espiritu, na kita mga aki nin Dios.

Roma 8:19

An gabos na linalang tudok sa puso na naghahalat na ihayag kan Dios an saiyang mga aki.

1 Corinto 6:6

Kaipuhan pa daw na an sarong tugang magsumbong tumang sa kapwa tugang sa atubang nin mga hukom na pagano?

2 Corinto 13:11

Ngunyan, mga tugang, paaram na saindo! Maghingowa kamong magin orog karahay; sunodon nindo an mga hulit ko; magkasararo kamo saka mamuhay na matoninong. Mapasaindo an pagkamoot asin an katoninongan nin Dios.

2 Corinto 5:20

Kaya, nagtataram kami ngunyan para ki Cristo na garo an Dios mismo an nakikiolay saindo sa paagi mi. Nakikimaherak kami saindo sa ngaran ni Cristo na makipag-olian na kamo sa Dios.

Galacia 5:22

Alagad an bunga kan Espiritu pagkamoot, kaogmahan, katoninongan, pakatios, kabootan, karahayan, kaimbodan;

Efeso 4:1

Kaya ako, na sarong bilanggo dahel sa Kagurangnan, nakikiolay saindo na mamuhay kamo na maninigo sa buhay na inapodan saindo nin Dios.

Filipos 4:2

Nakikimaherak ako saindo, Euodia saka Sintique, na magkaoyon kamo siring sa magtugang sa Kagurangnan.

Colosas 3:13

Magpatinios-tiosan asin magpatinawad-tawadan kamo, kun an saro may sumbong tumang sa kapwa. Pinatawad kamo kan Kagurangnan, kaya magpatawad man kamo.

Hebreyo 12:14

Hingowahon nindong magkaigwa nin katoninongan sa kaibahan kan gabos; mamuhay kamong banal, huli ta kun mayo kaiyan, mayo nin siisay man na makakahiling sa Kagurangnan.