Mateo 5:6 - Marahay na Bareta Biblia

⁶ “Paladan an mga nagugutom asin napapaha sa katanosan, huli ta sinda pakababasogon!

Mateo 5:6 ပူးပေါင်းရင်းမြစ်များ

Salmo 107:9

Huli ta pinapainom niya an mga napapaha, asin an mga nagugutom pinapakakan nin mga marahay na bagay.

Salmo 145:19

Itinatao niya an kamawotan kan mga natatakot saiya; dinadangog niya an agrangay ninda asin iliniligtas niya.

Salmo 17:15

Para sako, mahihiling ko sa katanosan an saimong lalawogon; pagmata ko dangan mahiling ka, mayo na akong ibang mamawoton.

Salmo 63:5

Magkakakan an sakong kalag asin mababasog; maogmang mag-aawit ako nin pag-omaw sa saimo.

Salmo 65:4

Paladan an saimong pinili asin dinara sa saimong santwaryo tanganing duman mag-erok. Tama na para samo an pagkamarahayon nin saimong harong, nin saimong banal na Templo.

Salmo 84:2

An sakong kalag napupungaw asin naghihidaw sa mga patyo nin Kagurangnan. An sakong puso asin hawak nag-aawit sa kaogmahan sa Dios na buhay.

Mga Talinhaga 10:24

An natatakotan kan maraot na tawo mangyayari saiya, alagad an kamawotan kan matanos itatao saiya.

Mga Talinhaga 21:21

An namumuhay na matanos saka maboot mahalawig an buhay asin oomawon.

Awit nin mga Awit 5:1

Naglaog na ako sa sakong tatamnan, sakong namomotan, sakong agom. Tinitipon ko an sakong pahamot saka mira; kinakakan ko an sakong dugos asin anira; iniinom ko an sakong arak saka gatas. Kakan kamo asin inom o nagkakaminootan sagkod na maburat kamo sa pagkamoot!

Isaias 25:6

Digdi sa Bukid nin Sion, maandam nin bangkete an Kagurangnan nin mga hukbo para sa gabos na nasyon kan kinaban—sarong bangkete nin masiram na mga pagkakan asin managom na mga arak.

Isaias 41:17

“Kun an sakong banwaan maghanap nin tubig dangan mayong makua, kun magmara an saindang halonan sa paha, ako, an Kagurangnan, an masimbag sainda; ako, an Dios nin Israel, dai nanggad mapabaya sainda.

Isaias 44:3

“Tatawan ko nin tubig an napapahang daga asin papabuloson ko an mga salog sa mamarang daga. Iwawaras ko an sakong espiritu sa saimong kaakian asin an sakong biyaya sa saimong kapagarakian.

Isaias 65:13

Kaya sinasabihan ko kamo na idtong nagsasamba saka nagkukuyog sa sako iyo sana an magkakaigwa nin dakul na pagkakan asin inomon, alagad magugutom saka mapapaha kamo. Magigin maogma sinda, alagad mapapasopog kamo.

Isaias 66:11

Papakinabangan nindo an saiyang kauswagan, siring sa sarong aki sa daghan nin saiyang ina.

Jeremias 31:25

Papakosogon ko an mga napapagal saka pakakakanon ko an mga nanluluya huli sa gutom.

Lukas 1:53

Binasog niya nin mga marahay na bagay an mga nagugutom, asin isinubol niya sa kadaihan an mga mayaman.

Lukas 6:21

“Paladan kamong mga nagugutom ngunyan, huli ta babasogon kamo! “Paladan kamong mga nagtatangis ngunyan, huli ta magngingisi kamo!

Lukas 6:25

“Herak man saindo na mga basog ngunyan, huli ta magugutom kamo! “Herak man saindo na nagngingisi ngunyan, huli ta magmomondo asin magtatangis kamo!

Juan 4:14

alagad an siisay man na uminom kan tubig na itatao ko, dai na nanggad mapapaha. Huli ta an tubig na itatao ko magigin sarong burabod na magtatao saiya nin buhay na daing kataposan.”

Juan 6:27

Dai kamo magpagal para sa kakanon na nalalapa, kundi para sa kakanon na nagdadanay sagkod sa buhay na daing kataposan, na itatao saindo kan Aki nin Tawo; huli ta sa saiya ibinugtak kan Dios Ama an saiyang tanda.”

Juan 7:37

Sa huring aldaw kan pyesta na iyo an pinakamahalagang aldaw, nagtindog si Jesus saka nagtaram nin makosog, “An napapaha dumolok sako asin uminom.

Kapahayagan 7:16

Dai na nanggad sinda magugutom o mapapaha; dai na sinda mapapaso kan aldaw o kan anoman na init,